Быел мәктәбебез исемен йөрткән язучы шагыйрь, публицист, педагог Әбрар Сәгыйдигә 120 яшь.Мәктәптә бу юбилейга хәзерлек эшләре шактыйдан барды. Татар теле һәм әдәбияты укытучысы Нәфыйкова Р.М. һәр класста Ә.Сәгыйди иҗаты буенча сөйләм үсерү дәресләре үткәрде, укучылар Сәгыйди әсәрләренә иллюстрацияләр ясадылар.

Бүген бу язучыга багышлап төрле күргәзмәләр оештырылды, укытучы Нәфыйкова Р.М. укучылар көче белән язучының иҗатына һәм тормыш юлына багышланган кичә оештырды.

11 апрельдә “Салават күпере” спорт-сәламәтлндерү комплексында 2001 нче елгылар һәм алардан яшьрәкләр арасында,  Бөек Ватан сугышына 70 ел тулуга багышлап,  район беренчелеге булды.  Бу ярышта безнең мәктәпнең  6 нчы сыйныф укучыларыннан торган кызлар командасы (Әхмәтшина А., Гыйниятуллина К., Сәгъдиева Л., Сафина А., Хәйрулллина Ә., Хәйруллина А.) 3 нче урынны алды.  Афәрин!

36 ел белем учагында сүнми яну, балаларның бетмәс-төкәнмәс сорауларына җавап табу өчен күпме көч, сәламәтлек кирәк. Ләкин укытучы үзе турында түгел, ә укучылары турында кайгырта. Ул бүген дә алар арасында, алар белән бергә шатлана, алар белән бергә борчыла.  Кичә мәктәбебездә 13 мартта 55 яшьлек юбилеен билгеләп үткән татар теле һәм әдәбияты укытучысы Нәфыйкова Рушания Мөхәммәтша кызын хөрмәтләү тантанасы булды. Тантанада Рушания апаны район Мәгариф бүлегеннән миили мәгариф буенча методист Гарифуллина Э.Т.,  элеккеге һәм хәзерге  укучылары, ата-аналар, дуслары, хезмәттәшләре, гаиләсе котлады.

Эш өчен бөтен йөрәген, бөтен барлыгын биргән кешеләргә үз вакытында тиешле кадер-хөрмәт күрсәтү, мактау сүзләре әйтү кирәкле һәм изге гамәл. Бу кичәдә Рушания апа  турында мактау сүзләре күп яңгырады. Ә җырчы Данис Зәйнуллинның килүе бәйрәмне тагын да җанландырып җибәрде 

Бүген “Дәрестән соң мәктәп” республика  семинарында безнең мәктәп көрәшчеләре “Салават күпере” спорт-сәламәтләндерү комплексында физкультура укытучысы Гатауллин Динар җитәкчелегендә мастер-класс күрсәтүдә катнаштылар

7 апрель көнне мәктәптә чираттагы педсовет булып узды. Анда мәктәпнең укыту- тәрбия эшләре буенча директор урынбасары Садриева Р.З. 3 нче чирек нәтиҗәләренә анализ ясады, педагогик хезмәткәрләргә аттестация уздыру тәртибендәге яңалыклар һәм үзгәрешләр, имтиханнар уздыруга багышланган норматив документлар белән таныштырды. Травматизмны булдырмау комиссиясе рәисе Сабирова Г.Х. мәктәптә куркынычсызлык кагыйдәләренең үтәлеше,  травматик хәлләрнең торышы турында сөйләде.

Мәктәп директоры Хәмидуллин И.И. үзенең чыгышында мәктәптә укыту- тәрбия эшләренең торышы, алдагы планнар белән таныштырды.

Яшүсмерләр арасында сугышчы-интернационалист Валерий Волков истәлегенә оештырылган милли көрәш буенча ачык Турнирда составының 60% ы безнең мәктәп укучыларыннан торган авыл җирлеге командасы 3 нче урынны яуладыҗитәкчеләре Гатауллин Д.Р. Шәхси беренчелектә 30 кг га кадәр авырлык категориясендә 3 нче сыйныф укучысы Насретдинов Алмаз 2 нче урын, шул ук авырлыкта 1 нче сыйныф укучысы Ахмадуллин Ильяс 3 нче урын, ә 50 кг га кадәр үлчәү категориясендә 9 нчы сыйныф укучысы Фәйзуллин Нәфкать 2 нче урынны алдылар. 

Бүген 5 нче сыйныф укучылары җитәкчеләре Насретдинова Алия белән үзләре шефлык итә торган ялгыз яшәүче тыл ветераны Салаватова Фәймә янына бардылар. Хәлләрен сораштылар, төрле йомышларын, эшләрен үтәргә һәрвакыт әзер булуларын җиткерделәр. Ни кызганыч , Фәймә апалары эшне сирәк куша шул. Алып килгән күчтәнәчләрен тапшырып укучылар ветеранга үзләренең ихтирамнарын белдерделәр. 

Кайбыч муниципаль районының укучылары һәм тәрбияләнүчеләр арасында “Язның беренче кунаклары” дип аталган сыерчык оялары конкурсы үткәрелде. Бу конкурста 2 нче сыйныф укучысы Мотыйгуллин Инсафның  әтисе Фәнис белән ясаган сыерчык оясы 3 нче урынга лаек булды. Афәрин!

1906 нчы елдан башлап дөнья күләмендә Халыкара кошлар көне үткәрелә. Ә безнең илдә исә 1927 нче елның 1 апреленнән башлап кошлар көне үткәрү традициягә кергән.

Бүген мәктәптә кошлар көнен биология укытучысы Сабирова Г.Х. үткәрде. Бу көнгә хәзерлек эшләре шактый алдан башланды. Укучылар кошлар көне уңаеннан кош оялары, рәсемнәр ясадылар. Кичә барышында традиция буенча укучылар ел кошларын искә төшерделәр, кошларның файдасы һәм аларны саклау турында әңгәмә үткәрелде, кошлар турында шигырьләр сөйләнде.

Кичәнең икенче яртысында 7 һәм 8 нче сыйныф укучылары арасында КВН үткәрелде. КВНда 1 генә очкога өстенлек белән 8 нче сыйныф укучылары җиңеп чыкты. Ике командага да кызыклы уеннары өчен рәхмәт.