Район мәдәният йортында эшләп килүче Асылташ балалар театры бездә кунакта булды. Алар балаларыбызга куян кызы әкиятен сәхнәләштерделәр.

Комлык. Балаларның яраткан урыны. Ком белән уйнаганда балалар төрле уенчыклар кулланалар, шул ук вакытта аларның күзаллаулары үсә, уен күнекмәләре, сөйләм камилләшә. Моннан тыш, ком фикерләүне бик яхшы үстерә: аны бүлеп, үлчәп, төрле сыйлар ясап, кисәкләргә формалаштырып була.

22 майда Казанда Татарстанның Мөслим районы мәдәният көне узды. Чара «Татарстанның мәдәни башкаласы» конкурсы кысаларында оештырылды. Кунакларны бай программа каршы алды. Мөслимлеләрнең милли ризыклары, уникаль сәнгать эшләре, табигать фотокүргәзмәләре, туган якны өйрәнү музее фондыннан җирле халыкның көнкүреш әйберләре, күп санлы мастер-класслар кунакларны үзләренә дәшеп торды. Әлеге чарада бакчабызда тәрбияләнүче Гарипова Алия үзенең нәсел шәҗәрәсен тәгъдим итте. Үзенең чыгышы белән кунакларны таң калдырды.

Чәчәкләр шатлык һәм матурлык чыганагы. Алар безнең тормышыбызны бизи, рухыбызны күтәрә, кешеләр арасында эчкерсез дуслык билгесе булып та хезмәт итә.
Бакчабыз территориясен матурлап, җәйгә әзерләү максатыннан төрледән - төрле чәчәкләр утырттык.

Бүген Мөслим гимназиясендә "Милли мәдәни мираслар һәм гореф-гадәтләр елы" кысаларында "Мин - милләтемнең киләчәге, горурлыгы" дип исемләнгән район бәйгесенең финалы узды.
Мәктәпкә әзерлек төркеменнән Баширова Азалия җиңүче , зурлар төркеменнән Мухаметзянов Аяз "Милләтебезнең горурлыгы" номинациясендә җиңүче булдылар. КотлыйбызБалаларны әзерләгән тәрбиячеләргә, әти-әниләргә зур рәхмәтебезне җиткерәбез.

Зурлар төркеме Халыкара гаилә көне уңаеннан "Гаилә-бәхет ачкычы" дип исемләнгән түгәрәк өстәл артына җыелды. Әлеге чарага кунак итеп әти-әниләр һәм ЗАГС бүлеге мөдире Язилә Шәрипҗан кызын чакырдык. Бу очрашу балалар өчен бик кызыклы, файдалы һәм тәрбияви булды. Чара күңелле әңгәмә, сорау-җавап, җыр, матур шигырьләр белән үрелеп барды. Гаиләләр белән элемтәне ныгыту, балаларда үз милләтенә, аның теленә, гаиләсенә, иленә ихтирамлы мөнәсәбәт булдыру, горурлык хисе тәрбияләү безнең максатыбыз.

Табигатьнең иң гүзәл вакыты 15 май- Халыкара гаилә көне буларак билгеләп үтелә. Зурлар төркеменә йөрүче балалар бу көнгә багышлап "Гаиләм-минем терәгем" дигән темага флешмоб уздырдылар. Чарага һәр бала әти-әнисе белән бергә, үзләренең күңел җылыларын биреп, гаилә эмблемасын ясап алып килде. Әлеге чара баланы шәхес буларак формалаштыру, рухи һәм әхлакый тәрбия бирү өчен, иң матур гореф-гадәтләрне сакларга һәм үстерергә ярдәм итә. Гаилә-бәхет ачкычы, ә бала җиһанга бәхет өчен туа. Үз гаиләгезнең кадерен белегез, без сезгә мәхәббәт һәм бәхет телибез.

Бөтендөнья шәфкать туташлары көне уңаеннан кечкенәләр төркеме балалары бакчабызның шәфкать туташын кунакка чакырдылар. Аның эш коралларын белән таныштылар, авырмас өчен ничек чыныгырга кирәклеген өйрәнделәр. Үзләре дә шәфкать туташы ролен дә булып алдылар.

По случаю Всемирного дня медицинских сестер младшие группы пригласили в гости медсестру нашего детского сада. Познакомились с его рабочими инструментами, узнали, как закаляться, чтобы не заболеть. Они также взяли на себя роль медсестер, поиграли сюжетно-ролевую игру.

Зурлар төркемендә балаларның сөйләм телен үстерү , туган як телләре белән горурлану хисләре тәрбияләү максатыннан дидактик уеннар һәрчак тулыландырып торыла. "Ел фасыллары" алгоритмына нигезләнеп төзелгән "Яз" модуле балаларның яз аена хас үзенчәлекләр турындагы белемнәрен ныгытырга ярдәм итә. "Язгы эшләр", "Балалар уеннары", "Язгы урман" өлешеннән торган бу уен
уйлау-фикерләү сәләтен, сөйләм телен үстерә, зәвык тәрбияли.

"Иң яхшы билингваль балалар бакчасы" конкурсының 2нче этабында катнаштык.

Приняли участие во 2-м этапе конкурса "Лучший билингвальный детский сад".