Кечкенәләр төркеме балалары  кисеп ябыштырү эшчәнлегендә матур флагчыклар ябыштырдылар. Алар төсләрне чиратлаштырып ябыштыру  алымнарын ныгыттылар.

Зурлар төркеме балалары белән Иске Карамалы авылындагы янгын сүндерү бүлегендә экскурсиядә булдык. Янгын сүндерүче, коткаручы һөнәре турындагы белемнәрне ныгыттык.

Балалар тәрбияче апалары белән берлектә чәчәк орлыклары җыярга чыктылар. Алар һәр чәчәкнең исемен белеп, атап аерым капларга салып бардылар. Балаларга табигатьне сакларга, яратырга кирәклеге аңлатылды һәм хезмәт тәрбиясе бирелде. 

Әтиләр көне уңаеннан зурлар төркеме балалары әтиләргә  видео котлау җибәрделәр, үз куллары белән ясаган открыткаларын бүләк иттеләр.

Әтиләр көне уңаеннан кечкенәләр төркеме балалары белән  әтиләргә үз куллары белән бүләкләр ясадык.

Зурлар төркеме балалары "Ашханәдә"сюжетлы- рольле уенын уйнадылар. Уенда пешекче һөнәре турындагы белемнәрен кулландылар.

Кечкенәләр төркеме балалары белән  кыяр, помидорлар әвәләдек. Төрле әвәләү алымнары кулландык: бармак башы белән чеметеп алу, тәгәрәтеп алу.

Сәламәтлек биш еллыгы кысаларында авыл паркында педагоглар белән валейбол уйнадык. Уен бик күңелле үтте.

Бөтендөнья почта көне уңаеннан зурлар төркеме балалары белән почта бүлекчәсенә  экскурсиягә бардык. Почта хезмәте, хат ташучы һөнәре белән таныштылар.

Укытучылар көне уңаеннан "Август-Мөслим" оешмасы бакча хезмәткәрләренә күчтәнәч пакетлары өләште.