Чираттагы ата-аналар җыелышы узды. Җыелыш икенче чирек нәтиҗәләре буенча иде. "Гаиләдә экологик тәрбия" темасына Фәһимә Габдулловна чыгыш ясады. 

8 нче сыйныф җитәкчесе Хәсәнова Э.Г., "Терроризмга каршы - бергәләп" дигән темага, ачык дәрестән тыш чара үткәрде. Әлеге чарага мәктәп укытучылары да, ата-аналар да җәлеп ителде. Сыйныф җитәкчесе әлеге чарада терроризмның асылын аңлатты, укучылар әти-әниләр белән берлектә терроризмның аяныч нәтиҗәләрен анализладылар.  

 Икенче чирек нәтиҗәләре буенча педагогик киңәшмә "Дәүләт йомгаклау аттестациясенә эффектив әзерлек максатыннан, укучыларның танып белү эшчәнлеге белән идарә итү” темасына багышланган иде.

11 нче гыйнвар көнне "Кайбыч" боз шугалагында, Кайбыч муниципаль районы белем бирү учреждениеләре арасында, 7-11 сыйныф укучылары өчен шайбалы хоккей ярышы узды. Яңа ел турниры исеме астында узган әлеге ярышта безнең егетләр 3 нче урын яулап кайттылар. Афәрин егетләр, сез булдырасыз!

Авылыбыз фельдшеры Сафина Люзия Һади кызы мәктәп белән даими элемтәдә тора. Укучыларыбызны даими рәвештә тикшерә, профилактик привикаларны вакытында ясый. Бүген дә, каникуллардан соң ук, укучыларыбызга профилактик тикшерү уздырырга килде.  

Кышкы каникуллар дәвам итә. Укучыларыбыз яллары гаиләдә әти- әниләре янәшәсендә үтә, әти- әниләренә өйдәге эшләрдә ярдәм итәләр. Кайбер актив гаиләләребез исә,  балаларны республикабызның төрле күңел ачу урыннарына да алып баралар. 9 нчы сыйныф укучылары "Чишмәкәй" кышкы сәламәтләндерү лагерендә сәламәтлекләрен ныгыталар, имтиханнарга әзерләнәләр - сынаулык имтиханнары тапшырып карыйлар, фән укытучылары белән өстәмә шөгыльләнәләр. Шулай ук мәктәп шугалагы да гөрләп тора. Укучылар да, авыл яшьләре дә шунда ял итә. Хоккей уйныйлар, кызларыбыз бозда шуарга өйрәнәләр. 

Укучыларыбызның көтеп алган бәйрәмнәре һәм кышкы каникуллар җитте. Каникулга китер алдыннан яңа ел бәйрәмнәрен уздырдык. 26 нчы декабрь көнне көннең икенче яртысында урта һәм өлкән звено укучылары өчен узса, 28 нче декабрь көнне башлангыч сыйныф   укучыларының бәйрәмнәре үтте. Укучыларыбызның чыгышларын карарга әти-әниләре, әби-бабайлары һәм апа-абыйлары да килгән иде

Бүген "Салават күпере" спорт сәламәтләндерү комплексында, район башлыгы Рәхмәтуллин Альберт Илгизәр улы катнашында чыршы бәйрәме узды. Районыбызның төп чыршы бәйрәменә быел Республика һәм Россия күләмендәге конкурсларда җиңү яулаган укучылар чакырылды. Безнең мәктәптән әлеге чарада "Салават күпере" вокаль ансамбле кызлары катнаштылар. 

Бүген Казан шәһәренең "Татнефть арена" боз сараенда, Республикабыз Президенты Миңнеханов Рөстәм Нургали улы катнашында, Республиканың төп  чыршы бәйрәме . Әлеге чарада катнашучы Кайбыч районы делегациясе составында безнең мәктәпнең 9 нчы сыйныф укучылары Хөсәенова Илгизә һәм Хәсәнов Баязит та  бар. Шулай ук 5 нче сыйныф укучысы Гирфанова Нәзилә дә әлеге чарада катнашып кайтты. Нәзилә исә "Созвездие.Йолдызлык" хәрәкәте аша катнаша. 

21 декабря на базе МБОУ "Маломеминская ООШ" состоялся очередной семинар классных руководителей с участием Главы Кайбицкого муниципального района Рахматуллина А.А.. Этот семинар был посвящен формированию безопасной образовательной среды и профилактике аддиктивного поведения несовершеннолетних. На этом семинаре учительница начальных классов, классный руководитель 2, 4 классов нашей школы Мухутдинова Алсу Назымовна выступила с докладом на тему "Формирование у подростков социальных установок на здоровый образ жизни", где поделилась основными моментами из опыта работы на примере нашей школы.