Яшәгез сез, мәңге яшь булып

Туган йортыгызда ямь булып.

Сез булсагыз таза-сәламәт

Оныкларга булыр бик рәхәт.

            Оныкларга терәк булып,

             Яшәгез сез шатлыкта.

             Сәламәтлек , ак бәхетләр

              Юлдаш булсын картлыкта.

 1 нче октябрь көнне авыл мәдәният йортлары Өлкәннәр көнен билгеләп үтте. Бу көнне өлкәннәрне бәйрәм арты табынында кунак иттеләр, укчылар көче белән әзерләнгән концерт программасы белән котладылар. Бәйрәм бик күңелле итеп оештырылган иде. Киләсе елда да күрешү насыйп булсын дип өлкәннәр өйләренә таралышты.

Адреса  ссылок  на сайты под рубрикой

«Противодействие коррупции»

1)Адрес ссылки на сайт «Противодействие коррупции»   Кукморского муниципального района

Көз - ярминкәләр чоры.

2011-2012 нче уку елына мәктәп 1 нче сыйныфка 9 укучы кабул итте.Сыйныф җитәкчеләре Гобәйдуллина Резеда Миннехатип кызы белән бергәләп алар яңа буын стандартлары буенча белем алачаклар.Уңышлар сезгә!

Район админстациясе башлыгы Рахматуллин Рауиль Шәйдәүләт улы, КСХП "Урал" рәисе Хабибрахманов Газинур Хатим улы, директор Хазиев Гомәр Хашим улы тырышлыгы белән яңа мәктәп проекты расланды. ПМК-90 эшчеләре инде төзелеш эшләрен башлап җибәрде. Хәзерге көндә нигез казу эшләре бара. ЯҢА МӘКТӘП БУЛАЧАК!!!

     Туган җирнең һәрбер почмагында

     Каршылыйлар белем бәйрәмен

     Яңгырый сабыйларның шат авазы,

     Кулларында - чәчәк бәйләме.

1 нче сентябрь таңы тантаналы линейкага 161 укчыны җыйды.Шулар арасында бу көнне зарыгып көткән 1 нче сыйныфка килүче 9  укучы да дулкынланып басып торды. Флагны күтәрү 11 нче сыйныф укучылары: уку алдынгысы Губайдуллина Гөлфинә һәм көрәш буенча РФ чемпионы Назмиев Айнурга  тапшырылды. Барлык мәктәп тын калып Татарстан гимнын тыңлады, флаг күтәрелүне күзәтте.  Яңа уку елы башлануын мәктәп директоры Хазиев Гомәр Хашим улы тантаналы рәвештә игълан итте. Аннан сүз килгән кунакларга бирелде. Авылның имамы Миннемулла хәзрәт, җирлек башлыгы Маликов Р.Ф., "Урал" колхозы профсоюз  идарәсе,район админстрациясе исеменнән балаларны яңа уку елы белән котлады, 1 нче сыйныфларга истәлек бүләкләре тапшырылды.Линейка 11 нче сыйныф укучылары көче белән хәзерләнгән театральләштерелгән әдәби-музыкаль композиция белән дәвам итте.Гарапшин Мәгъсүм, Хаммадиев Ирек, Хасанова Илүзә, Гатауллина Зәлинәләр моңлы җырлары белән сокландырса, уккучылар укытучыларына булган якты хисләрне шигырь юллары белән чәчәк букетына төреп бирде.Менә аяз күкне яңгыратып көмеш кыңгырау чыңлады, балалар сыйныф җитәкчеләре белән белем дәресләренә кереп киттеләр.

Яңгырый, тагы яңгырый кыңгырау классларда,
Бугеннән, Белем көненнән уку елын башларга!

Билгеле булганча 2010 елны барча төрки халыклар бөек шагыйрь Габдулла Тукай елы буларак билгеләп үтә.Мәктәпләрдә, мәдәният йортларында бәйрәм-кичәләр оештырыла, класс сәгатьләре үткәрелә. Шул уңайдан мәктәпнең 5 нче сыйныф укучылары сыйныф җитәкчәләре Мухаметшин Руслан Рашит улы, директорның уку-укыту эшләре буенча урынбасары  Мухаметшина Фирая Шарифулла кызы белән берлектә Тукайның балачагы үткән Кырлай авылына экскурсиягә бардылар. Музеенда булып, Кырлай табигате белән хозурланып  онытылмаслык истәлекләр белән кайттылыр. 

Бүген мәктәбебездә 4 нче сыйныф укучыларын вариска алу тантаналы линейкасы булып үтте. Һәр ел саен 19  май - пионерия көнендә эзтабарларны вариска алу матур традииягә әйләнде.Бу көнне балалар дулкынланып көтеп алалар: варис законнарын өйрәнәләр, тантаналы вәгъдә бирергә әзерләнәләр. Һәр елдагыча көн башында Балыклы, Казаклар куст мәктәпләре 4 нче сыйныф укучылары математикадан контроль эш эшләделәр, бер дәрес тәмамлангач  оешманың барча әгъзалары залда тантаналы линейкага җыелды. Варис законнары һәм тантаналы вәгъдә  бирелгәннән соң, Фәнис Яруллин исемендәге балалар республикасы әгъзалары- 5 нче сыйныф укучылары яшь дуслары муеннарына  галстуклар такты. Аларны мәктәпнең завучы, заманында  үзе дә дружина советы председателе булган,Фирая Шарифулловна котлады. Яшь варислар чын алмаш булырга сүз бирделәр һәм маршка атлап сыйныфларына юнәлделәр. Яңа отряд варислары туган якны өйрәнү музеенда да булды.Очрашу чәй өстәле артында дәвам итте