Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 101 102 103 104 105 106 107 108 ( 109 ) 110 >>
-
Укучыларыбыз уңышы
26.05.2017
Бүген мәктәбебезнең 8 нче сыйныф укучысы Әхмәтшина А. (җитәкчесе - Сабирова Г.Х.) Казан шәһәрендә үткән "Вперёд в прошлое" дип аталучы иҗади бәйгедә катнашты һәм III нче урынны яулады. Алияне һәм ГөлШаһидә Харисовнаны чын күңелдән әлеге зур җиңүләре белән котлыйбыз! Киләчәк бәйгеләрдә дә уңышлар теләп калабыз!
-
Котлыйбыз!
26.05.2017
Мәктәбебезнең музыка укытучысы Кадыйрова А.С. бүген Казан шәһәрендә узучы "Үз эшенең остасы" республикакүләм татар музыкасы бәйгесендә катнашып, III нче дәрәҗәле Дипломга лаек булды. Барыбыз да Айгөл Сәлимулла кызын әлеге җиңүе белән тәбрик итәбез, алдагы эшендә зур уңышларга ирешүен телибез! Афәрин!
-
"Соңгы кыңгырау"
25.05.2017
2008 нче елның беренче сентябрендә ак бантиклы, ак алъяпкычлар кигән нәни кызлар, кара костюм, ак күлмәкле шук малайлар 1 нче тапкыр мәктәпкә белем дөньясына кереп киттеләр. Шушы көннән соң күпме айлар, атналар, көннәр сизелми дә үтеп киткән. Бүген 8 чыгарылыш сыйныф укучысы өчен соңгы кыңгырау яңгырады. Соңгы кыңгырау ул, мәктәпне тәмамлап, зур тормышка, олы дөньяга юлланган укучыларны алдагы көннәрнең гаҗәп матур да, тынгысыз да, соклангыч һәм авыр да булачагын искәртеп тора кебек. Бу чың аларның кадерле укытучылары белән хушлашу авазы да.
Соңгы кыңгырау яңгырый бүген.
Яңа юл яра гомер агышы.
Соңгы кыңгырау—әнкәй догасы,
Изге юл тели аның тавышы.
Ашыгабыз һаман ашыгабыз,
Ни көткәнен белми һичкем дә-
Сезнең юллар вакыт кулында гел,
Сезнең юллар язмыш иркендә.
-
Әлифба бәйрәме
24.05.2017
Бүген башлангыч сыйныф укучылары өчен класс җитәкчеләре Әлифба бәйрәме үткәрделәр. Бәйрәм җырлар, шигырьләр, уеннар белән үрелеп барды.
-
#СтопВИЧ/СПИД#
20.05.2017
21 май - ВИЧ инфекциясе корбаннарын искә алу көне буларак билгеләп үтелә. Шул уңайдан СПИДка каршы көрәшү буенча Бөтенроссия акциясе кысаларында мәктәбебездә "#СтопВИЧ/СПИД#" исеме астында дәресләр үткәрелде.
-
Шатлык көне
19.05.2017
19 нчы май – һәр кеше күңеленә Пионерия туган көн булып кереп калгандыр. 1922 елдан башлап, ул тарихта беренче пионер оешмалары барлыкка килгән көн буларак яши... Димәк, быел Пионер оешмасы барлыкка килгәнгә 95 ел! Шул уңайдан әлеге бәйрәм бүген безнең мәктәптә Шатлык көне буларак билгеләп үтелде. Көн барышында балалар өчен төрле кызыклы уеннар, ярышлар үткәрелде, табигатькә поход оештырылды.
-
Иммунлаштыру атналыгы
18.05.2017
Европа иммунлаштыру атналыгы кысаларында мәктәптә "Вакцинация ни өчен кирәк?" дигән темага сыйныф сәгатьләре үтте. Дәрес вакытында укучылар вакцинациянең килеп чыгу тарихы, төрләре, кайсы авырулардан ясалуы хакында мәгълүматлар тупладылар, "Я привит" исемле видеоролик карадылар, үзләрен кызыксындырган сорауларга җавап таптылар.
-
Яшь янгынчылар бәйгесе
17.05.2017
Бүген район күләмендә "Иң яхшы яшь янгын сүндерүчеләр отряды - 2017" исеме астында бәйге уздырылды. Әлеге ярышта безнең мәктәптән "Ялкын" дружинасы да катнашты (составында: 7 нче сыйныфтан Гирфанова А., Гирфанова Л., Саттаров А., Хәйруллина И., 8 нче сыйныфтан Салаватуллина А.). Бәйге барышында укучылар үз отрядлары белән таныштырдылар, иҗади чыгыш ясадылар, практик биремнәр үтәделәр.
-
Республика контроль эшләре
16.05.2017
Мәктәбебезнең 6, 7, 8 нче сыйныф укучылары 15-16 май көннәрендә Республика контроль эшләрен башкарды: 6 нчы сыйныф - рус теле һәм математика, 7 нче сыйныф - рус теле һәм математика, 8 нче сыйныф - химия һәм тарих фәннәреннән.
-
Халыкара гаилә көне
15.05.2017
Ел да 15 майда – табигатьнең иң гүзәл, алмагачлар чәчәккә төренгән вакытында Халыкара гаилә көнен билгеләп үтәбез. Гаилә гомер-гомергә яшәешнең башлангычы булды. Ул – кешенең төп терәге, җәмгыятьнең рухи сәламәтлеге чыганагы. Гаилә – ул җылылык, мәхәббәт, ышаныч учагы. Әлеге матур бәйрәм уңаеннан бүген мәктәбебездә "Гаилә - тормыш нигезе" исемле чара үткәрелде. Әлеге чараны Сабирова Г.Х. җитәкчелегендә ел дәвамында "Семьеведение" программасы буенча дәрестән тыш шөгыльләнгән 6 нчы сыйныф укучылары әзерләде. Алар чара барышында үзләренең гаиләләренә багышлап ясалган проект эшләрен дә тәкъдим иттеләр. Шулай ук бүген сыйныфларда "Гаилә дәреселәре" дә уздырылды.