Күбәк урта мәктәбе базасында  төбәкара "Без-сәләтле буын" исемле фәнни - гамәли конкурсның зона туры үтте. Укучыларыбыз Холбутаева Н. ( "Кеше экологиясе" юнәлеше, укытучысы Мубаракова Д.Ф.) , Хәкимов Д. ( гуманитар юноәлеш, укытучысы Фаррахова Р.Г.) катнашып, уңышлы чыгыш ясадылар һәм район турына үттеләр. Укучыларыбызга уңышлар телибез!

Мәктәптән тыш эшләр үзәгендә "Балкыш" район балалар Думасына сайлаулар булды. Безнең мәктәптән Шамс А. спорт министрлыгына тәкъдим ителде һәм шул юнәлештә үз проекты буенча чыгыш ясады.

Мәктәпнең егетләр командасы район мәктәпләре арасында үткәрелгән мини-футбол ярышында катнашып,  3 урын яуладылар. Булдырдыгыз, егетләр! Уңышлар сезгә!

Баек төп мәктәбендә  мәктәп директорларының район киңәшмәсе  булды. Әмәкәй, Күбәк, Баек мәктәпләре укучылары катнашында "Барыннан да яхшырак!" ("Лучше всех!") уены үткәрелде. Безнең мәктәптән Яруллина Р., Шамс А., Сабиров Р. лар катнашты һәм уңышлы чыгыш ясадылар. Укучыларның чыгышларын тамашачылар бик яратып кабул иттеләр. 

"Парламент. Җәмгыять. Мин." темасына мәктәптә парламент сәгатҗләре үтте. Башлангыыч классларда дәресне ТР Дәүләт Советында очрашуда булып кайткан тарих укытучысы Бәдретдинова Г.М. үткәрде. Урта класс укучылары алдында Ахметов Р.Ә. чыгыш ясады. Дәрестә Җирле үзидарә башлыгы депутат Шакирянова И.И. катнашты.

Профориентация эше  мәктәптә тәрбия бирүнең төп юнәлешләреннән санала. Ул дәресләрдә, сыйныфтан тыш чараларда тормышка ашырыла. Укучыларның һөнәргә карата кызыксынуын, сәләтен, эшче һөнәрләрнең популярлыгын арттыру максатыннан, 8-9 нчы сыйныф укучылары сыйныф җитәкчесе Мубаракова Д.Ф. белән берлектә район предприятиеләренә экскурсиягә бардылар. Алар Сарман аграр көллиятенең Мөслим филиалында, "Агромастер" җитештерү компаниясендә булдылар. Мондый экскурсияләрнең укучыларга киләчәктә һөнәр сайлауда  ярдәме зур булыр.

Мәктәптә "Әтиләр Советы" нәтиҗәле эшли. Нинди генә эш булса да, әтиләрнең ярдәмен тоеп яшибез. Мәктәп бакчасындагы көзге эшләргә дә әтиләр җәлеп ителде, Бәдретдинов Р.  ярдәме белән бакча сөрелде.

15 октябрь - Хәтер көне. 1552 елда Явыз Иван гаскәре явыннан Казанны сакланганда hәлак булган бабаларыбызны искә алу, аяусыз сугышта шәhит киткәннәрнең якты рухлары алдында баш ию көне. Шул уңайдан, 5-6 класс укучылары катнашында  мәктәптә "Хәтер көне" уткәрелде. Әлеге чарага барлык  укучылар һәм класс җитәкчеләре чакырылды. Чара барышында халкыбызның үткәненә, тарихына багышланган, әлеге канлы вакыйгаларны чагылдырган тарихи истәлекләр, шигырьләр сөйләнде. 

Бу көннәрдә  мәктәп яны тәҗрибә бакчасында җирне көзге сукалауга хәзерлек эшләре алып барыла. Укучылар бакчаны һәм мәктәп  территориясен чүптән арындырдылар; борыч, кәбестә  кебек яшелчәләр кышка саклауга урнаштырылды.