Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 141 142 143 144 145 ( 146 ) 147 148 149 150 >>
-
11.02.2016
Бүген Кайбыч муниципаль районы советының 5 нче утырышы булды. Утырыш алдыннан кунаклар мәктәпләр куйган күргәзмә белән таныштылар. Безнең мәктәп бу күргәзмәдә “Мәктәп яктылыкка, нурга илтә” исеме астында мәктәп традицияләре турында стенд, мәктәптә эшләүче“Кул эшләре” (җитәкчесе Хәмидуллина М.С.), “Балчык белән эш” (җитәкчесе Насретдинов А.Л.) түгәрәкләрендә һәм технология дәресләрендә (укытучы Кадыйрова А.С.) эшләнгән төрле сувенирлар, чиккән, бәйләнгән әйберләр, һ.б. эшләнмәләр тәкъдим итте.
-
Котлыйбыз!
11.02.2016
Бүген Кайбыч муниципаль районы советының 5 нче утырышында бүләкләнүчеләр арасында мәктәбебезнең директоры Хәмидуллин Илмас Илдарович та бар иде. Ул Татарстан Республикасы Дәүләт Советы рәисенең Рәхмәт хатына лаек булды. Афәрин! Бу бүләк белән чын күңелдән җитәкчебезне котлыйбыз. Алга таба да саулык-сәламәлек, зур уңышлр телибез. Бу бүләк безнең мәктәп коллективы өчен соңгысы булмасын!
-
Парламент дәресләре
10.02.2016
8,9 февральдә мәктәптә “Гражданин. Җәмгыять. Дәүләт.” темасы буенча парламент дәресләре узды.
-
Иннополис турында
10.02.2016
Авыл китапханәчесе Сафиуллина Гөлия бүген мәктәптә 7 сыйныф укучылары өчен Иннополис шәһәрчегенә читтән торып сәяхәт үткәрде. Ул бу шәһәрчек төзелүнең тарихы, максаты, андагы төзелешләр, инфраструктура, университет турында укучыларга бик кызыклы итеп җиткерде.
-
Традицион очрашу
08.02.2016
6 нчы февраль көнне безнең мәктәптә традицион чара-студентлар белән очрашу кичәсе булды. Студентлар үзләренең мәктәпне бетергәч, нинди уку йортларында укулары, ничек уклары, укый башлагандагы тәэсирләре белән уртаклаштылар. Очрашуга мәктәпне 10 ел элек тәмамлаган укучылар да килде. Бу укучыларыбыз да студентлар һәм укучыларга үзләренең хатирәләрен сөйләделәр, тормыш тәҗрибәләре белән теләп уртаклаштылар. Очрашуда мәктәп һәм студент тормышыннан бик күп кызыклы вакыйгалар искә төшерелде, уеннар уйналды, теләкләр, рәхмәтләр әйтелде. Кунаклар хөрмәтенә укучыларыбыз җырладылар, биеделәр, шигырьләр сөйләделәр.
Бу очрашуга килгән һәрбер студенка, мәктәпне шактый еллар элек тәмамлаган укучыларыбызга рәхмәт әйтәбез һәм киләсе очрашуларга көтеп калабаз.
-
"IT чемпион" дәвам итә
08.02.2016
Бүген иртәнге линейкада мәктәп директоры Хәмидуллин И.И. “IT чемпион” бәйгесендә катнашып, бүләк откан укучыларга призлар тапшырды һәм киләсе бәйгедә барлык укучыларны актив катнашырга чакырды.
-
Мәктәпкә дип килик без тагын...
02.02.2016
Игътибар! Игътибар!
Кайтыйк әле, онытмыйк без дуслар.
Канат ярган туган ояны.
Кыңгыраулар чыңы дәшсен кабат,
Мәктәпкә дип килик без тагын...
2016 нчы елның 6 февралендә сәгать 17. 00 дә Кошман мәктәбендә студентлар һәм мәктәбебезне элеккеге чыгарылыш укучылары белән очрашу кичәсе була. Рәхим итегез!
Сезне көтеп Кошман мәктәбе укытучылары һәм укучылары
-
Котлыйбыз!
01.02.2016
“Бозда сак бул” исеме астында узган рәсем конкурсының муниципаль этабында 4 нче сыйныф укучысы Насретдинов Алмаз 1 нче урынны алды (җитәкчесе Хәмидуллина М.С.) һәм район мәгариф бүлегенең грамотасы белән бүләкләнде. Калган катнашучыларга сертификатлар бирелде.
9 нчы сыйныф укучысы Әхмәтшин Илнур татар теле һәм әдәбияты буенча 4 нче халыкара олимпиадада катнашып сертификат алды (җитәкчесе Нәфыйкова Р.М.). Афәрин, балалар!
-
Географик КВНда
30.01.2016
Кичә Фёдоровское урта мәктәбенә район мәктәпләре командалары географик КВН га җыелды. Анда безнең мәктәпнең дә география укытучысы Насретдинов Илсур җитәкчелегендә “Бриз” командасы катнашты. Алар бу КВН да актив катнашып грамотага лаек булдылар, ә "Үзең эшлә" номинациясендә 1 нче урынны алдылар. Молодцы!
-
"Җиде буын бабаңны беләсеңме?"
29.01.2016
Соңгы елларда милләттәшләребезнең шәҗәрәләрне өйрәнә башлавы күркәм күренешкә әйләнде. Шул максаттан чыгып, Кошман авыл китапханәсе һәм Кошман төп гомуми белем бирү мәктәбе бергәләп авылыбызның нәсел тарихын, тамырларын барлау өчен “Җиде бабаңны беләсеңме?” дигән бәйге игълан иткән иде. Кичә “Нәсел җебе-шәҗәрә” дип аталган бәйрәмдә бу бәйгегә нәтиҗә ясалды. Җиңүчеләр грамоталар һәм китаплар белән бүләкләнде.
Нәтиҗәләр түбәндәге номинацияләр буенча ясалды
“Иң озын буынлы нәсел агачы”: Хикмәтуллина Кадрия – 5 сыйныф ( 7 буын), Гыйрфановалар Ләйлә, Әдилә- 6 сыйныф (7 буын)
“Иҗади төзелгән шәҗәрә”
1 урын-Хәйретдинова Ләйлә, 4 сыйныф, 2 урын-Садриев Гадел, 2 сыйныф, 3 урын-Фәизовлар Фәнис (3 сыйныф) Фәнил (2 сыйныф)
“Иң оригиналь шәҗәрә”Гыйләҗева Язилә- 2 сыйныф,
Кызксындыру бүләкләренә Саттаров Илсаф-2 сыйныф, Салаватуллина Айзилә (7 сыйныф), Әхмәтшиннар Илнур (9 сыйныф) Алия (7 сыйныф), Шәрәфиевлар Айрат (7 сыйныф), Айсылу (2 сыйныф) лаек булдылар.
Бәйрәм барышында, тарих битләрен ачып, Кошман авылының нинди нәселдән оешуы турында мәгълүмат бирелде, шәҗәрә төзү тәртибе аңлатылды, балалар үзләренең шәҗәрәләре, әби-бабайлары белән таныштырып чыгыш ясадылар.
Бәйгедә олы кешеләр дә катнашты, ә җиңүче булып Кошман мәктәбенең башлангыч сыйныфлар укытучысы Хәмидуллина Мәдинә табылды. Ул үзенең 8 буын бабасын кертеп шәҗәрә ясаган.
Нәсел агачыңны белү, тамырларыңны эзләү-һәммәбезнең изге бурычы.