3 нче май көнне ботен дөньяда "Кояш көне" билгеләп үтелә. Зурлар төркеме балалары белән "Кояш көненә" багышлап флэшмоб үткәрдек. Май кояшы һәрберебезгә ягымлы елмайсын, күңелләр шат булсын иде. Кояш көне белән!

Борынгыдан калган йола буенча, ел да май башында "Карга боткасы" уза. Балалар бәйрәм белән котлап, теләкләр әйтеп урам әйләнделәр. Һәр йорттан да күчтәнәчләрне мулдан бирделәр.

Салуз-Мухан төп гомуми белем бирү мәктәбендә "Балалар бакчасы һәм мәктәп дәвамчылыгы - булачак укучылар әзерләүдә хезмәттәшлек һәм партнерлык нигезе" дигән темага багышланган башлангыч сыйныф укытучылары һәм балалар бакчасы тәрбиячеләренең методик берләшмә утырышында катнаштык.

26 нчы апрель- Габдулла Тукайның туган көне уңаеннан мәдәният йортында "Тукай безнең күңелләрдә!" исемле әдәби-музыкаль кичә үтте. Балалар Г. Тукайның тормыш юлы белән таныштылар, аның шигырьләре буенча иҗат ителгән җырлар җырладылар, шигырьләрен яттан сөйләделәр.

25 нче апрель эколяталар көне уңаеннан зурлар төркемендә "Эколята" темасына рәсем конкурсы үтте. Балаларның элементар экологик белемнәрен формалаштыру, балаларга урманда үз-үзләрен тоту кагыйдәләрен өйрәтү.

Талантлы балаларның "Яшь бөреләр -2023" районкүләм фестивалендә Гайрова Эльза "Җиңүгә омтылыш" номинациясенә лаек булды.

"Ватан белән горурланабыз!  Тукай белән горурланабыз" республика конкурсында катнашып зурлар төркемедә тәрбияләнүче  Аглиева Әминә "Сәнгатьле иҗат" номинациясендә 3 урынга лаек булды.

Татарстанда "Милли мәдәниятләр һәм гореф - гадәтләр елы" уңаеннан бакчада "Исем- күңел көзгесе" дигән күңел ачу кичәсе узды. Кичә     " Театр  һәм балалар" проекты кысаларында балаларга халкыбызның сәнгате, гореф- гадәтләре, бәйрәмнәре, милли әдәбияте белән таныштыру максатыннан уздырылды.

Талантлы балаларның "Яшь  Бөреләр"  район фестиваленең икенче сайлап алу турында уңышлы чыгыш ясап кечкенәләр төркемендә тәрбияләнүче Гайрова Эльза финалга үтте.  Ул  гала концертта чыгыш ясаячак.

Чисталык икеайлагы кысаларында бакчада җыештыру эшләре дәвам итә. Хезмәткәрләребез урам территориясен тәртипкә китерделәр.