МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"
Визитная карточка
Адрес: | 422330, РТ, Кайбицкий район, село Старые Чечкабы, ул. Центральная, д. 57 |
Телефон: | +7(843)-703-08-57 |
E-Mail: | sch1496@rambler.ru; Schkb.kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Старочечкабская ООШ" |
Руководитель: | Калимуллин Айрат Азатович |
Год основания учреждения: | 1990 |
У нас учатся: | 34 учащихся и 9 воспитанников/ 34 укучы һәм 9 тәрбияләнүче бала |
У нас учат: | 11 учителей и 1 воспитатель/ 11 укытучы һәм 1 тәрбияче |
МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе" - новости
Страницы: << 31 32 33 34 35 36 37 ( 38 ) 39 40 >>
-
Дару үләннәре җыйдык
13.06.2019
"Чишмәкәй"" лагерендә бүгенге көн "Күңел экологиясе" дигән лозунг астында узды. Көннең беренче яртысы бөек шагыйрь Габдулла Тукайның иҗатына багышланды. Укучылар шагыйрьнең шигырьләрен яттан сөйләделәр, "Тукайлы балачак" дигән фильм карадылар, Тукайның әкиятләренә һәм шигырьләренә иллюстрацияләр ясадылар. Көннең икенче яртысында исә дару үләннәре җыю өчен табигатькә чыктык. Укучылар җиләк яфраклары һәм башка дару үләннәре җыйдылар.
-
Бүген Россия көне!
12.06.2019
12 июнь – илебез тарихында аеруча үзенчәлекле дата. Бүген - Россия көне! Әлеге көн Ватаныбыз, аның тарихы, бүгенгесе һәм киләчәге белән өзлексез элемтәне гәүдәләндерә. Без илебездәге игелекле үзгәрешләргә чын күңелдән сөенәбез, Россия кебек бөек державаның гражданнары булу белән горурланабыз! Бәйрәм белән Ватандашлар!
-
"Чишмәкәй"дә Россия көне!
12.06.2019
Россия көне уңаеннан "Чишмәкәй" лагеренда төрледән- төрле чаралар узды: асфальтта рәсемнәр ясау конкурсы, рәсем конкурсы, "Дәүләт символларын беәсеңме?" дигән темага викторина. Укучылар белән очрашуга "Кыю йөрәкләр" яшь армиячеләр отряды әгъзалары да килделәр. Алар укучылар белән бергә рәсемнәр ясады, викторинаны уздырганда да алар ярдәмгә килде.
-
Пришкольный лагерь открылся!
10.06.2019
Вот и открылся наш долгожданный пришкольный лагерь "Чишмәкәй". И в первый же день мы приняли у себя гостей. К нам приехала начальник Буиского отделения отдела профилактики г. Казань ГБУ "Безопасность дорожного движения"Анна Вячеславовна Сергудаева. Она првела с детьми беседу на тему "Безопасность на дороге" и вручила детям подарки- светоотражающие подвески.
-
Сабантуйлар котлы булсын!
09.06.2019
Районыбыз Кайбычта халкыбызның милли бәйрәме- Сабантуй бәйрәмнәре гөрләп узды. Без дә әлеге чарадан читтә калмадык. "Салават күпере" вокаль ансамбле кызлары Кайбыч авыл җирлеге белән берлектә, "Татар йорты" күренешен күрсәтүдә катнаштылар. Халкыбызның "Чияле" җырын башкардылар.
-
Укучыларыбыз җәйге практикаларын узалар
05.06.2019
Укучыларыбызның җәйге практикаларын 7 нче сыйныф укучылары ачып җибәрде. Сыйныф җитәкчеләре Хәсәнова Эльмира Галимулловна белән бакчада төрледән- төрле эшләр башкара алар. Бүген помидорларны һәм борычларны җиргә күчереп утырттылар, кәбестәләргә су сибү белән мәшгуль булдылар.
-
Балалар өчен сабантуй
01.06.2019
1 нче июнь -Халыкара балаларны яклау көне уңаеннан, район үзәгендә балалар өчен сабантуй уздырылды. Башка еллардан аермалы буларак, быелгы сабантуй август аенда башкалабыз Казанда узачак Дөньякүләм эшче һөнәрләр чемпионаты World Skills үрнәгендә оештырылды. Безнең мәктәп әлеге бәйрәмдә аш- су остаханәсен тәкъдим итте. Кызларыбыз токмач басып һәм кисеп күрсәттеләр. "Салават күпере" вокаль ансамбле кызлары исә, үзләренең чыгышлары белән бәйрәмне тагын да ямьләндереп җибәрделәр.
-
Табигатькә чыктык
30.05.2019
2018-2019 нчы уку елының соңгы көннәре килеп җитте. Табигатьтә җылы, матур яз хакимлек итә. Әлеге матурлыкны якыннанрак күрү өчен бүген без укучылар белән табигатькә ял итергә чыктык. Елдагыча "Фрол кизләве" янында милли уеннар уйнадык, учакта бәрәңге пешереп ашадык, егетләр балык тоттылар, кызлар дару үләннәре җыйдылар.
-
Юл хәрәкәтенең яшь инспекторлары
29.05.2019
Бүген мәктәбебезнең юл хәрәкәтенең яшь инспекторлары балалар бакчасына йөрүче балалар белән аралаштылар. Бакча балаларына үзләренең чыгышларын бүләк иттеләр. Юл йөрү кагыйдәләренең нигезләрен аңлаттылар.
-
Соңгы кыңгырау-2019
25.05.2019
Бүген илебезнең барлык мәктәпләрендә уку елын тәмамлау билгесе буларак соңгы кыңгырау чыңлады. 2018-2019 нчы уку елында безнең мәктәпне 4 асыл егет тәмамлый. Соңгы кыңгырау бәйрәмендә район башлыгы урынбасары Бәдретдинова Д.Ә., район мәгариф бүлеге методисты Долматова Н.А., Кайбыч авыл җирлеге башлыгы Сафин Р.Б., ветеран укытучылар, лаеклы ялдагы мәктәп һәм балалар бакчасы хезмәткәрләре, ата-аналар катнашты. Алар барысы да укучыларны уку елын уңышлы тәмамлаулары, ә 9 нчы сыйныф укучыларын мәктәпне тәмамлау көне белән котладылар. Чарада ел дәвамында төрледән-төрле конкурсларда мәктәп данын, район данын яклап катнашучы укучыларны бүләкләү тантанасы да булды.