Әни диеп язып куйдым

Яңа яуган ак карга.

Таптамагыз, һич ярамый,

Әни сүзен таптарга.

Әни, ана – бары тик өч хәрефтән торган әлеге сүзләр үзләрендә күпме наз, йөрәк җылысы һәм ниндидер самими көч, саф мәхәббәт саклыйлар. Әйе әлеге сүзне әйткән саен күңел йомшара, ишеткән саен дөнья ямьләнә. Әни бит ул Җир йөзендә һәркемнең дә иң якын, иң кадерле кешесе. Һәм бу мәхәббәт хәзер генә түгел, озак еллар дәвамында барлыкка килеп формалашкан. Шуңа күрә аңарга карата булган хисләр ташкыны да бик көчле. Җәннәт аналарның аяк астында, дигән җөмлә белән килешмәүчеләр юктыр диярлек. Әйе, алар – аналар һәм безнең изге бурычыбыз – әлеге изге кешеләргә карата рәхмәтебезне, хөрмәт һәм яратуыбызны белдерү. Шушы очрактан 22 ноябрь мәктәбебездә “Әниләр бәйрәме” көненә багышланган концерт булып үтте. Биредә белем учагыбызның укучылары аналарына булган мәхәббәт хисләрен сәхнә номерлары аша тапшырды. Һәр чыгыш аерым бер сөю ялкыны, аерым бер әйтеп бетерәлмәслек наз белән сугарылган иде. Җырлардан соң аналарыбызның алсу йөзләрендәге яшь тамчылары моңа ачык дәлил булып тора. Әйе, әлеге кичә дистәләгән әнине бергә җыеп, залыбызны гына түгел, бөтен мәктәбебезне ямьләндерде. Аналар йөрәгендәге якты нурлар тирә-якны балкытты. Һәр чыгыш саен әлеге нур тагын да олыланып китеп, тагын да ныграк балкуын дәвам итте. Укучылар исә, әлеге хисләр ташкынында аеруча дәртләнеп сәхнәдә үз осталыкларын күрсәттеләр. Шулай концертыбызның ахырына килеп җитүен сизми дә калганбыз икән! Кичә үтте, ә аның турындагы җылы һәм якты хисләр әниләрнең дә, безнең дә күңелләрдә озакка сакланачак әле. Юк, озакка дию дөрес булмас, мәңгегә сакланыр ул. Әлеге бәйрәм исә гасырлардан-гасырларга күчеп, чын мирасыбызга әйләнер. Аналарга куелган һәйкәлләр ватылмаган кебек ул да ел саен үткәрелеп чын һәм олуг бәйрәмгә әверелер. Уйлап карасаң, башкача булуы да мөмкин түгел!

Бүген  мәктәптә "Парали́мпия уеннары́ – физик мөмкинлекләре чикләнгән спортчылар өчен уздырылучы халыкара спорт ярышлары" турында тәрбия сәгатьләре узды. Сыйныф җитәкчеләре паралимпия уеннары турында аңлатма бирделәр, кемнәр өчен уздырылуы, нинди төрләре барлыгын сөйләп чыктылар. Алар балаларның белемнәрен тулыландыру өчен http://www.sochi2014.com/games/education/manuals/  сайтыннан төрле презентацияләр, видеолар күрсәттеләр.

Бүген мәктәпләрдә "Салымнар көне дәресләре" үтте. Аны тарих укытучысы - Вәлиуллин Вәсил Вәлиҗан үткәрде.  Укытучы тарафыннан үткәрелгән чара укучылар белән җанлы әңгәмә һәм уен формасында уздырылды. Рольле уеннар ярдәмендә налог җыюның максаты, дәүләт бюджеты, читләтелгән һәм туры салым төшенчәләренә укытучы аңлатмалар бирде.

20.11.2013 көнне 5-9 сыйныф укучылары "ИП Гайфутдинов "Акбуре"" кибетендә булдылар. Алар сатучыларның төп эшләре белән таныштылар.

18 ноября в Татарстане объявлен днем траура

Сыйныф җитәкчеләренең эше  һәрдаим ата-аналар белән алып барыла. Алар уку вакытында гына түгел, ә каникул вакытында да балаларның өйләрендә очрашып, сөйләшеп торалар. 

Мәктәп территориясен тәртипкә китерү, чистарту буенча мәктәпкүләм өмә оештырылды. Һәр класс укучысы бу чарада актив катнашты. Коелган яфраклар, корган ботакларны җыеп түккәч, тырмалап, себереп куйгач, мәктәп тирәсе ялт итте.