Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 141 142 143 144 ( 145 ) 146 147 148 149 150 >>
-
Йолдызлы сәгать
25.02.2016
Туган тел атналыгы бүген мәктәбебездә “Йолдызлы сәгать” уены белән дәвам итте. Уенда 6 укучы катнашты. Уен туган тел турында мәкальләргә, әдәби әсәрләрнең жанрларына,табышмакларга, Муса Җәлил иҗатына багышланган иде. Финалга 7 нче сыйныф укучысы Шәрәфиев Айрат һәм 9 нчы сыйныф укучысы Әхмәтшин Илнур чыктылар. Җиңүче булып Әхмәтшин Илнур калды. Афәрин! Уенны татар теле укытучысы Нәфыйкова Рушания үткәрде.
-
Муса Җәлилгә 110 ел
24.02.2016
Гражданлык-патриотик айлык һәм Туган тел атналыгы кысаларында 22 февраль көнне мәктәбебездә укучылар, татар теле һәм музыка укытучылары тарафыннан әзерләнгән патриот- шагыйрь Муса Җәлилнең тууына 110 ел тулуга багышланган “Гомрем минем моңлы бер җыр иде, үлемем дә яңгырар җыр булып” дигән әдәби-музыкаль кичә булды. Кичәдә Муса Җәлил шигырьләре, аның сүзләренә язылган җырлар яңгырады, Муса Җәлилнең тормышына багышланган презентация күрсәтелде.
-
Ватанны саклаучылар көне
24.02.2016
Мәктәптә 22 февраль көнне Ватанны саклучылар көне билгеләп үтелде. “Ягез әле, егетләр!” программасы буенча ир балалар үзләрен төрле спорт төрләре буенча сынап карадылар. Конкурста иң җитез егетләр булып 9 нчы сыйныфтан Әхмәтшин Илнур, 7 нче сыйныфтан Садриев Салават һәм Шәрәфиев Айратлар танылды. Сыйныфлар арасында җыр һәм строй конкурсы булды. Бу конкурста 1 нче урынны 9 сыйныф, 2 нче урынны 7 нче сыйныф, 3 нче урынны 2 нче сыйныф укучылары яулады. Молодцы! Җиңүчеләргә грамоталар бирелде.
-
"Башваткыч" уены күңелле узды
24.02.2016
Туган тел атналыгы дәвам итә. Бүген мәктәптә укучыларда туган телебез татар теленә мәхәббәт тәрбияләү максатыннан “Башватыч” уены үкәрелде. Уенда 7 нче сыйныфтан Шәрәфиев Айрат, 8 нче сыйныфтан Минвәлиева Мәрьям, 9 нчы сыйныфтан Сәмигуллин Марат катнаштылар. Уен барышында тел турында төрле биремнәр үтәделәр. Уенда 7 нче сыйныф укучысы Шәрәфиев Айрат җиңде. Уенны татар теле укытучысы Хәйруллина Р.М. үткәрде.
-
"Батырлык дәресләре"
19.02.2016
18 нче февральдә мәктәбебездә "Батырлык дәресләре" темасына тәрбия сәгатьләре булып узды.
-
Музыка һәм рәсем сәнгате укытучылары семинары
18.02.2016
Мәктәбебездә 17 февраль көнне районның музыка һәм рәсем сәнгате укытучылары семинары уздырылды.Семинар кысаларында музыка укытучысы Кадырова Айгөл Сәлимулла кызы 6 нчы сыйныфта “Инструменталь концерт» дигән темага ачык дәрес күрсәтте, инглиз теле һәм рәсем сәнгате укытучысы Шафигуллина Лилия Рәшит кызы җитәкчелегендә 4-5 нче сыйныф укучылары“Cinderella» әкиятен музыкаль сәхнәләштерделәр. Соңыннан семинарда катнашучылар үзләренең эшчәнлеген түгәрәк өстәл артында дәвам иттеләр,методик чыгышлар тыңланды,мастер-класслар күрсәттеләр. Семинар эшлекле шартларда узды.
-
Күңелемнең нечкә хисәре
15.02.2016
Әфарин! Мәктәп тарихында беренче тапкыр шигъри җанлы укучыбыз Минвәлиева Мәрьямның “Күңелемнең нечкә хисләре” китапчыгы дөнья күрде. Җыентыкка кергән һәр шигырьнең үз иясе бар һәм һәркайсы изге хисләр белән сугарылган, кемгәдер юлланган. Аеруча күп урын безнең мәктәп укытучыларына багышланган.
Мәрьям ислам дөньясы белән кызыксына, иҗатында да бу кызыл җеп булып сузыла.
Районыбызда үткәрелгән дини чараларда да ул актив катнаша. Күптән түгел республика күләмендә үткән яшь вәгазьчеләр бәйгесендә катнашып, Кайбыч районының актив, тырыш мөслимәләренең берсе булып танылды.
Ә 13 нче февраль көнне авыл китапханәчесе Сафиуллина Гөлия бу китапчыкны мәктәп укучыларына тәкъдим итте. Кичәдә укучылар Мәрьямның шигырьләрен сөйләделәр, укытучылар Мәрьямга үзләренең җылы теләкләрен җиткерделәр.
-
15.02.2016
15 нче февраль - сугышчы- интернационалистларны искә алу көне. Бу дата безнең мәктәп өчен аеруча үзенчәлекле, чөнки дружинбыз 1981 нче елдан Әфганстанда һәлак булган авылдашыбыз Мансур Миңнуллин исемен йөртә.
Бу истәлекле дата уңаеннан мәктәптә педагог-оештыручы Кадыйрова А.С. кичә уздырды. Кичәдә Әфганстан сугышының тарихы турында видео, бу сугышта катнашкан якташларыбыз, авылдашларыбыз турында презентация күрсәтелде. Укучылар бу вакыйгага багышланган шигырьләр сөйләделәр, җырлар башкардылар.
-
Котлыйбыз!
15.02.2016
Бүген иртәнге линейкада мәктәп беренчелегенә үткәрелгән бадминтон ярышына йомгак ясалды. 1-4 нче класслар арасында 1 нче урында 2 класс, 2 нче урында 4 нче класс һәм 3 нче урында 3 нче класс булды. 5-6 нчы класслар арасында 1 нче урында 8 нче класс, 2 нче урында 5 нче класс, 3 нче урында 9 нчы класс. 1 нче урынны алган командаларга физкультура укытучысы Гатауллин Д.Р. күчмә кубок, җиңүчеләргә грамоталар тапшырды.
Шулай ук “Собери урожай в 3Д” республика конкурсында 3 нче урын алган 7 нче сыйныф укучылары Әхмәтшина Алия, Гиниятуллина Камилә һәм Сәгъдиева Ләйсән (җитәкчеләре Кадырова А.С.) дипломнар белән бүләкләнделәр. Молодцы!
-
“Россия чаңгы юллары-2016”
13.02.2016
“Россия чаңгы юллары-2016”
Елдагыча бу массакүләм спорт ярышына бөтен укучылар, укытучылар һәм хезмәткәрләр катнашты. Көннең матур булуы ярышларны тагын да ямьләндерде. Укучылар берничә этапта чапты. Ярыш булгач җиңүчеләр дә, җиңелүчеләр дә булды. Ләкин моннан бер катнашучы да күңелсезләнмәде. Барыбыз да шат һәм күңелле итеп спорт бәйрәмен уздырып җибәрдек. Ә поварларыбыз безне тәмле чәй белән сыйлады. Барлык җиңүчеләргә грамоталар, 1 нче урынны алучыларга медальләр һәм бүләкләр тапшырылды.Урыннар түбәндәгечә бүленде:
Җиңүчеләрнең исем фамилиясе
Сыйныф
Урын
1-3 сыйныфлар
Мотыйгуллин Инсаф
3
1
Насретдинова Алия
2
2
Фәизов Фәнис
3
3
4-6 сыйныфлар(кызлар)
Хикмәтуллина Кадрия
5
1
Шәмсетдинова Камилә
5
2
Миңнуллина Исламия
4
3
4-6 сыйныфлар (малайлар)
Сабиров Сәйдәш
5
1
Миңнуллин Ислам
5
2
Саттаров Айназ
6
3
7-9 сыйныфлар (кызлар)
Хәйруллина Айзилә
7
1
Салахова Илфия
7
2
Сәгъдиева Ләйсән
7
3
7-9 сыйныфлар (егетләр)
Әхмәтшин Илнур
9
1
Садриев Салават
7
2
Шәрәфиев Айрат
7
3