Бүген мәктәптә инглиз теле көне үткәрелде. Инглиз теле укытучысы Кашапова З.Р. 5-9 нчы сыйныф укучыларына шигырьләр сөйләтте, Тугаш башлангыч мәктәбе укучылары да, "Әллүки" балалар бакчасына йөрүче балалар да җырлар җырладылар. Чара кызыклы булды.  

Югары Табын авылы китапханәчесе Түбән Табын мәктәбенең башлангыч сыйныф укучылары белән "Табигатьне саклыйк!" темасына тәрбия сәгате үткәрде. Балаларга Кызыл китап турында сөйләде. Соңыннан балалар экология темасына рәсемнәр ясадылар, һәрберсе үз рәсеменә аңлатма бирде.

Укучыларыбыз сыерчык оясы ясауда активлык күрсәттеләр.

Бүген мәктәптә "Тормыш дәресләре" нигезендә тыл ветераны белән очрашу үткәрелде. Очрашуны башлангыч сыйныф җитәкчеләре Хабибуллина Г.Г. белән Динмухаметова Г.Р. Югары Табын авылында яшәүче Рәсимә апаны сыйныф сәгатенә очрашуга чакырдылар. Рәсимә апа укучыларга бала чагы, яшьлек вакыты, сугыш вакытында күргән авырлыклары турында сөйләде. Очрашу ахырында укучылар, укытучылар Рәсимә апага бик зур рәхмәтләрен җиткерделәр. Башлангыч сыйныф җитәкчеләре Хабибуллина Г.Г. белән Динмухаметова Г.Р. мәктәп администрациясе исеменнән рәхмәтләребезне җиткерәбез.

7 март көнне мәктәпкүләм әниләр бәйрәме үткәрелде. Бәйрәмне 1,3 нче сыйныф укучылары җитәкчелегендә, сыйныф җитәкчеләре Хабибуллина Г.Г. оештырды һәм алып барды. Чарада бүгенге көндә лаеклы ялда булган ветеран укытучыларыбыз да катнашты. Бәйрәм бик күңелле булды. Укучыларга һәм сыйныф җитәкчесе Хабибуллина Г.Г. рәхмәтебезне җиткерәбез. 

4 нче март көнне Симәк авылында  Әфганчы Садретдинов Зөфәр Азгамович истәлегенә районкүләм биатлон ярышы булып узды. Бу ярышта безнең мәктәп укучылары активлык күрсәтеп күп кенә уңышларга ирештеләр. Команда I һәм  II урыннарга ия булды, Команда да Шакиров Ф.А., Шакирова С.А., Гибадуллина Г.Г., Газизов И.Р, шәхси ярышта Шакирова С.А. III, Гибадуллина Г.Г.II, Нургалиев Н.М.III, Гайсин И.Г. II урынга лаек булдылар һәм кубок безнең командага бирелде.

3 нче март көнне Яңа Усы авылында районкүләм кышкы туризм буенча ярыш оештырылды. Безнең команда укучылары яхшы нәтиҗәләр күрсәттеп II урынны яуладылар. Түбәндәге укучылар катнашты: Шакирова С.А., Шакиров Ф.А., Гибадуллина Г.Г,, Гайсин И.Р. Укытучылары Галиев З.З. Укучыларга һәм укытучыга рәхмәтебезне җиткерәбез. 

1 март көнне мәктәптә Мөслим районы хәрби хәрәкәт ветераннары иҗтимагый оешмасы җитәкчелеге призына бадминтон ярышы үткәрелде. Ярышта Минзәлә районы  Татар Мөшегесе урта гомуми белем бирү мәктәбеннән дә укучылар катнашты. Ярышта 1-9 нчы сыйныф укучылары катнашып Грамотага һәм бүләкләргә лаек булдылар. Чара укучыларның концерт номерлары белән бергә үрелеп барды.