Бакчаның кечкенәләр төркемендә күңелле ярышлар үткәрелде. Балалар төрле уеннар аша үзләренең җитезлекләрен  үстерделәр. 

Безнең бакчада тәрбияләнүче балалар "Көмеш кыңгырау" газетасында узган конкурста катнашып җиңү яуладылар. Һәм аларның фотолары газетада басылып чыкты.

"Без Мөслимнәр" проекты планы нигезендә бакчада чара үтте. Чарада балалар Мөслимдәге яңа ачылган объектлар белән таныштылар. Мөслимнең гүзәллеге, яңарышы балаларны бик сөендерде. 

23 август көнне  район мәдәният йортында мәгариф хезмәткәрләре катнашында  август конференциясенең пленар утырышы үткәрелде. Чара барышында чыгышлар тыңланды,лаеклы ялга китүче педагоглар бүләкләнде. Мәгариф бүлеге тарафыннан уздырылган "Балалар бакчаларында  яңа уку елына әзерлек" конкурсына йомгак ясалды.Безнең "Миләшкәй" балалар бакчасы 2 урынга лаек дип табылды, Мактау грамотасы һәм сертификатка ия булды.

17 нче август көнне "Мизгел" яшьләр үзәгендә балалар бакчалары мөдирләре катнашында «Профессиональлек, инновацияләр, иҗат, уңыш –  ФДББСтын сыйфатлы  итеп тормышка ашыруның нигезе»исеме астында фәнни-практик конференция үткәрелде.Әлеге чарага Сарман,Актаныш районнарыннан кунаклар да чакырылган иде.Конференция барышында безнең “Миләшкәй” балалар бакчасында  Ярмухаметова Г.В., Шарафетдинова Г.Ф., Гайфиева А.З., Кашапова З.М.лар мастер- класслар  күрсәттеләр, үзләренең туплаган иҗат лабораториясе белән уртаклаштылар .Ирешкән казанышлары  өчен бакчабызның методисты Ганиева Ф.М. Мөслим районы Мәгариф бүлегенең  мактау грамотасы белән бүләкләнде.Яңа уку елы барыбызга да бары тик уңышлар алып килсен !

Бу көннәрдә укытучыларның традицион август киңәшмәсе бара. Быел ул районда “Муниципаль үсеш моделе – мәгариф белән нәтиҗәле идарә итүдә мөһим шарт” исеме астында уза. Конференциянең пленар өлеше 23 август көнне район мәдәният йортында булачак. Әлегә мәгариф хезмәткәрләре төрле фәннәр буенча секцияләрдә эшли.

Буген балалар бакчасында музыка көне унаеннан балалар төрле музыкаль уеннар,җыр биюләр башкардылар.

Бакчада бию көне үтте. Балалар төрле милләт биюләре белән таныштылар. Азактан үзләре рәхәтләнеп биеделәр.

Буген " Миләшкәй" балалар бакчасында " Велосипед-минем дустым" көне үткәрелде. Велосипедта хәвефсез йорү кагыйдәләрен өйрәтү максатыннан балалар арасында ярышлар узды.Ярышлар вакытында балаларга юлда үз-үзләрен тоту культурасы тәрбияләнде.