Бүген мәктәбебез укучылары һәм укытучылары бик изге һәм саваплы эш эшләделәр. Алар көче белән Бөек Җиңүнең 70 еллыгы хөрмәтенә  мәктәп бакчасына җимеш агачлары һәм роза чәчәкләре утыртылды. Бакча өчен үсентеләрне һәр укучының ата-анасы, укытучылар һәм хезмәткәрләр бүләк итте. Изге ният белән башкарган бу эшебезнең ахыры да хәерле булсын. Еллар тыныч, имин булып, һава шартлары матур торсын. Утырткан агачларыбыз тиз генә тернәкләнеп китеп озак еллар җимешләр белән сөендерсен. Ә гөлчәчәкләребез мәктәбебезне тагын да матурлап, күңелләребезне иркәләсен. Шушы башлангычка кушылган, ярдәм иткән кешеләрнең барсына да Алланың рәхмәте булсын.

“Сәләт ”яшьләр  иҗтимагый фонды, “Сәләт яшьләр үзәге” ТР яшьләр эшләре һәм спорт министрлыгы һәм ТР мәгариф һәм фән министрлыгы белән берлектә үкәргән “Сәләткә нур булган йолдызлар” Республикакүләм ачык әдәби ярышта “Көмеш каләм” берләшмәсе  членнары 7 нче сыйныф укучысы Минвәлиева Илүзә һәм 9 нчы сыйныф укучысы Гарифуллина Чулпан Сайранова Р.Т. җитәкчелегендә катнашып таныклыкка ия булдылар. Минвәлиева Илүзә бүләкләү тантанасына барды һәм сәхнәдән үзе язган “Карт әбием” шигырен сөйләде. 

Бүген мәктәпкә Кайбыч сәнгать мәктәбенә йөрүче укучылар һәм аларның укытучылары килеп концерт  куйдылар.  Концертта катнашучылар  музыкаль инструментларда уйнадылар,  төрле җырлар башкардылар. Катнашучылар арасында үзебезнең мәктәптә укучы Шәрәфиев Айдар, Гарипов Ринат, Саттаров Айназ һәм Хикмәтуллина Кадрияне күрү, аларны тыңлау- безнең өчен горурлык. Иҗади уңышлар сезгә,  яшь артистларыбыз!

 25 нче апрель көнне милли спорт көрәше буенча Николай Фомин истәлегенә укучылар арасында Кайбыч районы Турниры булды. Бу турнирда Динар Гатауллин җитәкчелегендәге командабыз почётлы 3 нче урынга лаек булды. Шәхси беренчелектә 25 кг га кадәр үлчәү категориясендә  2 нче сыйныф укучысы Гарифуллин Риназ 3 нче урын, 30 кг га кадәр үлчәү категориясендә Насретдинов Алмаз 3 нче урын, 50 кг га кадәр үлчәү категориясендә Фәйзуллин Нәфкать 2 нче урын, 60 кг га кадәр үлчәү категориясендә Насретдинов Динар 3 нче урыннарны яуладылар.   Афәрин! 

"Язгы мәрхәмәтлелек атналыгы"акциясенең  7 нче көнендә укучылар сугыш чоры балалары Сайранова Мөнирә һәм Гарифуллин Харис янында булып балачаклары турында сораштылар, үзләре ясаган бүләкләрне тапшырдылар.  

Шушы тема астында 24 нче апрельдә  мәктәптә гомуми ата-аналар җыелышы булды. Җыелышны мәктәп директоры Хәмидуллин И.И. мәктәп тормышындагы яңалыклар белән таныштырып башлап җибәрде.  ЮХИДИ инспекторы Әхмәтов Илфат юл йөрү кагыйдәләрен төгәл үтәүдә ата-аналарның роле , юл кагыйдәләрен бозган очракта җаваплылык төрләре  , ДУУ һәм яктылыкны кире кайтаручы җайланмаларның балаларның иминлеген саклаудагы әһәмияте турында сөйләде. Шушы темаларга караган видеороликларны карау-сөйләүнең тәэсирен тагын да көчәйтте. Балигъ булмаган балалар белән эшләүче инспектор Кәлимуллина Фәния 71 нче законның үтәлеше, район буенча балалар арасындагы закон бозу очраклары белән таныштырды. Тәрбия эшләре буенча директор урынбасары Сабирова Г.Х. ышаныч телефонының әһәмияте турында чыгыш ясады.

“Язгы мәрхәмәтлелек атналыгы”ның алтынчы көнендә укучылар тирә-юньне, чишмәләрне җыештырдылар. 

Туган тел айлыгы кысаларында уздырылган Г.Тукайның 119 нчы еллыгы уңаеннан туган тел бәйрәмен бүген татар теле укытучысы Нәфыйкова Р.М. оештырды. Укучылар Тукай шигырьләреннән торган әдәби-музыкаль кичәне яратып карадылыр. Кичәдә җырларны “Җыр сәнгате” түгәрәгенә йөрүчеләр башкарды. Районда узучы шигырь бәйрәменә 5 нче сыйныф укучысы Гыйрфанова Ләйләне  “Көмеш каләм” түгәрәге җитәкчесе Сайранова Р.Т. һәм 3 нче сыйныф укучысы Насретдинов Алмазны “Җыр сәнгате” түгәрәге  җитәкчесе Кадырова А.С. хәзерләде.