Экология икеайлыгында укучылар бик теләп  катнашалар. Башлангыч сыйныф укучылары макулатура җыюда бик актив төстә эш алып баралар.

Экология икеайлыгында укучылар макулатура, ПЭП шешәләр җыялар. Тирә-якны чистарталар.

Мәктәпкүләмендә экология икеайлыгына багышлап бик күп төрле чаралар үткәрелә. Укучылар мәктәп территориясен, тирә-якны чуп-чардан арындыру өстендә актив эш алып баралар.

Бүген, тормыш иминлеге нигезләре укытучысы Валеев Ф.Ө. 1-9 нчы сыйныф укучыларына "Юлда йөргәндә сак бул!" дип исемләнгән сыйныф сәгате үткәрде. Фәрит Өлфәтович укучыларга юл билгеләре һәм кагыйдәләрен искә төшерделәр. Сыйныф сәгате укучылар белән берлектә әңгәмә формасында алып барылды. Юлда йөргәндә һәрвакыт сак булырга кирәклеге әйтелде.

Бүген, мәктәпкә балаларның күңелен күтәрү өчен цирк килде. Күңелле тамашада укучылар:  елан, эт, клоун белән кызыклы чыгышлар карадылар. Тамаша ахырында укучылар елан һәм эт белән фотографиягә төштеләр. Тамаша бик кызыклы булды. 

Бүген, Тормыш дәресләре нигезендә мәктәптә курайчы Харис Азгамович белән очрашу булды. Харис Азгамович укучыларга сыбызгылы курай, башкорт курае, кубыз, Америка флейтасы, блог флейтасында уйнап күрсәтте. Очрашу ахырында Харис Азгамович укучылар белән берлектә мастер класс һәм курайда уйнау күнекмәләре өйрәтте. Очрашудан һәр кеше кәнагать калды.

Авыл китапханәчесе Халыкара балалар китабы көне уңаеннан 3 нче апрель көнне башлангыч сыйныф укучылары белән "Китап-киңәшчең синең" исемендә әдәби кичә үткәрде. Ул китап язу, бастыру тарихы турында презентация күрсәтте. Китап турында язылган шигырьләр, канатлы сүзләр, мәкальләр белән таныштырды.
Укучылар бик актив булдылар, үзләрен кызыксындырган сорауларны бирделәр. Кичә барышында китапка сакчыл караш тәрбияләнде. Балалар өчен язучы якташлар иҗатыннан күзгәзмә тәкъдим ителде.

1 апрель көнне мәктәпкүләм чисталык икеайлыгы игълан ителде. Һәр кешегә тирә-ягын чистартырга, чишмә буйларының чисталыгына игътибар итәргә кушылды. Шул уңайдан Түбән Табын авылында яшәүче Талибуллина Алия (8 сыйныф), энесе Фәннүр (4 сыйныф), Насифуллин Әмирхан (4 сыйныф) Фонтал чишмәсен чүп-чардан чистарттылар. Укучыларга рәхмәтебезне белдерәбез. 

Авыл китапханәчесе 5-9 сыйныф укучылары белән " Җирлегебезнең бөек улы" темасына әдәби кичә үткәрде. Ул быел Тукай премиясенә тәкъдим ителгән күренекле райондашыбыз, шагыйрь, прозаик, тәрҗемәче, әдәбият галиме, публицист Факил Сафинның тормыш юлы, иҗаты турында сөйләде, презентация күрсәтте. Укучыларда ватанпәрвәрлек, горурлык хисләре тәрбияләнде.

Бүген,  лицей базасында IV Республикакүләм "Фоат Садриев укулары - 2017" чарасы булып узды. Фоат Садриев укуларында 8 сыйныф укучысы Гыйбадуллина Гөлгенә II дәрәҗә Дипломга лаек булды, җитәкчесе татар теле һәм әдәбияты укытучысы Амирова М.Р. Мәктәп администрациясе исеменнән рәхмәтебезне белдерәбез!!!