"Бердәмлек көне" кысаларында авыл мәдәният йортында "Барыбыз бергә күңелле" дип исемләнгән, төрле милләт уеннары кертелгән уен программасы узды.

Зурлар төркемендә "Исәнме алтын көз" дип исемләнгән көз бәйрәме үтте. Балалар янына кунакка көз кызы Сөмбелә һәм  Төлке килде. Балалар бергәләп биеделәр, шигырьләр сөйләделәр, көз турында җырлар җырладылар, төрле уеннар уйнадылар. Бәйрәмдә балалар бик күп уңай эмоцияләр алдылар.

Кечкенәләр төркемендә "Яфрак бәйрәме" бик күңелле үтте. Җыр-биюләр, күңелле уеннар белән үрелеп барды. Балалар янына кунакка  Төлке дус килеп табышмаклар әйтте, уеннар уйнатты. Көз кызын да балалар түземсезлек белән көтеп алдылар.

Зурлар төркеме балалары белән "Кәҗә килгән бакчага" дигән темага әвәләү эшчәнлеге үтте. Алар берничә кисәктән кәҗә әвәләргә өйрәнделәр, алдагы елда алган әвәләү күнекмәләрен ныгыттылар.

Бакчада "Көзге фантазия" темасына әти-әниләр белән берлектә эшләнгән кул эшләре конкурсы үтте.

Авыл мәдәният йортында "Нур" балалар театры башкаруында Т. Миңнуллинның "Кайда хаклык, кайда дөреслек" әсәре буенча куелган спектакль карадык.

Олы Чакмак гомуми белем бирү мәктәбендә башлангыч класс укытучылары һәм тәрбиячеләр өчен " Преемственность в применении игровой технологии дошкольного и начального образования" темасына үткәрелгән семинар да катнаштык.

Кечкенәләр төркеме балалары төсле буяулар белән агач рәсемен ясадылар. Бакчада кечкенәдән үк рәсем сәнгатенә, рәссам һөнәренә кызыксыну тәрбияләнә. 

Зурлар төркеме балалары белән "Кабак көне" уңаеннан  кабак турында әңгәмә уздырдык.  Балалар кабакның файдасы турында, кабактан әзерләнгән ризыклар турында таныштылар.

Балалар саф һавада беренче яуган ак карны күзәттеләр. Алар  карның матурлыгына сокландылар, җир өстенә ап-ак кар бөртекләре кунганын күреп сөенделәр.