10 нчы октябрь көнне район спорт комплексында армрестлинг буенча район беренчелегенә ярышлар үтте. Бу ярышта безнең укучыларыбыз да катнашты һәм уңышлы чыгыш ясады. Холбутаева Диләрә, Холбутаева Наилә, Хәкимов Денис үз авырлыкларында ярышып, 2 урынга лаек булдылар. Уңышлары белән котлап, укучыларга һәм аларның җитәкчеләренә (Әхмәтов Р.Ә., Минныразиев И.М.) киләчәктә зур уңышлар телибез.

Мәктәптә  бәйрәм иртүк башланды.Укучылар яраткан укытучыларына сюрприз әзерләгәннәр. Укытучыларны иртән мәктәпкә керүгә кулларына чәчәкләр, шарлар тоткан укучылар каршы алды.Алар укытучы абый, апаларын шулай бәйрәм белән котладылар, матур теләкләр теләделәр.

Укытучы!

Кирәк чакта җитез дә син, тапкыр да син,

Кирәк чакта сабыр да син, батыр да син,

Бик җаваплы, авыр синең хезмәтең дә,

Тиешенчә күрсәң иде хөрмәтен дә.

"Кадерле укытучыларыбыз! Мәктәбебездә армый-талмый хезмәт куючы, безнең күңелләребезгә яхшылык орлыклары сибүче, белем илендә тәүге ачышлар ясатучы, акны-карадан, яхшыны-яманнан аерырга өйрәтүче укытучыларыбыз! Сезне профессиональ бәйрәмегез  белән чын күңелдән тәбрик итәбез. Сезгә исәнлек-саулык, озын гомер, җан тынычлыгы телибез. Изге эшләрегез - безнең өчен, балалар өчен. Шул авыр хезмәтегездә уңышлар, иминлек телибез сезгә",-дип, үзләренең котлау сүзләрен, матур чыгышларын бүләк иттеләр укучыларыбыз. 

 Табигатьнең алтыннан киенгән, муллыкка тиенгән чагында без матур бәйрәм – Халыкара өлкәннәр көнен билгеләп үтәбез.Әлеге бәйрәм аша без күпне күргән, күпне кичергән өлкән буын вәкилләренә ихтирамыбызны һәм рәхмәтебезне белдерәбез. Мәктәптә шундый бәйрәм -лаеклы ялдагы хезмәткәрләребез белән очрашу үткәрдек. Балалар тарафыннан әзерләнгән концертны караганнан соң. бәйрәм чәй табыны янында үтте. 

Шәфкатьлелек айлыгы кысаларында мәктәптә төрле чаралар үткәрелә: тормыш дәресләре, тәрбия сәгатьләрендә укучылар белән әңгәмәләр, өлкәннәргә шефлык оештыру һ.б. 8 нче сыйныф укучылары җитәкчеләре Гүзәл Хөсәенова белән хезмәт ветераны Флүрә апа Сафиуллинага шефлыкка бардылар. 

В школе прошел Единый урок безопасности в сети Интернет. Его провел учитель информатики Суфиахметов И.В. Он объяснил учащимся о  том, как грамотно пользоваться Интернетом. 

"Интернет челтәрендә куркынычсызлыкны тәэмин итү" дигән темага ата-аналар җыелышы үткәрелде. Район мәгариф идарәсе методисты Зарипов Э.Ф. чыгыш ясады. Ата-аналарга "IT чемпион" конкурсы турында да аңлатылды. Тәрбия эшләре буенча директор урынбасары Р.Г.Фаррахова тәкъдиме белән ата-аналар комитеты сайланды. Шулай ук мәктәп директоры И.М.Мубараков, укыту-тәрбия эшләре буенча директор урынбасары Г.Ш.Хәкимова чыгыш ясадылар, ата-аналарны кызыксындырган сорауларга җавап бирделәр.

15 нче сентябрь-варислар берлегенең туган көне уңаеннан, укучылар урманга экскурсиягә бардылар.5 нче сыйныф укучылары тантаналы төстә варислар сафына кабул ителде. Аннары төрле спорт ярышлары, уеннар үткәрелде.

Көзнең бер көне ел туйдыра. Шуны истә тотып, бүген мәктәп яны тәҗрибә участогында эш гөрләде. Укучылар һәм укытучылар кишер уңышы җыеп алдылар. 

В МБОУ "Амикеевская ООШ" учитель русского языка и литературы Гайсина Р.З. провела единый классный час "Толстой-это целый мир". Также была проведена читательская конференция, где учащиеся 5-6 классов познакомили со сказками писателя.