Балалар бакчасында төзү шөгыле һәрвакыт булды. Төзүнең төп бурычы булып төрле конструкцияләр төзергә өйрәнү, вак моториканы үстерү торса, яңа стандартлар  конструкцияләү белем бирү эшчәнлеген башка төр юнәлешләр белән интеграцияләүне күздә тота.

Бакчабызда бу максатны лего уеннары  кулланып чынга ашырабыз: төзү белән бергә социаль-коммуникатив, танып белү, икетеллелек, сөйләм телләре, эстетик сәнгать үсеше үрелеп бара.

Балаларны өлкәннәр хезмәте белән таныштыру максатыннан ашханәгә экскурсия оештырылды. Көндәлек туклану режимы, бакчада пешерелә торган ризыклар турында мәгълүмат бирелде.Пешекче апаларның эш шартлары,савыт-саба төрләре белән таныштылар.

Буген, 30 январь  көнне бездә Югары  Ушмы  авылының мәктәп балалары, курчак театры белән ,  кунакта булдылар. “ Йомры икмәк”  әкиятен  балалар, бик тә игътибар белән карап утырдылар.Мәктәп балалары  әкиятне  рус телендә һәм инглиз телендә башкардылар. Бу әкият  узенең эчтәлеге белән дә кызыклы иде. Балалар  безне киләчәктә дә шундый кызык, бай, эчтәлекле әкиятләре белән сөендереп торсыннар. Аларга киләчәктә зурдан-зур иҗади унышлар телибез!

Вәсилә Әхмәтҗанова җитәкчелегендә югарыушмалылар берсендә авыл китапханәсендә җыелып халкыбызның гореф-гадәтләре, кул эшләре турында сөйләшсәләр; икенчесендә мәктәп-балалар бакчаларында милли тәрбия бирү, халык тарихын өйрәнү, аның мәдәни байлыгы турында күзаллау булдыру, туган теленә, халкына карата соклану, горурлану хисе тәрбияләү, балаларда ул яшәгән республика, район, авыл тарихы турында мәгълүмат бирәләр.Башка авыллардагы хатын-кызларның да шундый үрнәктә эш алып баруларын,  бергә булуларын теләп калабыз.

Әлеге семинарда милли киемле татар  балалары туган телләрендә чыгышлар ясады. Кәләпүш-камзуллар киеп, билбаулы яки күбәләктәй итәкле күлмәкләргә төренгән 4-7 яшьлек сабыйлар милли курчакларга охшаган иделәр. Алар татар халык биюе  һәм театральләштерелгән Аулак өй тамашасын тәкъдим итте.

Һәр халык мәдәни, тарихи, әхлакый һәм башка байлыкларга ия. Әлеге байлыклар һәрберебезнең туган төбәгебездә бихисап. Милли тәрбия бирү, халык тарихын өйрәнү, аның мәдәни байлыгы турында күзаллау булдыру, туган теленә, халкына карата соклану, горурлану хисе тәрбияләү, балаларда ул яшәгән республика, район, авыл тарихы турында мәгълүмат бирүдән башлана. Шәхес тәрбиялибез икән, һәр яктан үсеш алган киләчәк буын кешесе үссен дисәк, барлык тәрбия өлкәләрен дә кулланып, тәрбиягә нигез балалар бакчасындагы нәниләргә юнәлдерелергә тиеш. Безнең  Югары Ушмы балалар бакчасында милли хис тәрбияләү түбәндәге юнәлешләрдән чыгып оештырыла:

-балаларга республика, туган як турында мәгълүмат бирү;

-халкыбызның гореф-гадәтләре белән тирәнтен таныштыру;

-әдәби һәм мәдәни байлыгыбыз турында кузаллау булдыру;

-туган телдә сөйләшергә теләк уяту, аны хөрмәт итү;

-төбәктә яшәүче язучылар, сәнгать кешеләре белән танышу;

-милли бәйрәмнәрнең тарихы белән таныштыру, аларда катнашу;

-халыклар, милләтләр арасындагы дуслык төшенчәсе барлыгын җиткерү.

Максат :

 1. Балаларда спорт белән кызыксыну уяту, спортның кеше тормышындагы әһәмиятен

аңларга булышу.

2. Балаларда бердәмлек хисен тәрбияләү.

Авыл фельдшеры Низамова Алсу апа  катнашында балалар белән әңгәмә  үткәрелде, ул бик җанлы һәм кызыклы формада үтте, балалар  үзләрен кызыксындырган сорауларын бирделәр

“Сәламәтлек турында кайгырту – тәрбия эшенең гаять әһәмиятле өлеше. Баланың шат күңелле, тормыш сөючән булуы аның рухи тормышына,  дөньяга карашына көчле йогынты ясый, акыл үсешенә уңай тәэсир итә, үз көченә ышаныч тудыра!”.

 В.А.Сухомлинский

Атналыкның максаты – балалар шәхесенең төрле яклап үсешенә ярдәм итү,  аларның яшәү рәвеше турында белемнәрен ныгыту,   халык педагогикасының милли үзенчәлегенә нигезләнеп   балаларны физкультура, сәламәтләндерү чараларына һәм спортка тарту, сәламәтлекне сакларга өйрәтү.

 бурычлары:

Белем бирү бурычлары: Балаларны сәламәт яшәү кагыйдәләре белән таныштыру; балаларны физкультура, сәламәтлән-дерү чараларына һәм спортка тарту, сәламәтлекне сакларга өйрәтү,спорт белән шөгелләнү сәламәтлекнең нигезе икәнең аңлату.

Үстерү  бурычлары: Хәрәкәт кординациясен, җитезлек, сыгылмалылык, игътибар, бәйләнешле сөйләм телен, бармак очларының сиземлелеген үстерү.

Тәрбияләү бурычлары: Коллективта үз-үзеңне тоту, ярдәмләшү, спорт белән кызыксыну ихтыяҗын булдыру, үзеңнең сәламәтлеген турында кагырту.

Гаязга бүген ике яшь  тулды!!!

Максат: 

1) Туган көн бәйрәмен иҗади формада үткәрү ысуллары белән таныштыру, коллективта бергәләп ял итү күнекмәләрен үстерү, яңа уеннар һәм җырлар өйрәтү.

2) Балаларда бәйрәм рухы булдыру өстендә эшләү.

Хөрмәтле әти-әниләр!

Сезне якынлашып килүче Яңа 2016 нче  ел белән нчын күңелдән котлыйбыз! Сезгә исәнлек-саулык, бәхет-шатлык, тыныч тату тормыш  телибез. Яңа ел Сезгә бары тик яңадан-яңа уңышлар, бәхет алып килсен. Сезне  25 нчы декабрь көнне Яңа ел тамашасына чакырабыз.

Башлана 10.00 сәгаттә.

Балалар бакчасы коллективы

_____________________________________