Балалар  белән бакчабыз территориясен чистартырга чыктык.
Кечкенә булуларына карамастан,  бик эшчән үзләре!

Чаллының 82нче “Көнбагышкай” балалар бакчасында  “Экояз – 2022” акциясе үтте.

"ЭКОЯЗ-2022" акциясе кысаларында тәрбияче Рахматуллина Альбина Рафаэлевна белән берлектә экология темасына шөгыль үткәрелде. Анда Татарстан республикасы экология һәм табигый ресурслар министрлыгының Кама буе территориаль идарәсе белгече Галимова Ләйлә Назир кызы һәм Яр Чаллы шәһәре муниципаль автономияле өстәмә белем бирү учреждениесе" 4 нче санлы балалар экологик-биология үзәге" методисты Галиәкбәрова Ләйсән Ринат кызы чакырылды. Шөгыль барышында җир шары кешеләрнең битарафлыгыннан авыруын хәбәр итте табигатькә балалар эксперименталь эшләнчек аша ярдәмгә килделәр.

12 апрель көнне безнең ил Космонавтика көнен билгеләп үтә. Бу көнне безнең балалар бакчасында тәрбияләнүчеләр космос, космонавтлар турында мәгълүмат белән таныштылар. Төркемнәрдә «Космос дөньясы», «Космик сәяхәт» дигән темага иҗат күргәзмәләре оештырылды. Космос темасы балаларга һәрвакыт кызыклы, шуңа күрә педагоглар аны беркайчан да игътибарсыз калдырмыйлар. Төркемнәрдә йолдызлар, планеталар, космос һәм космонавтлар турында әңгәмәләр, тематик дәресләр үткәрелде, ата-аналар өчен почмакларда мәгълүмат рәсмиләштерелде. Мондый чаралар хисабына балалар үз белемнәрен киңәйтә, бер-берсе белән күбрәк аралаша һәм, кызыклы фактларны белеп, үз Ватаны өчен горурлык хисе кичерә.

9 нчы һәм 11 нче төркемнәр арасында  "Җитезләр һәм осталар" эко- эстафетасы узды.

"Чиста шәһәр" язгы икеайлык кысасында балалар бакчасы хезмәткәрләре кар йомшартырга чыктылар. 3 нче төркемдә әти-әниләр дә кушылды. Бик зур рәхмәт!

3 нче төркемнең зифа буйлы ак каеннары.

Апрель, балачактан, бөек шагыйребез Габдулла Тукайның туган көне белән хәтерләргә уелып калган. Кыска гына гомерендә күпме әсәрләр язып калдырган ул. Менә шуларны искә алу, балаларыбызны шагыйрьнең иҗаты белән якыннан таныштыру максатыннан бакчабызда "Илебездә, телебездә, күңелләрдә Тукай мәңгелек" диеп исемләнгән сәнгатьле сөйләү бәйгесе үтте. Һәр чыгыш матур, үзенчәлекле иде. Оештыручыларга, катнашучыларга, әти-әниләргә, педагогларга, жюри әгъзәләренә зур рәхмәт!

Бакчабызда һәрдаим төрле күңелле, тәрбияви, белем бирү чаралары үткәрелеп тора. Алар арасында табигатьне саклау, ярату темасы мөһим урында. Яшәешебез табигатьсез була алмый.
11 нче төркемдә чираттагы шөгыль дә нәкъ менә шушың турында.

9 нчы төркемнән Галиакберова Ясминәне I нче урын алуы белән котлыйбыз!