Ш.Мәрҗани истәлегенә багышлап китап күргәзмәсе оештырылды һәм татар теле укытучылары җитәкчелегендә укучылар тарафыннан буклет ясалды.

Бүген тарих укытучысы Хасанов М.М. 5-9  нчы сыйныф укучылары арасында "Россия  тарихында   Мәрҗани  эшчәнлеге"дигән темага чыгыш ясады. Тирән эчтәлекле әңгәмә презентация нигезендә алып барылды. 

Башлангыч сыйныфлар атналыгында  төрле чаралар дәвам итә. Укучылар план буенча викториналарда, тренингларда актив катнаштылар, төрле уеннар уйнадылар.Барлык укучылар да яхшы җимлекләр ясап, аларны агачка элеп, кошларны сөендерделәр.

8 нче сыйныф укучысы Мөхәммәтҗанов Рәис химия фәненнән "Путь к олимпу" республикакүләм олимпиадасының призёры булды.Укытучысы Рузалия Хәмитовнаны һәм Рәисне зур уңышы белән котлыйбыз!

Күренекле шәхес- Ш.Мәрҗәнинең тууына 200 ел уңаеннан 5-9 нчы сыйныф укучылары өчен китапханәче Ләйлә Вагизовна "Беренче таң чаткысы" исеме астында әдәби кичә уздырды.

 Бүген башлангыч сыйныф укучылары өчен   атналык башланып китте. Атналыкның беренче көнендә укучылар план белән танышты һәм алар өчен җыен үткәрелде.

8 нче сыйныф укучысы Мөхәммәтҗанов Самат район күләмендә уздырылган "Всемирный день памяти жертв ДТП" конкурсының "Иң яхшы плакат" номинациясендә актив катнашканы өчен грамота белән буләкләнде( Җитәкчесе Хабибрахманова Г.Ш.) 

Көтеп алган  кышкы каникуллар башланды. 5-6 нчы сыйныф укучылары "Нарат" боз сараенда тимераякта шуып, күңел ачтылар.

Мәктәбебезнең спорт, сәнгать, уку буенча алдынгылары район башлыгы тарафыннан уздырылган Чыршы бәйрәмендә катнаштылар. Бәйрәм төрле әкияти тамаша, күңелле уеннар, җырлар,биюләр белән үрелеп барды. Укучылар чын күңелдән ял иттеләр, уеннарда катнаштылар.

Уку һәм спорт буенча алдынгы укучыбыз Каюмов Нияз Казан шәһәрендә үткәрелгән зур Яңа ел тамашасында булып кайтты.