Балалар саф һавада хәрәкәтле уеннарны бик яратып уйныйлар. Зурлар төркеме балалары белән "Аучылар" хәрәкәтле уенын уйнадык. Бу уеннар ярдәмендә бала тырыш, көчле, сәләтле, нык ихтыярлы булып үсә.

Кечкенәләр төркеме балалары белән куяннарны сыйларга кишер әвәләдек. Әвәләү шөгылендә кул чукларының физик үсешен, уч төбендә әвәләүне ныгыттык, чиста-пөхтә эшләргә өйрәттек.

Зурлар төркеме балалары белән саф һавада көзге яфракларны күзәттек, табигатьнең матурлыгына сокландык.

Иске Карамалы мәдәният йорты белән берлектә бакчада халыкара китап уку көне уңаеннан "Күңелле китаплар" сәгате узды. Балалар татар халык әкиятләрен, яраткан шагыйребез Роберт Миңнуллин шигырьләрен аеруча кызыксынып тыңладылар.

Халыкара китап уку көне уңаеннан Иске Карамалы авыл китапханәсе бакчага Факил Сафинның балалар өчен язылган китапларын бүләк итте.

Балаларның сәламәтлеген физик яктан ныгыту һәм үстерү өчен хәрәкәтләнү активлыгының төрле формалары кулланыла. Саф һавада үткәрелгән физкультура шөгыльләре сулыш алу, мускул һәм башка мөһим организм системаларының үсешенә булышлык итә.

Зурлар төркемендә тәрбияләнүче балалар бакчаның тәҗрибә участогындагы яшелчәләргә, чәчәкләргә, бакча территориясендәге агач үсентеләренә су сиптеләр.

Зурлар төркеме балалары белән Беренче кыңгырау бәйрәмендә катнаштык.

Балалар  "Җәй" темасына  саф һавада төсле буяулар белән рәсем ясадылар. Саф һавада рәсем ясау балалар өчен иң кызыклы шөгыльләрнең берсе. Балалар иҗат белән шөгыльләнә, тирә-юньне танып белергә өйрәнә.