19 октябрьдә гимназиядә "Татарча диктант - 2019" Халыкара акциясе узды. Әлеге чара Казан вакыты буенча 13:00 сәгатьтә бөтен дөньяда оештырылды. Фатиха Аитова исемендәге 12 нче гимназиядә татарча диктантны 170 кеше язды. Иң кечкенә катнашучыга 9 яшь булса, иң өлкәненә - 61 яшь. Диктант текстын күренекле язучы Камил Кәримов белән ТР Фәннәр Академиясенең өлкән фәнни хезмәткәре, филология фәннәре кандидаты Гөлназ Гайнуллина укыды. Түземсезлек белән билгеләрне көтәбез!

Сегодня в гимназии 12 учителями русского языка и литературы Газизовой Н.Р. и Талиповой С.А. было проведено литературно-художественное мероприятие, посвященное творчеству М.Ю.Лермонтова с учащимися 7-х классов в рамках ежегодной литературной гостиной. Дети расширили кругозор по биографии поэта, декламировали и инсценировали стихотворения. В конце  литературной гостиной ученицы приняли участие в игре "Сто к одному".

Атна дәвамында гимназиябезне  "Көз күчтәнәчләре - 2019" күргәзмәсе бизәп торды. Биредә 1-4 сыйныф укучылары көз нигъмәтләреннән иҗат иткән эшләнмәләр урын алды. Җиңүчеләр иртәгә линейкада игълан ителәчәк.

Бүген "Нур" балалар оешмасы 5-6 сыйныф укучыларын үз эшчәнлеге белән таныштырды. Шул уңайдан, укучылар өчен интеллектуаль "Көзге марафон" - "Своя игра" уены оештырылды. Бергә булыйк!

16 октябрьдә гимназиянең "Нур" балалар оешмасы "Дуслык" балалар йортында "Татарстанда - балалар хәрәкәте" темасына мастер-класс үткәрде. Әлеге чара "Атмосфера возможностей" социаль проекты кысаларында оештырылды. "Нур" -  "Дуслык" күпере дәвамлы булсын!

4 октябрьдә гимназия укучылары хөрмәтле мөгаллимнәребезне Укытучылар көне белән тәбрикләде. "Бүген гаҗәеп көн! Кем генә булсак та - президентмы, язучымы, йөк ташучымы - без барыбыз да кемнеңдер укучысы. Бәйрәм белән, Остазларыбыз!" Бүген шундый күтәренке рухта укучылар әзерләгән бәйрәм концерты дәвам итте. Рәхмәтле укучылар, имәндәй нык ихтыяр көче һәм сәламәтлек телибез! Хезмәтегезгә - алкышлар!

1 октябрьдә гимназиянең Актлар залында  халыкара Өлкәннәр көненә багышланган "Ил аклагы - дәү әниләр" бәйгесе узды. Бәйгедә 1-4 сыйныф укучылары  дәү әниләре белән чыгыш ясады. Дәү әниләр үз тормышларындагы 5 бәхетле мизгел һәм гаилә ядкәрләре турында бәян итте. Хөрмәтле кунакларыбызга Фатиха Аитова һәм Туфан Миңнуллин музейларына сәяхәт, чәй табыны янында күңелле әңгәмә оештырылды. Бәйрәм белән сезне, хөрмәтлеләребез!

14 сентябрьдә Мәскәү районында урнашкан Урицкий паркында күркәм гадәткә әверелгән "Көзге игелек ярминкәсе" үтте. "Нур" балалар оешмасы сату-алу өчен җавап тотса, гимназиябез коллективы, әти-әниләр ярдәме белән мул сату ноктасы оешты. Ярминкәдән җыелган керем мөмкинлекләре чикләнгән, матди ярдәмгә мохтаҗ балага тапшырылды. Әлеге күркәм чара киләчәктә дә дәвам итсен!

2 сентябрьдә гимназия мәйданында тантаналы Белем көне линейкасы гөрләде! Бәйрәм тамашасы күңелле тәбрикләүләр, җыр-бию, курай моңы, кызыклы флешмоблар белән үрелеп барды... Яңа 2019-2020 уку елында белем йорты бусагасын 52 беренче сыйныф укучысы атлап керде. Белем иленә рәхим итегез, нәни гимназистлар!

22 августта гимназиябез укучылары WorldSkills дөнья чемпионаты катнашучыларын - Марокко делегациясен сәламләде. Кунакларга җырлы-биюле бәйрәм программасы тәкъдим ителде. Татар биюе, курай, Сабантуй ярышлары, кош теле пешерү буенча мастер-класслар күрсәтелде. Казанда кабат очрашканга кадәр, дуслар!