"Чиста шәһәр" язгы икеайлык кысасында балалар бакчасы хезмәткәрләре кар йомшартырга чыктылар. 3 нче төркемдә әти-әниләр дә кушылды. Бик зур рәхмәт!

3 нче төркемнең зифа буйлы ак каеннары.

Апрель, балачактан, бөек шагыйребез Габдулла Тукайның туган көне белән хәтерләргә уелып калган. Кыска гына гомерендә күпме әсәрләр язып калдырган ул. Менә шуларны искә алу, балаларыбызны шагыйрьнең иҗаты белән якыннан таныштыру максатыннан бакчабызда "Илебездә, телебездә, күңелләрдә Тукай мәңгелек" диеп исемләнгән сәнгатьле сөйләү бәйгесе үтте. Һәр чыгыш матур, үзенчәлекле иде. Оештыручыларга, катнашучыларга, әти-әниләргә, педагогларга, жюри әгъзәләренә зур рәхмәт!

Бакчабызда һәрдаим төрле күңелле, тәрбияви, белем бирү чаралары үткәрелеп тора. Алар арасында табигатьне саклау, ярату темасы мөһим урында. Яшәешебез табигатьсез була алмый.
11 нче төркемдә чираттагы шөгыль дә нәкъ менә шушың турында.

9 нчы төркемнән Галиакберова Ясминәне I нче урын алуы белән котлыйбыз!

2 нче мәктәпкә әзерлек төркемендә "Урманны  коткару" темасына ЭКО - квест үткәрелде.
ЭКО-квест балаларда табигатькә мәхәббәт тәрбияли,тапкырлыкны, җитезлекне, зирәклекне, ориентлашуны үстерә.

4 нче төркем балалары язның беренче чәчәкләрен ясадылар.
Бик матур килеп чыккан умырзаялар.

12 нче икенче кечкенәләр төркеме тәрбиячеләре Ахметова Альфира М. һәм Давлетшина Айгуль Ф. табигать дөньясы объектларын тикшерү формасы буларак тәрәзәдәге бакча проекты фотосурәтләре белән уртаклашты.

9 нчы төркемдә "Тылсымлы агачлар"  темасына рәсем эшчәнлеге кызыклы үтте!

 Балаларны табигать белән таныштыру, төрле тәҗрибәләр үткәрү өчен бакчабызда  табигать почмагы бар. Бу почмакларда балалар гөлләр үсешен күзәтә: төпләрен йомшарталар, тузанын сөртәләр, кайсы гөлгә күпме яктылык һәм су кирәклегенә төшенәләр.