14 декбрьдә Уфа шәһәрендә узган татар- башкорт көрәше буенча Россия чемпионатында 11 сыйныф укучысы Нәҗмиев Айнур 1 урынны алып, "Россия чемпионы" титулын яулады. 5 яшеннән көрәш нечкәлекләренә төшенеп үскән егет әлеге исемгә бик лаек. Әфәрин Айнур! Аны шушы дәрәҗәгә кадәр үстергән тренеры Илсур Туфан улын да котлыйбыз! Алга таба да уңышлар теләп калабыз!

73 яшендә шагыйрь, прозаик, драматург Фәнис Яруллин вафат булды. Габдулла Тукай һәм Муса Җәлил премиясе лауреаты Фәнис Яруллин 53 ел урын өстендә ятып иҗат итте.

Бүген мәктәптә 5 -6 нчы сыйныфлар арасында, спорт һәм сәламәт яшәү рәвешен пропогандалау йөзеннән, " Күңелле стартлар" уены уздырылды. Һәр ике команда да уеннарда актив катнашты. Алар скакалкада сикерде, баскетбол тубы атты, капкага футбол тубы типте һәм башка күңелле стартларда көч сынашты. Уеннар  Дуслык җиңүе белән тәмамланды.

 Кадерле әниләр! Сезне Әниләр бәйрәме белән тәбрик итәбез! Сез – безнең яклаучыбыз, саклаучыбыз, барыр юлыбызны яктыртып торучы мәңге сүрелмәс кояшыбыз. Сез булган җирдә ризык бар, җылы бар. Бердәнбер иң кадерле, иң хөрмәтле, иң якын кешеләребез - Әниләр! Балаларыгыз турында гел яхшы сүзләр генә ишетеп яшәргә язсын Сезгә! Без бит беләбез: әниләр өчен моңардан да зуррак бәхет юк! Матур булсын, котлы булсын бәйрәмегез!    

Бүген бездә зур бәйрәм- Әниләр бәйрәме булды. Әлеге бәйрәмгә һәр сыйныф  зур тырышлык белән әзерләнде: стена газеталары чыгарылды, сочинениеләр язылды, шигырьләр иҗат ителде, концерт номерлары өйрәнелде.Концерт программасы " Әнием" видеоролигы белән башланды.Һәм программаны   башлангыч сыйныфларның матур шигырьләре, 6 нчы сыйныф укучыларының дәртле биюләре, Тимергалиева Айсинә, Гатина Айгөл, Курбанов Ильяс, Каюмов Ильназ, Хасанова Илүзә, Хаммадиев Ирекләрнең моңлы җырлары белән бергә үрелдереп , бишек җырларына бәйләп башлангыч сыйныфлар укытучысы Гилмутдинова Зөлфия Шарифулловна алып барды. Концерт дәвамында мәктәп тормышын чагылдырган презентация күрсәтелде. Бәйрәм тәмамлангач әниләр шат елмаеп өйләренә таралышты.

Ходаның һәр бирмеш көнендә

Бер матур як белән ачылыйк:

Һәркемнең гомере бер генә,

Яхшылык эшләргә ашыгыйк.

Башлангыч сыйныф укучылары  телевидениенең беренче каналы үткәрүче “ Добро” акциясендә катнашты. Алар кәрәзле телефоннары аша 75 сум акчаны балалар йорты счётына күчерделәр. 

Мәктәпнең 16 укчысы ( 2-11нче сыйныфлар), укучылар арасында рус теле буенча үткәрелүче, халыкара "Русский медвежонок" конкурсында катнаша. Почта аша килгән сорауларга җаваплар, бланкларга тутырылып, инде  оештыучыларга  җибәрелде.

          Бүген башлангыч сыйныфларда "Көз һәм без" дип аталган уңыш бәйрәме үтте. Бәйрәмне  һәр сыйныф алдан ук зур әзерлек белән көтеп алды. Кичәне 1 нче сыйныф укучылары көз турындагы шигырьләре белән башлап җибәрде. Алга таба сүзне 2 нче сыйныфлар алды. Алар Ф. Хөснинең "Кабак" хикәясен сәхнәләштереп дус һәм тату яшәргә кирәклеген аңлатты, 3 нче сыйныф укучылары " Арыш бөртеге" әкияте аша татар халкының "Эшләп яшәгән уңар, эшләмәгәне туңар" мәкален башкаларга җиренә җиткереп төшендерде, 4 нче сыйныф укучылары үзләре белән көз кызы Сөмбеләне кунакка алып килгән иде. Укучылар Сөмбеләгә бакчада нинди яшелчә, җиләк-җимеш  үстерүләре турында сөйләделәр, табышмакларга  җаваплар эзләделәр. Бәйрәм җыр-бию белән бергә үрелеп барды.

           Еллар имин, илнең күге аяз булсын,
          Сабыйларның шат авазы яңгырап торсын,
           Бәйрәм мөбәрәк, табыннар түгәрәк булсын.

Күңелләргә якты нур өләшеп,

  Шатлык өстәп һәрбер йөрәккә.                             

  Үз муллыгы белән көзләр килә,

  Йомгак ясап җәйге хезмәткә.

  Табындагы икмәк, сый нигъмәтне

  Күреп ил картлары шатлана.

  Муллык белән җиргә килә көзләр,

  Көзге муллык кыла тантана.

Сөмбелә бик борынгы заманнардан ук яшәп килә. Бу бәйрәм көзге уңышлар җыеп алынгач, барлык эшләр беткәч билгеләп үтелә.

    Сөмбелә аеның соңгы көне тәүлек эчендә көн белән төннең тигезләшкән чорына туры килгән һәм бу көнне, 15 нче сентябрьдә Сөмбелә бәйрәме үткәрелгән. Бу бәйрәм Нәүрүз бәйрәменең капма-каршы парын тәшкил иткән. Нәүрүз бәйрәме игенчелек чорын башлап җибәрсә, Сөмбелә бәйрәме аны тәмамлап-йомгаклап куйган.

 Чөнки бу вакытта инде урып-җыю эшләре һәм уҗымга сөрү төгәлләнә торган булган, ашлык әвеннәргә, кибән-эскертләргә куелган, сугылганы келәт-амбарларга тутырылган.  28 октябрь көнне мәктәптә уңыш бәйрәме үтте. Бәйрәм өчен 5 нче сыйныфлар " Сөмбеләдә кунакта" дип аталган әдәби- музыкаль композиция әзерләгән иде. Бәйрәм күңелле уеннар , җыр-бию белән дәвам итте.