Бүген Бөек Җиңүнең 70еллыгына багышланган "Язгы мәрхәмәтлелек атналыг" Республика акциясе башланды.Акциянең максаты: укучыларны һәм укытучыларны актив социаль - гуманитар эшчәнлеккә тарту. Бүген бу атналыкның беренче көне. Ул "Мәрхәмәтле эшләр көне" дип атала. Укучылар ветераннар яшәгән өйгә барып территориядә төрле эшләрдә булышырга тиешләр иде. Һава шартлары тышта эшләргә комачауласа да, укучылар үзләренә беркетелгән ялгыз яшәүче ветераннар янына барып хәлләрен белеп килделәр.

Бүген мәктәбебездә Кайбыч туган көненә багышланган чаралар узды. Китаплардан күргәзмә оештырылды, Кайбычның авыллары турында ТНВ каналы төшергән “Без тарихта эзлебез”тапшыруы күрсәтелде. Көн ахырында исә Кайбыч районы оешуына 24 ел тулуга карата кичә узды. Кичәдә укучылар якташларыбызның район турында язылган шигырьләрен сөйләделәр. Татар теле укытучысы Нәфыйкова Р.М. Кайбыч районын оештыру буенча инициатив төркемдә ничек эшләве турында истәлекләре белән уртаклашты. Укытучы  Сабирова Г.Х.  Кайбыч районы халкының Бөек Ватан сугышы чорындагы тылдагы эшчәнлеге, безнең районнан чыккан Советлар Союзы Геройлары һәм Дан орденының тулы кавалерлары турында презентация күрсәтеп укучылар белән әңгәмә үткәрде. Кичә Кайбыч районы гимнына әйләнгән “Язмышым син -Кайбычым” җыры белән тәмамланды.

 10 апрельдән 30 нчы апрельгә кадәр 4 нче сыйныф укучыларының белем нәтиҗәлелеген тикшерү буенча мониторинг уздырыла. 15 нче апрельдә алар грамотлы уку буенча метапредмет тест сорауларына җавап бирделәр.

Бүген укучылар предметара эшчәнлек формалаштыру буенча проект эшләделәр. Проект эше 2 төркемдә “Балалар мәйданчыгы” һәм “Без Җир шары турында нәрсә беләбез” дигән темалар буенча оештырылды. Әлеге эшчәнлек барышында укучылар коллективта эшли белүләрен, төрле чыганаклардан үзләрен кызыксындырган сорауларга җавап таба алуларын күрсәттеләр. 

ГТО нормаларының язгы сессиясен тапшыруга хәзерлек эше көн дә дәвам итә.

Сегодня ученица 3 класса Хайрутдинова Ляйля под руководством учительницы начальных классов Хамидуллиной М.С. стала лауреатом региональной научно-исследовательской и практико-ориентированной конференции учащихся «ПОИСК» в номинации «Познание и творчество», которая проходила в Кайбикой сош.  Поздравляем её с успешным выступлением и желаем дальнейших успехов.

Быел мәктәбебез исемен йөрткән язучы шагыйрь, публицист, педагог Әбрар Сәгыйдигә 120 яшь.Мәктәптә бу юбилейга хәзерлек эшләре шактыйдан барды. Татар теле һәм әдәбияты укытучысы Нәфыйкова Р.М. һәр класста Ә.Сәгыйди иҗаты буенча сөйләм үсерү дәресләре үткәрде, укучылар Сәгыйди әсәрләренә иллюстрацияләр ясадылар.

Бүген бу язучыга багышлап төрле күргәзмәләр оештырылды, укытучы Нәфыйкова Р.М. укучылар көче белән язучының иҗатына һәм тормыш юлына багышланган кичә оештырды.

11 апрельдә “Салават күпере” спорт-сәламәтлндерү комплексында 2001 нче елгылар һәм алардан яшьрәкләр арасында,  Бөек Ватан сугышына 70 ел тулуга багышлап,  район беренчелеге булды.  Бу ярышта безнең мәктәпнең  6 нчы сыйныф укучыларыннан торган кызлар командасы (Әхмәтшина А., Гыйниятуллина К., Сәгъдиева Л., Сафина А., Хәйрулллина Ә., Хәйруллина А.) 3 нче урынны алды.  Афәрин!

36 ел белем учагында сүнми яну, балаларның бетмәс-төкәнмәс сорауларына җавап табу өчен күпме көч, сәламәтлек кирәк. Ләкин укытучы үзе турында түгел, ә укучылары турында кайгырта. Ул бүген дә алар арасында, алар белән бергә шатлана, алар белән бергә борчыла.  Кичә мәктәбебездә 13 мартта 55 яшьлек юбилеен билгеләп үткән татар теле һәм әдәбияты укытучысы Нәфыйкова Рушания Мөхәммәтша кызын хөрмәтләү тантанасы булды. Тантанада Рушания апаны район Мәгариф бүлегеннән миили мәгариф буенча методист Гарифуллина Э.Т.,  элеккеге һәм хәзерге  укучылары, ата-аналар, дуслары, хезмәттәшләре, гаиләсе котлады.

Эш өчен бөтен йөрәген, бөтен барлыгын биргән кешеләргә үз вакытында тиешле кадер-хөрмәт күрсәтү, мактау сүзләре әйтү кирәкле һәм изге гамәл. Бу кичәдә Рушания апа  турында мактау сүзләре күп яңгырады. Ә җырчы Данис Зәйнуллинның килүе бәйрәмне тагын да җанландырып җибәрде 

Бүген “Дәрестән соң мәктәп” республика  семинарында безнең мәктәп көрәшчеләре “Салават күпере” спорт-сәламәтләндерү комплексында физкультура укытучысы Гатауллин Динар җитәкчелегендә мастер-класс күрсәтүдә катнаштылар

7 апрель көнне мәктәптә чираттагы педсовет булып узды. Анда мәктәпнең укыту- тәрбия эшләре буенча директор урынбасары Садриева Р.З. 3 нче чирек нәтиҗәләренә анализ ясады, педагогик хезмәткәрләргә аттестация уздыру тәртибендәге яңалыклар һәм үзгәрешләр, имтиханнар уздыруга багышланган норматив документлар белән таныштырды. Травматизмны булдырмау комиссиясе рәисе Сабирова Г.Х. мәктәптә куркынычсызлык кагыйдәләренең үтәлеше,  травматик хәлләрнең торышы турында сөйләде.

Мәктәп директоры Хәмидуллин И.И. үзенең чыгышында мәктәптә укыту- тәрбия эшләренең торышы, алдагы планнар белән таныштырды.