Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 141 142 143 144 145 146 147 148 ( 149 ) 150 >>
-
Күңелле очрашу
13.12.2015
Безнең мәктәптә төрле танылган кешеләр белән очрашулар булып тора. 11 декабрь көнне Казаннан сатирик язучы Хәмзин Алмаз Наил улы һәм композитор, язучы "Сабантуй" журналының бүлек мөдире Алмаз абый Гыймадиев мәктәпкә очрашуга килделәр. Күрешү бик кызыклы һәм истәлекле булды. Бу бәйрәмне хәтерләтә иде. Чөнки алар безгә истәлекле бүләкләр алып килделәр, балалар өчен “Сабантуй” журналын, ә өлкәнрәк сыйныф укучылырына “Яңа Базар” китабын бүләк ителәр. Миңа да ул бүләкне алу бәхете тиде. Уен – көлке, табышмакларга кызыклы җаваплар табу, җыр – моң белән мәктәбебез гөрләп торды. Безнең мәктәптә мондый очрашулар еш булсалар да, минем өчен мондый күркәм очрашу булганы юк иде әле. Алмаз абый Хамзиннан “ Сез ничек итеп шигырь язасыз?” - диеп сорадым, һәм ул миңа үзенең үтемле, шул ук вакытта тирән мәгънәгә ия булган кинәшләрен бирде. Кайдан килә икән бу кешегә шуның кадәр талант?! Үзе яза, үзе җырлый, үзе пародияләр сөйли, үзе көйләр чыгара. Менә бу шәхескә Аллаһ биргән талантны! Кем генә хыялланмый икән бу турыда?! Әнием мәдәният йорты мөдире булып эшләгәндә, Камил Кәримов белән Алмаз Хамзин килгәндә, миңа әле 6 гына яшь иде. Ул күрешүемдә үк минем нәни күңелем бу кешене ничектер якын иткән иде инде. Әллә шул күрешү мине шигырьләр язарга кызыктырдымы икән диеп уйлап куйдым. Белмим, кемгә ничектер, тик үзем бу күрешүдән бик канәгать калдым. Мндый тирән мәгънәгә ия булган очрашуны оештырган укытучыларым, Сезгә барлык укучылар исеменнән олы рәхмәтемне белдерәм. Сез бала күңелен ничек канатландырырга икәнлеген аңлыйсыз шул. Өйгә кош кебек очып кайттым. Шундый матур очрашулар соңгысы булмас, иншә Аллаһ. Тагын шундый күңелле очрашулар көтеп калабыз.
Мәрьям Минвәлиева, “Көмеш каләм” түгәрәге әгъзасы
-
12 декабрь-Конституция көне
12.12.2015
1993 нче елның 12 нче декабрендә Россия Конституциясе кабул ителгән. Бүген бу тарихи көн уңаенннан сыйныфларда Конституциянең җәмгыятьтәге әһәмияте, аның төп бүлекләре турында әңгәмәләр үтте.
-
Башлангыч сыйныфлар атналыгы
12.12.2015
7 нче декабрьдән 12 нче декабрьгә кадәр башлангыч сыйныфлар атналыгы узды. Атналык барышында барлык укучылар да актив катнашты. Атналыкны башлангыч сыйныф укытучылары оештырды. Милли уеннар, күңелле стартлар, рәсем конкурсы, мөмкинлекләре чикләнгән инвалид балалар белән очрашу, спектакль һәм концерт номерларыннан торган атналык сизелмичә дә үтеп китте.
-
“Коррупциягә юк –дибез!”
10.12.2015
Бүген район башлыгының коррупциягә каршы ярдәмчесе Петухова Фәния Фәрит кызы район күләмендә уздырылган “Коррупциягә юк-дибез!” конкурсында җиңгән укучыларга грамоталар һәм кызыксындыру бүләкләре тапшырды. Бүләкләр 4 нче сыйныф укучысы Насретдинов Алмаз, 5 нче сыйныф укучысы Саттаров Айназ, 7 нче сыйныф укучысы Сафина Алсуга тапшырды. Афәрин!
-
“Мәрхәмәтлелек визиты”
09.12.2015
Кичә 4 нче сыйныф укучылары укытучылары Хәмидуллина М.С. белән бергә мөмкинлеге чикләнгән бала Насретдинова Лилия янына “Мәрхәмәтлелек визиты” ясадылар. Алар бергәләп төрле уеннар уйнадылар, тәмле ризыклар белән сыйландылар. Ә бүген исә Лилия үзе мәктәпкә кунакка килде. Ул балалар белән аралашты, рәсем дәресендә катнашты. Лилияне мәктәптә күрү -безнең өчен зур куаныч . Аны тагын мәктәптә көтеп калабыз.
-
3 нче декабрь – Халыкара инвалидлар көне
04.12.2015
Инвалидлар декадасы кысаларында бүген мәктәптә тәрбия сәгатьләре үтте. Укучылар бу көннең тарихы белән таныштылар, дөньяны шаккаттырган инвалидлар турында документаль фильмнар һәм тапшырулар карадылар. Дәресләрдә толерантлык һәм мәрхәмәтлелекнең тормышта әһәмиятенә аеруча басым ясалды.
-
Бию түгәрәгендә
04.12.2015
Мәктәбебездә уку елы башыннан район сәнгать мәктәбе аша бию түгәрәге эшли. Түгәрәкне үзебезнең чыгарылыш укучысы Миршинова Диләрә алып бара. Укучылар ике төркемгә бүленеп шөгылләнә. 3 нче декабрь көнне Диләрә Дамировна әти –әниләргә һәм сәнгать мәктәбе укытучыларына үзенең беренче иҗат җимешләрен тәкъдим итте. Кечкенәләр һәм зурлар төркеменә йөрүче укучылар килгән кунакларга “Әпипә”,”Казачок”,ирланд ,вальс, яшьләр ,татар халык биюен күрсәтте.Укучыларның башлангычлары бик матур, киләчәктә дә аларга яңа уңышлар теләп калабыз.
-
28.11.2015
Бөек лексикограф Владимир Дальнең туган көненә багышлап мәктәптә словарь дәресләре уздырылды. Мәктәптә сүзлек белән эшли белү һәркем өчен кирәк: укытучыга да,укучыга да. Бары тик сүзлекләр генә сүзнең мәгънәсен тирәнтен белергә һәм сүзне дөрес кулланырга өйрәтә. 200 мең сүздән торган “Аңлатмалы сүзлек” Владимир Даль эшчәнлегендә тирән мәгънәгә ия. Укучылар бөек сүз остасының тормыш юлы һәм иҗаты белән таныштылар. Мәктәп залында оештырылган “Вселенная,расположенная в алфавитном порядке» дигән күргәзмәдә күп төрле сүзлекләр белән таныштылар. Чыгарылыш сыйныф укучылары сүзлекләр белән эшләүнең кирәклеген бик төшенәләр, чөнки имтиханнар вакытында алар сүзлек кулланып эшли белергә тиешләр.
-
Гаилә һәм мәктәпнең җиңүе
26.11.2015
25 нче ноябрьдә Казанда узган “Күркәм гаилә” республика күләмендә уздырылган бәйгедә Гран-прига мәктәбебез директоры Ильмас Хәмидуллин һәм аның гаиләсе лаек булды. Ильмас Илдарович гаиләсе — мөгаллимнәр гаиләсе, Алсу ханым Олы Кайбыч урта мәктәбендә татар теле һәм әдәбияты укытучысы булып эшли. Ислам кануннары буенча яшәүче бу күркәм гаилә алмадай 3 кыз тәрбияләп үстерә. Дәвамы бар...
-
Инглиз теле укытучылары киңәшмәсе.
24.11.2015
23 нче ноябрьдә мәктәбебездә район мәктәпләрендә белем бирүче инглиз теле укытучылары очрашты. Әлеге очрашу вакытында алар 2 нче сыйныфта “Систематизация знаний по теме “Дом” дигән темага ачык дәрес һәм 5 нче сыйныфта “Золушка”әкиятенең инглиз телендә куелышын карадылар. Әлеге чараларны укытучыбыз Шәфигуллина Лилия Рәшит кызы әзерләде. Район укытучылары Лилия Рәшитовнаның мәктәптә алып барган эшчәнлегеннән канәгать калдылар. Семинарда катнашучылар ноябрь ахырында 4,6,8 нче сыйныфларда булачак диагностик тестлаштыру турында сөйләштеләр.