Әти-әниләргә “ Яңа ел бизәкләре ” күргәзмәсендә актив катнашканнары өчен зур рәхмәтебезне белдерәбез!

      Бүген “Ләйсән” балалар бакчасында Яңа ел бәйрәмнәрен беренче кечкенәләр һәм зурлар төркемнәре ачып җибәрде. Песи белән тычкан балалар белән чыршы тирәле әйлән-бәйлән җырлар җырлап, кызыклы уеннар уйнатып күңел ачтылар. Бәйрәмнең күптән көтеп алган кунаклары Кыш бабай белән Кар кызы балаларга матур теләкләрен, тәмле күчтәнәчләрен бүләк иттеләр.

    Район балалар бакчалары арасында узган "Иң яхшы бизиборд(бизибокс)" муниципаль конкурсында  бакчабыз коллективы актив катнашты. Конкурс нәтиҗәләре буенча тәрбиячеләребез Имамова Р.М., Фахразиева С.К. Салихова Н.Г. ясаган бизибордлар жюри тарафыннан югары бәя алып, беренче урынга лаек булдылар.

     “Ләйсән” балалар бакчасының коллективы Яңа ел бәйрәме уңаеннан бакча территориясенә Кыш бабай белән Кар кызын, Яңа ел символларын ясадылар.

     18-19 нчы декабрь көннәрендә районыбызда «Ел тәрбиячесе – 2019» конкурсының муниципаль туры үтте.  Конкурста 15 гә якын тәрбияче катнашып уңышлы чыгыш ясады. Алар эшчәнлекләр күрсәттеләр. Эшчәнлекләр аша үзләренең тәҗрибәләрен уртаклаштылар.

       Катнашучылар арасында бакчабызның беренче котегорияле тәрбиячеләре Зиннурова Алия Тагировна һәм Имамова Розалия Миргазиязовна уңышлы чыгыш ясап, 2 һәм 3 урыннарга лаек булдылар.  “Ләйсән” балалар бакчасы коллективы  тәрбиячеләребезне чын күңелдән котлап, алдагы чыгышларда да уңышлар теләп кала!

    17 декабрь көнне  "Кояшкай" балалар бакчасы базасында юл-транспорт имгәнүләрен кисәтү максатында "Юл кагыйдәләрен барлык баларда белергә тиеш " дигән темага уздырылган КВНда бакчабызның "Зебрята" командысы да катнашты. Балаларыбыз уңышлы чыгыш ясап 3урынга лаек булдылар һәм истәлекле бүләкләр белән бүләкләнделәр.

    Педагоги МБДОУ "Ляйсан" приняли участие на районном конкурсе лэпбуков "Шкатулка знаний безопасности" в Муслюмовском районе и стали победителями. Коллектив был награждён дипломом и настольной игрой.

 Бакчабызның уртанчылар төркемендә "Кошларга ярдәм ит" акциясе утте. Балалар әти - әниләре белән берлектә җимлекләр ясап алып килделәр.Җимлекләрне саф һавага чыккач балалар тәрбияче апалары белән бергәләп урнаштырдылар.

     Тиздән, бик тиздән Чыршы бәйрәмнәре башланыр, Яңа ел да , Кыш бабай белән Кар кызы да килеп җитәр.  Бүген уртанчылар төркеме балалары үзләренең бүлмәсендәге чыршыны бизәде. Алар шарлар, кар бөртекләре ясап куйдылар, үз куллары белән матур чылбыр ясап элделәр. Чыршы бик матур булды. Төркемгә бәйрәмгә килгән кунаклар да, Кыш бабай да чыршыны яратырлар, аңа карап сокланырлар.