Зурлар төркемендә "Ватанны саклаучылар көне" бәйрәме узды. Анда әтиләр-бабайлар чакырылган иде .Балалар җыр, бию һәм шигырь юллары аша үзләренең җылы теләкләрен килгән кунакларга җиткерделәр.Бәйрәмне тәрбияче Дусадбекова Асия Ахат кызы һәм музыка җитәкчесе Заянова Ландыш Рафис кызы алып барды.

Мәктәпкә әзерлек төркемендә Гөлүзә Галимҗан кызы әхлак дәресе уздырды. Бу эшчәнлектә балалар татар халкының үткән тормышы, шөгыле белән якыннан таныштылар.

"Кояшкай"балалар бакчасында " Ел тәрбиячесе-2015 " республика бәйгесенең муниципаль  туры узды.Анда безнең коллективтан педагог-психолог Латыпова Айсылу,русс теле тәрбиячесе Ярмухаметова Гөльназ һәм тәрбияче Ситдикова  Гөльнур катнаштылар. Алар жюри әгьзаларе алдында үзләренең электрон иҗат лабораторияләрен якладылар.Соңыннан, "Кояшкай" балалар бакчасында тәрбияләнүче балалар белән  ачык дәрес үткәрү аша белем бирү эшчәнлеген тәкьдим иттеләр.

Шимбә ,7 нче февраль көнне "Чаңгы юлы-2015"-чарасы узды.Монда чаңгыда шуу,бау тарту һәм ату буенча ярышлар үткәрелде. Район күләмендә узган спорт бәйгеләрендә  безнең коллектив  актив катнашып килә.Кышкы спорт уеннарын үз эченә алган  бу бәйрәм дә барчабызның  күңеленә хуш килде.

"Миләшкәй"балалар бакчасының мәктәпкә әзерлек төркемендә "Ачык ишекләр"көне үтте.Тәрбияче Адиатуллина Голуза Галимзяновна әти-әниләргә балаларның ел буена алган белем дәрәҗәсен,мәктәпкә әзерлекләрен дәрес аша күрсәтте.

Бакчаның мәктәпкә әзерлек төркеменә йөрүче балабыз Республика күләмендә  үткәрелгән "Беренче адым" конкурсының  җыр номинациясендә "Кояш нурлары" җыры белән   2 нче дәрәҗә лауреатка лаек булдылар. Балаларны әзерләде музыка җитәкчесе  Ландыш Заянова. 

Бүген Зифа Басыйрова исемендәге мәдәният йортында талантлы балаларны эзләү, барлау максатыннан "Йолдызлык-2015" бәйгесе узды. Бәйгедә безнең балалар "Бүләк" бию белән уңышлы чыгыш ясадылар, ә  ике кызыбыз "Кояш нурлары"җырын башкарып 8 нче февральдә узачак 2 нче турга үттеләр.Аларга уңышлар телибез!

Уртанчылар төркеме балалары белән Кашапова Синара Мирзагали кызы “Ура! Кыш килде!” темасы астында спорт бәйрәме үткәрде. Балалар чанада, чаңгыда узыштылар.  Кар бабай ясау буенча да көч сынаштылар. 

Мәктәпкә әзерлек төркемендә югары квалификациягә ия тәрбияче Адиятуллина Гөлүзә Галимҗан кызы балалар белән һәрдаим максатчан прогулкалар оештыра. Прогулка вакытында балаларның сөйләм, иҗади сәнгатен, танып белүләрен үстерү белән бергә кошларга карата сак караш, мәхәббәт, ярдәм итү хисләре дә тәрбияләнә. Балалар үз куллары белән җимлек ясап, кошларны сыйладылар.