“... Ал да булыр чагыбыз,
Гөл дә булыр чагыбыз,
Без җырламый,кем җырласын,
Безнең шундый чагыбыз....”

Бүген лагерыбызда “Җырлыйк, дуслар, бергәләп” дип исемләнгән җыр бәйгесе үтте. Укучылар җырлап кына калмадылар, үзләренең матур биюләрен дә башкардылар.

Сәламәтлек зур байлык бит,

Хәрәкәттә- бәрәкәт,

Спорт белән шөгыльләнү ,

Җанга ял, тәнгә сихәт.

Бүген ярышка, спортка битараф булмаган, аны яраткан, кирәк дип санаган, үз сәламәтлеген спорт белән ныгытуны хуп күргәннәр җыелды. Сәламәтлек өчен спортның һәр төре яхшы. Лагерьдагы спорт көнебез менә шундый юллар белән башланып китте. Көнебез гел хәрәкәттә  үтте. 

12 июньдә без Россия көнен билгеләп үтәбез. Әлеге бәйрәм Ватан, аның тарихы бүгенгесе һәм киләчәге белән өзелмәс бәйләнешне гәүдәләндерә. Безнең барыбызны да Россияне көчле, ирекле, демократик, чәчәк атучы дәүләт итеп күрү теләге берләштерә. Кадерле дуслар! Россиянең һәр гражданины үз иле, халкының киләчәге якты булуын тели. Көчле, имин ил буларак, без үз Ватаныбыз белән горурланабыз. Барыгызны да әлеге бәйрәм белән котлыйбыз. Бу көнне балалар белән презентацияләр карап үттек, Россия һәм Татарстан гимннарын  җырладык.

Бу көнне лагерь балалары белән “Таш елга”га барып дару үләннәре җыйдык. Анда бару белән бераз ял итеп уйнап алдык. Аннары бергәләп дару үләннәре җыярга керештек. Аларның файдасы, кайбер үләннәрнең агулы икәнлекләрен сөйләштек. Мәктәпкә кайткач үләннәрне киптерергә тараттык.

Бүген лагерьда Гиннес рокордлары көне булды. Балалар бик матур итеп җырладылар, биеделәр, кеше ясый алмаган күнегүләр, чәч үрү осталыкларын күрсәттеләр. Бу бәйгедә балалар белән беррәттән укытучылар да катнашты.

Бүген лагерьда «Оста куллар» дип исемләнгән проект эшләрен яклау булды. Кызлар мәрҗәннәр, беләзекләр, малайлар тартмалардан машиналар, очкычлар ясадылар.Соңыннан балаларны тәмле конфетлар белән сыйладык.

1 нче июнь  көнне 4а сыйныфында шаулап – гөрләп башлангыч мәктәп белән саубуллашу кичәсе узды. Чара бик матур, күңелле булса да, балалар да,беренче укытучылары да,күз яшьләрен яшерә алмадылар.

Бу көнне балалар түземсезләнеп көттеләр. Өч командага бүленеп лагерь хәзинәсен эзләдек. Балалар төрле каршылыкларны җиңделәр. Лагерь хәзинәсен икенче команда тапты. Аннары мәктәп каршында тантаналы линейка, концерт булды.

Бүген лагерьда  спорт көне  булды. Укучылар 4 командага бүленеп кызыклы эстафетада катнаштылар.

Бүген лагерьда «Тамчы-Шоу» күңел ачу программасы оештырдык. Моның өчен һәр отрядтан 5 әр укучы алдык. Укучыларга төрле тематикага хас сораулар бирелде: районыбыз турында, математик биремнәр, Шәүкәт Галиевның шигырьләре , мәктәп турында. Укучылар барлык сорауларга да бик җиңел генә җавап бирделәр. Тапшыруыбыз музыкаль номерлар белән бизәлеп барылды. Барыбызга да “Тамчы- Шоу “ порграммасы бик ошады.