22 нче август- Россия флагы көне. Шул уңайдан балалар бакчасында тәрбияләнүчеләр дә бу бәйрәмнән читтә калмадылар. Кечкенәдән үз Ватаныңа тугрылык хисләре тәрбияләү, Дәүләт символларын танып-белү максатыннан бәйрәм котлавы уздырылды, флаглар белән флешмоб узды.

Кечнәләр төркемендә тәрбияләнүчеләр буягыч китаплардагы рәсемнәрне буядылар, төсләрне танып- белүдә , карандашны дөрес тотуда күнектеләр.

Балалар белән иртәнге гимнастика саф һавада үтә. Саф һавада үткәрелгән гимнастика кан - тамырлары, сулыш алу, мускул һәм башка мөһим организм системаларының үсешенә булышлык итә.

Балалар белән сәнгатькә мәхәббәт тәрбияләү максатыннан акбур белән сүрәтләр төшердек. Ясаган рәсемнәрдә - җәй бизәкләре һәм, әлбәттә барысында да нур сибүче кояш!                 

Көннәр җылына башлауга без иртәнге гимнастиканы саф һавада үткәрәбез. Иртәнге гимнастиканың максаты системалы күнегүләр юлы белән йөрәк-кан юлларын һәм сулыш аппаратын ныгыту, чыдамлылык тәрбияләү һәм физик чыныктыру.

Кечкенәләр төркемендә Сабантуй бәйрәме үтте. Кечкенәләр бәйрәмдә чүлмәк ваттылар , күз бәйләп әйбер кистеләр,кашыкка йомырка салып йөгерделәр. Балалар уеннарда бик теләп  катнаштылар.

Балаларны яклау көне уңаеннан зурлар төркемендә Сабантуй бәйрәме үтте.  Балалар милли уеннарда көч сынаштылар, бүләкләр алдылар. Балалар бик канәгать калдылар.

Мәктәпкә әзерлек төркемендә чыгарылыш кичәсе узды. Балалаларның  бакчадагы соңгы бәйрәме истә калырлык, бик күңелле булды. Матур җыр-биюләр , шигырьләр, котлаулар, сюрпризлар берсен-берсе алмаштырып барды.

Балалар белән күпъеллык чәчәкләрне күзәттек һәм аларны тәрбияләү серләрен сөйләштек. Матурлыкны күрә һәм соклана белү хисләре тәрбияләдек. 

Зурлар төркеме балалары тәҗрибә участогында суган, кишер, кыяр утырттылар.Бакчада  балаларга хезмәткә мәхәббәтне  кечкенәдән үк тәрбиялибез.