2 нче яртыеллык буенча ата-аналар җыелышы булды.  Фән олимпиадаларының муниципаль этабында жиңүче һәм призер булган укучыларыбызнын әти- әнилэренә,шулай ук "4"  һәм "5"ле   билгеләренә генә тәмамлаган укучыларнын әти- әнилэренә рәхмәт хатлары тапшырылды.

Мини-футбол буенча Икшермә зонасында уздырылган ярышта, мәктәбебезнең спорт сөюче егетләре 3 нче урынга лаек булдылар. Булдырасыз, егетләр! 

Олимпиадалар буенча мәктәбебездә урыннар саны арта бара. 8 нче сыйныф укучысы Валиева Алсу рус әдәбиятыннан җиңүче, татар теле һәм физик тәрбия фәннәреннән призер булды. Алсуны һәм аның укытучыларын котлыйбыз, республика этабында да уңышлар телибез!

Тәҗрибәле, киң күңелле, олы җанлы җитәкчебез Гөлнур Вакыйфовна!  35 елдан артык балаларга белем һәм тәрбия бирүче, тирән белемле, һәр яңалыкны уйлап кабул итүче, төрле конкурсларда җиңү яулап, күп кенә мактау грамоталары белән бүләкләнгән җитәкчебез. Сезне 55 яшьлек юбилеегыз белән чын күңелдән тәбриклибез, иң изге теләкләребезне юллыйбыз. Һәр көнегез кояш кебек якты, саулыгыгыз ныклы , гомерегез бәхетле булсын. Эшегездә энергия, укытучылар белән уртак тел табып безнең белән янәшә эшләвегезне телибез. Һәрчак һәм бар җирдә сезгә уңыш юлдаш булсын.

Фән олимпиадалары дәвам итә. 8 нче сыйныф укучысы Миннегулова Рәзинә татар әдәбияты фәненнән районыбызда кабат җиңүче булды.Рәзинәне һәм укытучысы Фирая Әхмәтхановнаны уңышлары белән котлыйбыз! 

17 нче декабрь көнне районда үткәрелгән бадминтон ярышында Мөхәммәтҗанов Рәис 1 нче урынга лаек булды! Рәис укуда да сынатмый һәм спортны да үз итә.