Бәйрәмебез мөбәрәк, ризык тулы өстәлебез түгәрәк, күңелле, куанычлы булсын. Эшләребез уң булсын, чәчәк атсын, күңелебездәге мәрхәмәтлелек нуры җаныбызны тагын да ягымлы, матур итсен, ялкынландырып бизәсен. Бусагаларыбыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Гаилә бәхетебез сүнмичә балкып торсын.

Кыш җиттеме , дуслар белән

Без чаңгыда шуабыз.

Трамплиннан сикерәбез

Шатланабыз шуңа без.

Кызык икән чаңгыларны

Яратсаң чын күңелдән:

Шуасың да, очасың да,

Йөзәсең дә Иделдә.

Балалар "Жемчужина" бассейнында рәхәтләнеп су коенып, ял итеп кайттылар. 

 Нинди рәхәт кыш көне

Куркытмый суык безне!

Акбүре мәктәбендә бүген 6-9 сыйныфлар өчен кичке сәг.19.00 да “Яңа ел тамашасы” дип аталган исем астында Яңа ел кичәсе үтте. Кичәне мәктәп директоры Латыпов Харис Харрас улы ачып җибәрде. Ул барлык укучыларны, әти-әниләрне, килгән кунакларны, якынлашып килүче бәйрәм белән котлады.

    Кичәдә укучылар төрле һәм кызыклы сценкалар күрсәттеләр. Җырладылар, биеделәр, шигырьләр сөйләделәр, уеннар уйнадылар. Бәйрәмнең иң зур кунаклары – Кыш бабай һәм Кар кызы, укучылар ясаган Яңа ел газеталарына, кар шәһәрчекләренә урыннар биреп бүләкләп киттеләр. Шулай ук, иң алдынгы укучыларга да мактау грамотолары бирелде. Кыш бабай һәм Кар кызы белән бергәләп фотога төштеләр. Иң соңыннан укучылар өчен дискотека булды. Яңа ел бәйрәме бик күңелле үтте.

    Барыгызны да якынлашып килүче Яңа ел бәйрәме белән!!!

Мәгълүматлар "МЕДИАТЕКА" бүлегендә.