Зурлар төркемендә "Хуш киләсең, Яңа ел!" дип исемләнгән бәйрәм иртәсе үтте. Балалар сөенеп әкият геройларын каршы алдылар, уйнап-көлеп күңел ачтылар, Кыш бабай белән Кар кызына үзләренең шигырьләрен бүләк иттеләр.

Кечкенәләр төркемендә "Яна ел килде безгә"  дип исемләнгән бәйрәм иртәсе үтте. Балалар бәйрәмебезгә килгән әкият геройлары белән биеп, уйнап, җырлап күңел ачтылар.

Метрәй башлангыч мәктәбе базасында тәрбиячеләр өчен семинар-практикум үтте. Анда ачык шөгыль, мастер-класслар, чыгышлар һәм эшлекле уеннар күрсәтелде.

Бакчада Яңа елга багышланган фотозона  почмагы ясадык. Әти-әниләр,балалар фотозонада фотога бик теләп төшәләр.

Шәүкәт Галиев шигырьләрен яттан сөйләү буенча"Шәвәли дуслары" региональ конкурсында катнашып Гайрова  Эльза II урынга лаек булды. Эльзага алда да иҗади уңышлар телибез.

"Күбәләк " балалар бакчасында "Ел тәрбиячесе-24" конкурсының муниципаль этабы утте. Конкурста  безнең бакчадан Гарипова А. А. уңышлы чыгыш ясады.

Балалар бакчасында МЧС хезмәткәрләре янгын куркынычсызлыгы буенча әңгәмә уздырдылар. Әти- әниләр почмагында шушы юнәлештә мәгълүмат яңартылды.

12 декабрьда Россия Федерациясенең күпмилләтле халкы илебез тарихында иң мөһим дәүләт бәйрәмнәренең берсе - Конституция көнен билгеләп үтә.

Бакча педагоглары "Чемодандагы әкият" муниципаль конкурсында катнашып, жюрига үзләренең иҗади проектларын тәкъдим иттеләр.

"Чемодандагы әкият" муниципаль конкурс кысаларында бакча тәрбиячеләре "Әкияттә кунакта", "Әкият илендә", "Өч кыз" әкиятенә чемодан театры ясадык.