26 гыйнвар көнне Казан шәһәренең 75 гимназиясендә "XVI Раштуа укулары" узды. Безнең мәктәпнең 4 нче сыйныф укучысы Садриев Гадел әлеге укуларның "татар теле" секциясендә "Авылдашым-язучы Әбрар Сәгыйди" темасына уңышлы чыгыш ясады һәм II нче дәрәҗәдәге диплом белән бүләкләнде.Җитәкчеләре Садриева Р.З.,Багавиева Э.Р. Молодец,Гадел! Алга таба да уңышлар юлдаш булсын!

Бүген Кайбыч мәктәбендә "Ел укытучысы-2018" бәйгесе уза. Безнең мәктәптән башлангыч сыйныфлар укытучысы Хәмидуллина М.С. катнаша,аңа уңышлар теләп калабыз!

Көнозын мәктәптәге дәресләрдән соң, укучыларыбыз дәресләрдән соң көннәрен күңелле кышкы уеннар белән дәвам итәләр. Кышкы табигатьне күзәтү белән беррәттән,рәхәтләнеп таудан чана шуалар,көннәрен файдалы һәм күңелле үткәрәләр.

Укучыларыбыз уңышлары белән сөендерүне дәвам итәләр. Бөтенрәсәй сочиненияләр конкурсының муниципаль этабы җиңүчесе 9 нчы сыйныф укучысы Сәгъдиева Ләйсән(җитәкчесе Садриева Р.З.)"Алтын көз" фестивалендә катнашучы кызыбыз Миңнуллина Исламия(6 кл). Молодцы,кызлар!

Бүген мәктәбебездә чираттагы ата-аналар җыелышы узды. Җыелышта уку-укыту буенча директор урынбасары Насретдинова А.Г. беренче яртыеллык нәтиҗәләре белән таныштырды, Тәрбия эшләре буенча директор урынбасары Багавиева Э.Р. мәктәптә сәламәтлек юнәлешендә алып барылган эшләргә тукталды. 6 нчы сыйныф җитәкчесе Вилданова Л.Х. чыгышын методик доклад белән дәвам итте. Физкультура укытучысы Гатауллин Д.Р.укучыларыбызның спорт өлкәсендә булган уңышлары белән таныштырды. Мәктәп директоры Хәмидуллин И.И. ата-аналарны сәламәт яшәү рәвешен алып барырга кирәклеген,балаларны кече яшьтән үк чыныктыруны гаиләдә башларга кирәклеген ассызыклады. 

Төрле конкурсларда катнашып җиңү яулаган укучыларыбызны иртәнге линейкада котлау- күптәнге традиция.Бүген без түбәндәге укучыларыбызны тәбрикләп китәбез.Химия фәне буенча республика олимпиадасында катнашкан 9 нчы сыйныф укучысы Сәгъдиева Ләйсән(катнашу таныклыгы),9 нчы сыйныф укучысы Ахметшина Алия  "Будет чисто" хәрәкәтенең рәхмәт хаты белән бүләкләнә. Республикакүләм  һөнәрләр турында иншалар язу "Киләчәккә-билет" конкурсында катнашып 8 нче сыйныф укучысы Насретдинова Илүсә лауреат булып танылды. (Җитәкчесе:Насретдинова А.А.).Республикакүләм фәнни-тикшеренү һәм иҗади эшләр "Минем Татарстан"конкурсында 2 нче дәрәҗәдәге диплом белән Хәйретдинова Ләйлә(6 кл),Сабиров Сәйдәш ( 7 кл), (Җит.Хәмидуллина М.С.), Ахметшина Алия (9 кл) (Җит.Сабирова Г.Х.), 3 нче дәрәҗәдәге диплом белән Сиразиева Гөлназ(4 кл), Гиниятуллина Алинә( 4 кл) (Җит.Вилданова Д.Р) бүләкләнделәр. Афәрин,укучылар! Котлыйбыз!!!

12-14 гыйнвар көннәрендә Казанда химия фәненнән "Путь к олимпу"республика олимпиадасында мәктәбебезнең 9 нчы  сыйныф укучысы Сәгъдиева Ләйсән катнаша.  Уңышлар теләп калабыз.Җитәкчесе (Сабирова Г.Х.)

Күңелле һәм файдалы яллардан соң,иң озын уку чиреге башланды.Хәерле сәгатьләрдә!!!Укуларыгызда уңышлар юлдаш булсын!

Бүген педагогик хезмәткәрләрнең  "Тәрбия эшендә заманча технологияләр" дигән темага педагогик совет утырышы уздырылды.Педагогик совет утырышында "Тәрбия эшендә заманча технологияләр" дигән темага 6 нчы сыйныф җитәкчесе Вилданова Л.Х. тарафыннан  доклад тыңланды ,тәрбия эшләре директор урынбасары Багавиева Э.Р. үзенең чыгышында ата-аналар белән эшләүнең актуаль формаларына тукталды. Уку-укыту эшләре буенча директор урынбасары Насретдинова А.Г. 2 нче чирек нәтиҗәләре белән таныштырды.Мәктәп директоры Хәмидуллин И.И. төрлеләргә тукталды.