19 нчы ноябрь көнне башлангыч сыйныф укучылары арасында, «Әкияттә кунакта” исеме астында рәсем бәйгесе узды. Укучылар бик матур рәсемнәр ясаганнар иде. 

19 ноября на базе нашей школы состоялось семинар-совещание заместителей директоров по воспитательной работе общеобразовательных учреждений Рыбно-Слободского муниципального района РТ на тему «Реализация технического творчества в рамках республиканских  проектов.   Робототехника». Наши учителя Закирова Л.М. и Гилазиев Р.Ш. показали содержательные мастер-классы в рамках этого мероприятия.

19 нчы ноябрьдә, татар халык авыз иҗаты атналыгы кысаларында, башлангыч сыйныф укучылары арасында “Татар халык җырларын» иң оста башкаручы бәйгесе үткәрелде. Укучылар  милли киемнәрдән киенеп татар халкының борынгы җырларын җырлап кына калмадылар, ә күңелле итеп сәхнәләштереп тә күрсәттеләр. Бу бәйгедә укучылар үзләренең  җырга гына түгел,  биюгә дә оста икәнлекләрен күрсәттеләр. Җырлар уенлы - бию  күренешләре белән үрелеп барды. Җыр бәйрәме нәни укчыларыбыз күңеленә бик хуш килде. Чыннан да, туган телдә яңгыраган  халык җырлары – тәрбиядә башка бернинди чара белән дә чагыштырмаслык һәм алмаштырмаслык хәзинә ул!

17нче ноябрь көнне башлангыч сыйныфлар татар-халык табышмакларын әйтешеп көч сынаштылар.

Тапкырлар без, тапкырлар,

Юк без йөрмәгән юллар.

Юк без белмәгән табышмак,

Әйдә, дустым, әйтеп бак!

Табышмакка җавап табу өчен, ут кебек зиһен йөгереклеге кирәк. Ул үзе кечкенә булса да, эче  төш кенә. Аның шул төшен табу кызыклы. Тик моның өчен хыялың бай һәм җитез, зиһенең йөгерек булу кирәк.

Бүгенге чара халык авыз иҗатының бер төре булган табышмаклар турындагы белемнәрне ныгыту, тирәнәйтү, укучыларның сөйләм телен, логик фикерләү дәрәҗәсен үстерү, балаларда тапкырлык, җитезлек, зирәклек кебек сыйфатлар тәрбияләү, татар теленә-туган телебезгә мәхәббәтне арттыру максаты белән үткәрелде.

Тәрбия һәр халыкта аның туган теле белән бергә барлыкка килгән. Дөньяда телсез яки җырсыз-моңсыз халык булмаган кебек, мәкальсез халык та юктыр.Һәр халык сүз арасында мәкальләр кушып сөйләргә ярата, үз телен аның белән бизи, төзи. Һәркайда, һәр халыкта үз мәкальләренә хөрмәт бар, аларга ышану, таяну бар. Мәкальләр кешедә яхшы сыйфатлар тәрбияли, яман гадәтләргә каршы көрәшә.

      Мәктәбебездә татар халык авыз иҗаты атналыгы кысаларында бүген  башлангыч сыйныф укучылары арасында “Мәкальләр эстафетасы” уздырылды. Бу чараның максаты укучыларда кешелеклелек, шәфкатьлелек, мәрхәмәтлелек, гаделлек, тыйнаклык кебек матур сыйфатлар тәрбияләүгә багышланды.

Татар халкы уен-көлкегә, җырга-моңга бик оста халык. Безнең әби-бабаларыбыз борын - борынгыдан уеннарны яратып уйнаганнар. Татар халык уеннары балаларның иң яраткан шөгыле. Ул уеннар тизлек, зирәклек, җитезлек сорый. Татар халык авыз иҗаты атналыгы кысаларында башлангыч сыйныф укучылары белән халкыбызның онытылып бара торган уеннарын искә төшердек. “Кәрия-Зәкәрия”, “Түбәтәй”, “Гөлбану”, “Миңлебай,” “Наза”,”Түгәрәк уены”,”Йөзек салыш” уеннары уйнадык. Һәр уенның үзенә генә хас җыры, көе бар.Уеннар балаларга төрле яктан ачылырга ярдәм итә, акыл,аралашу үсешенә йогынты ясый

Әкиятләр иленә сәяхәтне бүген башлангыч сыйныф укучылары татар мультфильмнарыннан башларга ниятләделәр.

“Мультфильм” сүзен ишеткәч, күз алдына күңелле һәм кызыклы күренешләр килеп баса. Нинди соң ул хәзерге заман мультфильмнары? Аларның нинди начар һәм яхшы яклары бар соң? Чыннан да аларны бертуктаусыз карарга ярыймы? Ни өчен өлкәннәр кайбер мультфильмнарны  карарга рөхсәт итәләр, ә кайберләрен нинди генә матур булмасын, каратмыйлар?  

Менә шушы сорауларга җавап эзләп, киңшәләшеп-фикерләшеп, уртак фикергә килеп нәтиҗә ясадылар бүген башлангыч сыйныф укучылары.

Ә менә  татар халык әкиятләре буенча эшләнгән мультфильмнар аеруча игътибарга лаек,  чөнки татар халык авыз иҗаты әсәрләрен балалар кечкенәдән белеп үсәргә тиешләр. Аларда бит борынгы бабаларыбызның әйтергә теләгән фикерләре, хикмәтле сүзләре төрле әкият геройлары аша бирелгән. Бу әсәрләр яхшылыкны яманлыктан, дөресне ялганнан, гаделлекне икейөзлелектән аерырга өйрәтә. Мультфильмнар балаларның үсешенә һәм аңына бик каты тәэсир ясый. Бер яктан караганда бу- матур, образлы, мавыктыргыч, гади мультфильмнар. Алар баланың аңында яхшылык һәм явызлык, тәрбиялелек һәм тәртипсезлек турында күзаллаулар тудыра. Үзен андагы геройлар белән чагыштыру нәтиҗәсендә бала авырлыкларны җиңеп чыгарга, башкаларга мәрхәмәтле булырга өйрәнә. Бу мультфильмнардагы вакыйгалар балаларны дөрес тәрбияләргә өйрәтә,аларның фикерләү дәрәҗәсен, фантазияләрен үстерә, дөньяны танып белергә өйрәтә.

16 нчы ноябрьдән башлангыч сыйныфларда татар халык авыз иҗаты атналыгы башланып китте. Беренче көнне hәр сыйныфта да “ Тел-күңел көзгесе” дип исемләнгән сыйныф сәгатьләре уздырылды. Ә моның максаты : укучыларда сөйләм телләрен , фикерләү  сәләтләрен камилләштерү, туган телебезгә, туган илгә , үз халкыңа мәхәббәт, хөрмәт , горурлык хисләре уяту.Сыйныф сәгатендә тел турыда мәкальләр, табышмаклар, тизәйткечләр әйтелде, телнең ни дәрәҗәдә кыйммәт икәнлеге турында сөйләп кителде.

Безнең укучыларыбызга бүген аеруча күңелле булды, чөнки алар бер кәгазь битеннән танк һәм тизйөрешле машина ясап ярыш үткәрделәр. Ә менә Шакиров Идриснең машинасы өлгеррәк булып чыкты. Ул бу бәйгедә беренчелекне алды. Бу ярыш укучыларыбызда зур кызыксыну уятты.

Котлы Бүкәш мәктәбендә авылдашыбыз, шушы мәктәпне тәмамлаган егетебез Әкъмәлетдинов Илгиз истәлегенә багышланган татарча көрәш бәйгесе булды. Биредә Котлы Бүкәш, Биектау, Шомбыт,  ДЮСШ, Күгәрчен, Яңа- Арыш, Күкидән килгән мәктәп командалары көч сынашты. Көрәш башланганчы Татарстан гимны атында Татарстан флагы күтәрелде. Бәйгегә түбәндәге кунаклар килгән иде: Котлы Бүкәш авыл җирлеге башлыгы Нәҗипов Рәшит Гәзиз улы, бәйгенең иганәчеләре: ПО“Кама” кулланучылар җәмгыятенең җитәкчесе Бариев Раиль Гәптелнәгыйм улы,сыйныфташлары Галимов Айрат, Сибгатуллин Айрат. Мәктәбебез директоры Сәләхиев Нәкыйф Юныс улы барлык катнашучыларга исәнлек-саулык, укуларында зур уңышларга ирешүләрен , исән-сау гына, имгәнмичә көрәшеп, һәрвакыттагыча гаделлек белән бил алышуларын теләде.

   Менә, ниһаять, татарча көрәш эстафета алды. Бәйге кызганнан-кыза барды. Җанатарларыбыз командалары өчен янып-көеп үзләре көрәшкәндәй хис итеп утырдылар. Көрәш үзенекен итте дигәндәй, урыннар да үз мәктәпләрен таптылар.   Жюри әгъзалары киңәшкәннән соң түбәндәге нәтиҗәләр килеп чыкты:

1 нче урынга Котлы Бүкәш мәктәбе ( җитәкчесе Гайфуллин И)

2 нче урынга Шомбыт мәктәбе(җитәкчесе Төхвәтуллин Р)

3 нче урынга Күгәрчен мәктәбе лаек булды(җитәкчесе Шәмсевәлиев Г)

Бәйгедә урын алучы баһадирларыбызга мактау кәгазьләре, медальләр һәм кыйммәтле бүләкләр тапшырылды. Егетләребезгә алга таба да уңышлар теләп калабыз.