Кичә, 28.02.14 көнне, РДКда "Созвездие-Йолдызлык -2014" фестиваленең финал туры булып узды. Безнең 2 укучыбыз  Шәйдуллина Динә һәм Вәлиуллина Зөлфия "Конферансье" һәм "Вокал-Соло" номинациясендә катнашып 3 нче урынны алдылар, диплом һәм бүләк белән бүләкләнделәр.

Бүген Чертуш мәдәният йортында  «Созвездие – Йолдызлык -2014» фестивале булып узды. Анда 4 авыл катнашты.  Акбүре мәктәбенең  5 нче сыйныф укучысы Шәйдуллина Динә “Вокал –Соло” номинациясендә  һәм 6 нчы сыйныф укучысы Вәлиуллина Зөлфия  “Конферансье” номинациясендә финалга чыктылар. Молодцы, кызлар! Финалда да уңышлар телибез!

Бүген мәктәбебездә Халыкара туган тел көненә багышланган  чара узды. Аны татар теле һәм әдәбияты укытучылары Харисова Гүзәл Ильяс кызы һәм Латыйпова Рәмзия Минвәли кызы үткәрде. Чара шигырь юллары белән башланды, аннан соң туган тел төшенчәсенә зур мәгънә салынганлыгы турында сөйләнде, туган тел турында мәкальләр искә төшерелде. Ә инде Харисов Раиль, Шәйдуллина Динә, Вәлиуллина Зөлфия, Мотыгуллина Әнисә, Закиров Алик, Фаттахов Раиль шагыйрьләребезнең һәм якташ шагыйрьләребезнең матур-матур шигырьләрен, тормыш юлларын сәнгатьле итеп сөйләп күрсәттеләр. 

18.02 көнне  мәктәптә "Чаңгы юлы-2014" узды. Ярышта барлык 40 бала да каташты.  1,2,3 нче урыннарга   грамоталар, ә калагн барлык балаларга бүләкләр бирелде. Соңыннан бергәләп фотога төштек һәм авыл мәдәният йортында әзерләнгән кайнар чәй белән кайнар коймак өстәленә юнәлдек.