21 нче март көнне укучылар Югары Табын мәчетендә булдылар. Югары Табын мәчете мәхәлләсенең имам-хатыйбы Валиев Хафиз Хаертдин улы укучыларга әхлак дәресләре үткәрде.  Чара бик файдалы булды. 

Бүген, 20 нче март көнне сәнгать мәктәбендә республикакүләм "Без бергә" конкурсының район туры үткәрелде. Бу конкурста укучылар 3 номинациядә катнаштылар. "Талантлы гаилә" номинациясендә Габдуллиннар гаиләсе, "Уен кораллары" номинациясендә Кыямова Зилә, "Халык җыры"н башкару номинациясендә Габдуллина Зилә катнашты. Катнашкан гаиләгә һәм укучыларга рәхмәтебезне белдерәбез!!! 

16 нчы март көнне Яңа Усы авылында мәктәп укучылары арасында "Чаңгы туризмы" буенча ярыш үткәрелде.Безнең мәктәп укучылары командасы районкүләм командалар арасында 2 урынга лаек булдылар. Укытучылары физкультура укытучысы Галеев З.З. Укучыларны котлыйбыз!!!

Казан шәһәре Мәскәү районы "Г.Ибраһимов исемендәге 17 нче татар гимназиясе"ндә Галимҗан Ибраһимов исемендәге IX республика фәнни-гамәли конференция булды. Бу конференциядә безнең мәктәп укучылары да катнашты. 7 нче сыйныф укучысы Бухарин Айзат II урынга ия булды, укытучысы Әмирова Миләүшә,  7 нче сыйныф укучысы Солтанов Раушан шәһадәтнамәгә ия булды, укытучысы Ахматвалеева Рәсилә. Укучыларга һәм укучыларны әзерләгән укытучыларга рәхмәтебезне белдерәбез!!!

14 нче март көнне универсаль спорт залында Гибадуллиннар гаиләсе  ГТО тапшырдылар. Гибадуллиннар гаиләсенә рәхмәтебезне җиткерәбез.

7 нче сыйныф укучылары "Игелек кыл" акциясе кысаларында өлкәннәргә ярдәм күрсәттеләр. Рәбига апаның ишегалдын, капка төбен кардан чистарттылар.

Бүген, 10 март көнне Тугаш башлангыч мәктәбендә "Кадерле, Әнием!" дип исемләнгән бәйрәм чарасы үткәрелде. Бәйрәмдә барлык әниләр дә катнашты. Сыйныф җитәкчеләре Җамалиева Ирина Тазиевна белән Рахимова Нурсинә Фәгыймовна бәйрәмне уен формасында оештырдылар һәм алып бардылар. Бәйрәм күңелле булды. 

1-3 нче сыйныф укучылары "Кадерле әнием!" дип исемләнгән әниләр бәйрәме үткәрделәр. Бәйрәм чарасы укучыларның шигырьләре, җырлары белән үрелеп барды. Әниләр белән балалар бергә уеннар уйнадылар. Бәйрәм ахырында укучылар әниләренә бүләкләр бирделәр. Чара матур булды. 

6 март көнне 5 нче сыйныф укучылары "Әнием, кадерлем!" дип исемләнгән әниләр бәйрәме үткәрделәр. Укучылар әниләренә шигырьләр сөйләделәр, җырлар җырладылар. Үз куллары белән ясаган бүләкләрен бирделәр. Бәйрәм бик күңелле булды. 

2 март көнне районкүләмендә сыйныф җитәкчеләре конференциясе оештырылды. 7 нче сыйныф укучылары Солтанов Р.Р. белән Бухарин А.А. үзләре эшләгән бизнес проектларын якладылар. Укучылар яхшы чыгыш ясадылар.