Муниципальное бюджетное общеобразовательное учреждение «Кутлу-Букашская средняя общеобразовательная школа» Рыбно-Слободского муниципального района РТ/Татарстан Республикасы Балык Бистәсе муниципаль районы муниципаль бюджет гомуми белем учреждениесе “Котлы-Бүкәш урта гомуми белем мәктәбе”
Визитная карточка
Адрес: | 422665, Республика Татарстан, Рыбно-Слободский район, с. Кутлу-Букаш, ул. Шаймарданова, д. 2 422665, Татарстан Республикасы, Балык Бистәсе районы, Котлы Бөкәш авылы, Шәймәрданов ур., 2 |
Телефон: | +7(843)-613-12-43;+7(843)-613-13-92 |
E-Mail: | skb.rs@tatar.ru |
Министерство: | Министерство образования и науки Республики Татарстан |
Короткое название: | МБОУ «Кутлу-Букашская средняя общеобразовательная школа» Рыбно-Слободского муниципального района РТ |
Руководитель: | Салахиев Накиф Юнусович |
Год основания учреждения: | 1937 |
У нас учатся: | 142 |
У нас учат: | 36 |
Муниципальное бюджетное общеобразовательное учреждение «Кутлу-Букашская средняя общеобразовательная школа» Рыбно-Слободского муниципального района РТ/Татарстан Республикасы Балык Бистәсе муниципаль районы муниципаль бюджет гомуми белем учреждениесе “Котлы-Бүкәш урта гомуми белем мәктәбе” - новости
Страницы: << 191 192 193 194 195 196 197 198 199 ( 200 ) >>
-
“Иң шәп әйдәман” бәйгесе.
27.02.2014
Район балалар иҗат үзәгендә әлеге бәйге ел саен үткәрелә. Бу уку елында ул өч өлештән торды. Беренче турда әйдаманның эш папкасы тәкъдим ителде. Әйдаманнар үзләренең эшчәнлекләре турында сөйләделәр, презентация тәкъдим иттеләр. Икенче турда “Мирас юлы”, "Эзтабар юлдашы”, "Галстуклар иле” программалары буенча сорауларга җавап бирделәр.Өченче турда тамашачылар белән уен уйнау иде. Без “титаник” уенын тәкъдим иттек. Һәр әйдаман үзенең нәрсәгә сәләтле булуын күрсәтте. Бәйге кызыклы уеннар, җырлар белән үрелеп барды. Безнең мәктәптән бу бәйгедә 6б нчы сыйныфы укучысы Хисамов Эмиль катнашты. Ул үзенең белемле, тапкыр, кыю, зирәк булуын күрсәтте һәм "Иң шәп әйдаман” бәйгесендә II урынга лаек булды. Бу конкурста Эмильгә сыйныфташы Вәлиев Илсаф ярдәм итеп торды. Илсафыбыз да тамашачылар күңелен яулады.Ул бик оста итеп Данир Сабиров булып җырлады. Бәйге бик киеренке һәм мавыктыргыч үтте. Алдагы көннәрендә дә егетләребезгә зур уңышлар, сәламәтлек телибез. Әфәрин, егетләр!
-
Бәйрәм белән!
22.02.2014
23- февраль- Ватанны саклаучылар көне уңаеннан Бөек Ватан сугышында катнашкан һәм мәктәбебез ветераннарына котлау открыткалары таратылды.
Хөрмәтле ветараннарыбыз!!!
Шушы Сезне- барыгызны да Ватанны саклаучылар көне белән тәбриклибез. Сезгә ныклы сәламәтлек, тыныч күк йөзе, чиксез бәхет-куанычлар, муллык, уңышлар, баш очында күкнең имин булуын телибез. Бүген дә сез, кадерле кешебез, үзегезнең тирә-ягыгыздагы кешеләргә шатлык өләшәсез, олысына да, кечесенә дә сез кешелекле һәм игелекле, абруйлы киңәшче, шуңа күрә дә үзегез олы ихтирам казангансыз. Киләчәк тормышыгызда, язмыш сынауларына бирешмичә, һәрвакыт шундый ихтирамга лаек булып калырга язсын. Балаларыгызның, оныкларыгызның, якыннарыгызның игелеген тоеп, күңел тынычлыгы белән, матур тормышта яшәргә насыйп булсын.
Артта калган еллар төрле булган,Шатлыгы да булган, кайгылар...
Без телибез сезгә олы бәхет,
Озын юллар, бетмәс шатлыклар.
Иң изге теләкләр һәм хөрмәт белән
Котлы Бүкәш мәктәбенең
укучылар һәм укытучылар коллетивы.
-
Юл- яшькә ташлама ясамый, хаталарны кичерми
22.02.2014
Юл- яшькә ташлама ясамый, хаталарны кичерми. Моны өлкәннәр бик яхшы аңлый, әмма, кызганычка каршы, яшь җәяүлеләр бик игътибарсыз. Кечкенәләр мөмкин булган куркынычны алдан күрергә сәләтле түгел, еш кына юлны җәяүлеләр өчен билгеләнмәгән урыннан чыгарга яраталар. Шушы уңайдан районыбызда “ Куркынычсызлык өчен бергә көрәшик !”- дигән тема астында ГАИ хезмәткәрләре тарафыннан чара оештырылды. Әлеге чарада мәктәбебезнең җиденче сыйныф укучылары катнашты.Уңышлы гына чыгыш ясап, истәлекле бүләк һәм мактау грамотасы белән бүләкләндек.Адымнар нык, юллар имин булсын!
-
Сөенче!!!
22.02.2014
2014нче елдан башлап "Сабантуй" яңа форматта - “Сабантуй” журналы булып чыга башлады. Анда туган телебездә язылган кызыклы шигырьләр, могҗизалы хикәяләр, рәсемле әкиятләр, сканвордлар, комикслар, көлдергечләр белән таныша, шулай ук яраткан шөгыльләребез, хыялларыбыз, уй-фикерләребез белән уртаклаша алабыз.
“Сабантуй” журналы айга ике мәртәбә чыга.Иң куанычлысы шул – 3б сыйныф укучыларына бу журнал аеруча зур шатлык китерде. Аның 2нче санында алар үзләренең сыйныфташлары Ризванова Галиянең шигырен күреп, 3нче санында Юнысова Алсуның мәкаләсен укып шатлансалар, 4нче санында тагын 3 сыйныфташларының мәкаләләрен күреп сокландылар, сөенештеләр. Гилазова Адилә кошларны ничек сыйлаганнарын, Валеев Азилә мәктәп музеен “баетулары”, Зиннатова Энҗе юл йөрү кагыйдәләренә багышланган әкият күрсәтүләре турында язган. Әфәрин, балалар! Алга таба да шулай дәвам итүегезне телибез! Уңышлар сезгә!!!
Калган укучыларны да бу журнал белән танышырга һәм дуслашырга чакырабыз!
-
Гаилә һәм мәктәп
19.02.2014
“Гаилә һәм мәктәп” журналының (№1, 2014) “Остаханә” сәхифәсендә мәктәбебезнең технология укытучысы Әхмәтҗанова Фирдания Әгләмша кызының “Бисердан чечек” дип исемләнгән саллы гына мәкаләсе басылып чыкты. Котлыйбыз! Киләчәктә сәламәтлек һәм иҗади уңышлар телибез!
-
Түгәрәк эшчәнлеге
18.02.2014
Без 6 нчы класс укучылары «Башлангыч модельләү» түгәрәгенә йөрибез. Анда без бергәләп күлмәк, итәк, җәйге сарафан, мендәр тышлары тегәбез, шул ук вакытта кемнең туган көннәре җитә, шуларны без үзебез торт пешереп билгеләп үткәрәбез. Түгәрәктә без дәрестән соң калып бар эшләрне бетереп ял итеп кайтабыз.
-
15 нче февраль-сугышчы-интернационалистларны искэ алу коне
17.02.2014
18 нче февраль-сугышчы-интернационалистларны искэ алу коне. Шушы унайдан узләренен изге бурычларын Эфганстан жирендэ утәгән Илhам һэм Илhам Гыймадиевларның әниләре Минжихан апа белән очрашу уткәрелде. Ул узенен чыгышнда укучыларны әти-әнине, туган илне,туган төбәкне яратырга, сакларга ондәде. Шулай ук армия хезмәтенә барып, туган илне саклау һәр егетнен изге бурычы икәнен әйтте. 5-10 сыйныф укучылары катнашында уткән бу очрашу бик мәгънәле, тирән эчтәлекле булды. Очрашу, илебез куге мәнге аяз, әниләрнен күз яше тугелмәсен, киләчәк буын сугыш газабын курмәсен дигән теләктә тәмамланды.
-
Изге Вәли көне
15.02.2014
14 нче февраль-Изге Вәли көне. Шушы уңайдан мәктәбебездә матур итеп бизәлгән тартма куелды. Көн дәвамында бу тартма йөрәк төшкән открыткалар белән тулды. Һәм 10а сыйныфы укучылары тартмаларны ачып сыйныфларга таратып йөрделәр. Укучылар белән беррәттән укытучыларга да йөрәкләр яздылар. Бу көнне барысы да бик шат күңелле иделәр.
-
Тимурчылар эше
14.02.2014
13 нче февраль көнне Аркадий Гайдар исемендәге тимучылар отряды(10б сыйныфы) ветеран укытучыбыз Шәрәфетдинова Флюрә Һидыят кызына кар көрәргә керделәр.Флюрә апа укучылардан бик канәгать калды. Кемгә дә булса изгелек эшләсәң күңелгә рәхәт булып китә бит ул
-
Студентлар белән очрашу
13.02.2014
Бер күрешү – үзе бер гомер бит,
Очрашуга сәбәп табылсын.
Бер-берләрен сагынышкан дуслар
Күрешергә монда агылсын.
Традицион рәвештә ел саен гыйнвар аенда чыгарылыш сыйныф укучылары - студентлар белән очрашу кичәсе оештыра. Узган атнада мәктәпне тәмамлаган, укуларын югары уку йортларында дәвам итүче студентлар белән очрашу кичәсе үткәрелде. Торле ВУЗларда белем алучы студентлар уз тормышлары, уку йортлары турында кызыклы итеп сойләделәр. Кичә студентлар һәм 11 нче сыйныф укучылары арасында бәйге, кунел ачу, уеннар белән тогәлләнде.