Быел да Яңа елны зур уңышлар белән каршылыйбыз. Фән олимпиадаларында катнашып, 21 призлы урын яуладык. Укучыларга һәм аларны әзерләгән укытучыларга бик зур рәхмәтләребезне җиткерәбез. Киләсе еллар да уңышлы булсын, сәламәтлек, иминлек, бәхет-шатлыклар телибез. Яңа ел белән!!!

Мәктәптә полиция майоры Мирзаянов Б.Ш. белән очрашу үтте. Ул укучыларга  кышкы каникул һәм яңа ел бәйрәмнәре чорында куркынычсызлык кагыйдәләрен аңлатты.

9 нчы сыйныф укучысы Тагирова Милена геологиядән үткәрелгән олимпиаданың муниципаль этабында җиңүче булды! Укытучысы Мубаракова Д.Ф. Афәрин! Котлыйбыз! Киләчәктә дә уңышлар юлдаш булсын!

Команда Амикеевской ООШ "Хранители природы" участвовала в межрегиональной интеллектуальной игре "Знатоки природы", посвященной Году добровольца (волонтера) в Россиии, организованной МКУ "Управление образования" Актанышского муниципального района РТ,  и  стала абсолютным победителем. Учащихся 8 класса Ахматгалиева Р., Шакирянова Р., Шамса А. и учителя биологии  Мубаракову Д.Ф. поздравляем с победой! Молодцы!

Физкультура буенча олимпиада нәтиҗәләре билгеле. 3 егетебез призер булды-Шамс А., Әхмәтгалиев Р. һәм Хәкимов Д. Укытучылары Минныразиев И.М., Әхмәтов Р.Ә. Уңышларыгыз белән котлыйбыз! Афәрин!

Китапханәче Шамсова Р.Д. "Әфган яралары" дип исемләнгән китапханә дәресе үткәрде. 16 нчы декабрьдә Әфган җиреннән совет гаскәрләрен чыгара башлыйлар. Шул уңайдан үткрелгән бу чарада  укучыларга Әфган сугышы турында видеофильм күрсәтелде. Шамсова Р. әфганчы авылдашларыбыз бертуган Исмәгыйловлар, Әфган сугышында  һәлак булган Кызыл Йолдыз ордены кавалеры Фаррахов Илфар Рәмзи улы турында сөйләде, "Әфган кызалаклары" китабы белән таныштырды.

Олимпиадалар дәвам итә. Шакирянов Р. хокук һәм җәмгыять белеме фәннәреннән призлы урынга лаек булды. Укытучысы Бәдретдинова Г.М. Котлыйбыз!!!

Күбәк урта мәктәбе базасында "Ел укытучысы-2018" конкурсының зона этабы үтте. Укытучылар дәресләр һәм мастер-класслар күрсәттеләр. Әмәкәй мәктәбеннән башлангыч класслар укытучысы Шаймарданова Р.Г. катнашты һәм 4 нче сыйныфта татар теленнән дәрес, "Тәнкыйди фикерләү алымнары" темасына мастер-класс күрсәтте.

4 нче сыйныф укучысы Нуриева Л. "Ел укучысы" конкурсының зона этабында катнашып, уңышлы чыгыш ясады. Укытучысы Шаймарданова Р.Г.

Мәктәп спорт лигасы ярышлары дәвам итә. Бу юлы Тат. Бүләр урта мәктәбендә баскетбол буенча ярыш булды. Безнең егетләр командасы бу ярышта да беренчелекне бирмәде. Ә кызлар командасы 3 урын алды. Афәрин!!! Уңышларыгыз дәвамлы булсын!