Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 131 132 133 134 135 136 137 138 139 ( 140 ) >>
-
11.06.2016
Бүген лагерьда ял итүчеләр 2 командага бүленеп "Кем дөресрәк?" дигән уен уйнадылар. Уен барышында мәктәп эчендәге һәм тыштагы бик күп объектлар саналды. Нәтиҗәдә "Король и шут" командасы җиңде.
-
Спорт-сәламәтлек нигезе
11.06.2016
Бүген "Кояшкай" лагерында көн "Спорт - сәламәтлек нигезе" исеме астында үтте. Иртәнге аштан соң балалар командаларга бүленеп, футбол ярышында катнаштылар, вожатый абый-апалар лапта, волейбол һәм башка төрле хәрәкәтле уеннар оештырдылар. Төштән соң балалар группаларда эшләделәр һәм "Сәламәтлек рекламасы" исемле проект эшләрен башкардылар. Көн бик файдалы һәм кызыклы үтте.
-
09.06.2016
Бүген лагерьда ял итүчеләр төшке ашка кадәр табигатьтә төрле хәрәкәтле уеннар уйнадылар. Ә аннары "Кызыклы математика" темасына уен-ярыш булды.
-
07.06.2016
Бүген лагерьда “Театр яктылыкка, нурга илтә” исеме астында бәйге уздырылды. Төштән соң 2 команда арасында эстафета булды. Укучылар урамда яңгыр булса да, күңелләрен төшермиләр, ял итәләр, күңел ачалар.
-
"Сабан туе-2016"
06.06.2016
Шаулап-гөрләп быелгы Сабан туе да узып китте. Елдагыча мәктәп коллективы бу бәйрәмне оештыруда бердәм булып эшләде. Укучыларыбыз да бик актив булды. Алар барлык уеннарда да теләп катнаштылар, шулай ук Диләрә Мершинова җитәкчелегендә бию коллективы, “Йолдызлык” фестивалендә катнашучылар үзләренең номерларын тәкъдим иттеләр. Сабан туенда быел беренче мәртәбә укучылар арасында җиңүчегә тәкә бирелде. Бу бәхет мәктәбебезнең 8 нче сыйныф укучысы Мотыйгуллин Булатка насыйп булды. Без аны чын күңелебездән котлыйбыз, алга таба да зур җиңүләр телибез. Укытучылар коллективына, барлык хезмәткәрләргә Сабан туен оештыруда күрсәткән активлыклары өчен авыл халкы һәм кайткан кунаклар исеменнән бик зур рәхмәт белдерәбез.
-
"Кояшкай" ял лагере ачылды
06.06.2016
Бүген "Кояшкай" мәктәп яны ял һәм сәламәтләндерү лагеры үз эшен башлап җибәрде. Иртәнге линейкадан соң, балалар сәламәтлек минутын үткәрде, иртәнге аштан соң отрядларда оештыру эшләре үткәрелде. "Король и Шут" һәм "Йолдызлар" исемле отрядлар үзләре белән таныштырды, девиз, җыр-биюләрен тәкдим итте. Шулай ук бүген лагерьга йөрүче балалар авыл фельшеры белән очраштылар. Көн дәвамында төрле хәрәкәтле уеннар оештырылды.
-
Кошман Сабан туена рәхим итегез!
02.06.2016
5 нче июнь көнне Кошман авылында Сабан туе узачак. Программада: милли уеннар, артистлар һәм үзешчәннәр көрәше, ат чабышы, татарча көрәш. Барлык конкурсларда, ярышларда, бәйгеләрдә җиңүчеләрне бүләкләр, сюрпризлар көтә. Бәйрәмгә рәхим итегез! Башлана 10.00 дә.
-
Активистлар слётында
02.06.2016
1 июнь көнне район үзәгендә активистлар слёты һәм балалар өчен Сабантуй булды. Бу чарада безнең мәктәптән 30 укучы катнашты. Слётта актив укучыларны бүләкләделәр. Бүләкләнүчеләр арасында безнең мәктәп укучылары булу бик күңелле булды. 7 нче сыйныф укучысы Сәгъдиева Ләйсән берьюлы 3 бүләккә лаек булды. Ул яшь журналистларның республика коммуникацион олимпиадасында 1 нче урынны алган өчен диплом (җитәкчесе Сайранова Р.Т.), “Собери урожай 3Д” республика конкурсында 3 нче урынны алган өчен грамота (җитәкчесе Кадырова А.С.), “Бала хокук даирәсендә” информацин-социаль роликлар республика конкурсында призёр булганы өчен грамота белән бүләкләнде (җитәкчесе Сабирова Г.Х.). Шулай ук “Собери урожай 3Д” республика конкурсында 3 нче урынны алган өчен грамота белән 7 нче сыйныф укучылары Әхмәтшина Алия һәм Гыйниятуллина Камиләгә грамоталар тапшырылды (җитәкчеләре Кадырова А.С.).
Балалар Сабан туенда педагог-оештыручы Кадырова А.С. капчык киеп йөгерү конкурсын үткәрүдә катнашты.
-
Спорт мәйданчыгы үзенең ишекләрен ачты.
01.06.2016
Бүген мәктәбебездә шатлыклы вакыйга – спорт мәйданчыгы чылу тантанасы булды. Бу тантанада Кайбыч муниципаль районы башлыгы Рәхмәтуллин А.И., мәгариф бүлеге начальнигы Шакиров И. А. , районыбызның башка җитәкчеләре, мәктәп, балалар бакчасы коллективлары, авыл халкы катнашты. Чыгыш ясаучылар һәрберсе балаларыбызның физик яктан да, акыл ягыннан да сау-сәламәт булып үсүләрен теләде.
Күптән көтелгән бу хәлгә без бик шат. Бик зур рәхмәт шушы программаны кабул иткән республика җитәкчеләренә, хөкүмәтебезгә. Балаларыбыз мәйданчыкта үзләрен физик яктан ныгыта алачаклар бит. Киләчәктә балаларыбызга зур спорт уңышлары насыйп булсын!
-
Җәйге каникуллар имин үтсен!
31.05.2016
31 нче май көнне мәктәптә уку елын тәмамлауга багышланган линейка булды. Линейкада актив укучыларга грамоталартапшырылды. Шулай ук “Куркынычсыз җәй” дәресе кысаларында җәйге чор өчен өйдә, юлда, җәмәгать урынарында, су буйларында, табигатьтә һ.б. урыннарда куркынычсызлык кагыйдәләре искә төшерелде. Каникулларбыз, тыныч, күңелле, файдалы үтсен!