2 март көнне районкүләм сыйныф җитәкчеләре конференциясе булып узды. Конференциядә безнең мәктәп укытучысы Валеев Ф.Ө. конкурста  I урын алуы белән бүләкләнде. Фәрит Өлфәтовичны котлыйбыз. Награждение победителей муниципального этапа "Лучший работник сферы воспитания и дополнительного образования".  Сердечно поздравляем Валеева Ф.У. с I местом. 

Мәктәптән тыш эшләр үзәгендә төп мәктәпләр арасында Брейн-ринг уены оештырылды. Мәктәптән 7,8,9 нчы сыйныф укучыларыннан торган команда  катнашып уңышлы чыгыш ясадылар. Укытучысы Ахматвалиева Рәсилә Миннемухаметовна. 

Җәлил бистәсендә Аяз Гыйләҗевның 90 еллыгына багышланган фәнни-эзләнү конференциясе үтте. Безнең мәктәптән 7 нче сыйныф укучысы Сливень Артем "Безнең як Бибинуры" дип исемләнгән секциядә катнашып призлы урынга лаек булды. Укытучысы татар теле һәм әдәбияты укытучысы Әмирова Миләүшә Рөстәмовна. Артемны котлыйбыз!!!

Бүген мәктәптә инглиз теле көне үткәрелде. 9 нчы сыйныф укучылары инглиз телендә "Кызыл калфак" әкиятен күрсәттеләр.Укучыларны  инглиз теле укытучысы Кашапова Земфира Рафисовна әзерләде. Укучылар курчакларны үз куллары белән әзерләделәр. Әкият кызык булды.

Хәрби-патриотик айлыгы кысасында ТИН укытучысы Валеев Ф.Ө. 2-9 нчы сыйныф егетләре арасында "Аҗаган" ярышы оештырды. Егетләр үзара көчләрен сынаштылар. Уен "Солдатлар" командасының җиңүе белән тәмамланды. В рамках военно-патриотического месячника учитель ОБЖ организовал игру "Зарница". 

С целью военно-патриотического воспитания в гимназии прошел финальный этап конкурса "Смотра строя и песни" среди учащихся начальных классов. Команда Нижнетабынская ООШ заняла 1 место! Команду подготовил учитель физической культуры Галиев З.З. и учителя начальных классов Динмухаметова Г.Р., Хабибуллина Г.Г. Поздравляем!!!

Мәктәптә бүген бик матур чара үткәрелде. 21 февраль - Халыкара туган тел көне. Шул уңайдан татар теле һәм әдәбияты укытучысы Әмирова Миләүшә Рөстәмовна 6,7 нче сыйныф укучылары белән берлектә "И газиз, Туган тел!" дип исемләнгән бәйрәм оештырды. Укучылар шигырьләр сөйләделәр, җырлар башкардылар. Туган телебез - татар теле турында матур фикерләрен җиткерделәр. Чара бик үтемле булды. 

Бүген, әтиләр советы белән берлектә яңа спорткомплекста "Күңелле стартлар" эстафетасы оештырылды. Һәр мәктәптән ике әти һәм ике малай эстафета уеннарында катнашты. Бу чараны Мөслим районының мәгариф бүлеге һәм лицей мәктәбе оештырды. Безнең мәктәптән Гибадуллиннар, Галлямовлар катнашты. Бу гаиләләргә бик зур рәхмәтебезне җиткерәбез.

Хәрби-патриотик айлыгы кысасы уңаеннан мәктәптә Тормыш дәресе нигезендә "Әфган җиле" дип исемләнгән чара үтте.  Чарада Әфганстанда хезмәт итеп кайткан абыйларыбыз катнашты. Менә алар: Галиев Зиннур абый (Түбән Табын авылыннан), Шарипов Маис абый (Югары Табын авылыннан),  Шакиров Айдар абый (Тамьян авылыннан). Чараны 9 сыйныф җитәкчесе Шакирова Әлфия Мөнировна оештырды һәм алып барды. Укучылар әфганчы абыйларга кызыксындырган сорауларын бирделәр, шул ук вакытта  концерт номерлары белән бергә үрелеп барды. Чараны оештырган өчен Әлфия Мөнировнага бик зур рәхмәтебезне җиткерәбез 

Бүген, сәнгать мәктәбендә "Җырлы-моңлы балачак" проекты конкурсы оештырылды. Укучылар  үзләре яраткан җырны башкардылар. Чыгышлары матур булды.