Зифа Басыйрова исемендәге район мәдәният йортында "Йолдызлык-2019" фестиваленең гала-концерты булды.  Безнең укучылар бик уңышлы чыгыш ясадылар. "Импульс" бию төркеме 1 урынга, "Әмәкәй егетләре" вокаль ансамбле һәм Холбутаева Наилә вокал-соло номинациясендә 2 урынга лаек булды. Җитәкчеләре Бәдретдинова Г.М. Афәрин! Булдырдыгыз! Уңышлар телибез!

Мари Бүләр төп мәктәбендә, якташ язучыларыбызның иҗатын популярлаштыру максатыннан,  районкүләм "Сандугачтай моңлы Тукай теле" сәнгатьле сөйләүчеләр конкурсы булды. Бу конкурста укучыларыбыз уңышлы чыгыш ясадылар. Зарипова Мәдинә "Иң оста сөйләүче" номинациясендә җиңүче (укытучысы Мөхәмәдиева А.Ф.), Закиров Илнар 3 урынга (укытучысы Хәкимова Г.Ш.), Шамс Айрат 1 урынга (укытучысы Шамсова Р.Д.) лаек булды. Котлыйбыз!

Җәлил ункөнлеге дәвам итә. Муса Җәлилнең китапларыннан күргәзмә оештырылды. Укучылар аның шигырьләренә иллюстрацияләр ясады. Муса Җәлилнең тормышы һәм иҗатына багышланган видеофильм күрсәтелде. Ахырдан укучылар викторина сорауларына җавап бирделәр.

15 нче февральдә Әфганстаннан совет гаскәрләре чыгарылуга 30 ел була.  Авылыбыздан 4 егет Әфганстанда  интернациональ бурычларын үтәгән. Әфганчыларны искә алып, әфган җирендә батырларча һәлак булган Кызыл Йолдыз ордены кавалеры Илфар Фаррахов һәм бертуган Филис һәм Фаяз Исмәгыйловларның каберләренә чәчәкләр, веноклар салдык.

Муса Җәлилнең тормышы һәм иҗатына багышланган атналыкта 1-9 сыйныф укучылары арасында "Могҗизалар кыры" уены үткәрелде. 

Әхмәтгалиев Рәфәгат тормыш иминлеге нигезләре фәненнән республика олимпиадасы призеры булды. Укытучысы Әхмәтов Р.Ә. Аларны бу зур уңышлары белән котлыйбыз! Киләчәктә дә зур уңышлар телибез. Афәрин!

Әфганстаннан совет гаскәрләре чыгарылуга 30 ел тулуга багышланган тормыш дәресе үтте. "Бүгенге көн батырлары" дип аталган чарага әфганчылар Госманов Данил һәм Нургалиев Ильяс чакырылды. 

Укучыларыбыз Д.Холбутаева, Д.Хәкимов, Н.Холбутаева, Т.Яруллин районда үткәрелгән чаңгы ярышында катнашты. Команда 3 урын яулады. Укытучылары Әхмәтов Р.Ә., Минныразиев И.М. Булдырдыгыз!