6 нчы сыйныф укучысы Хәйретдинова Ләйлә,7 нче сыйныф укучысы Сабиров Сәйдәш (җитәкчесе Хәмидуллина М.С.), фәнни тикшеренү һәм иҗади эшләр Республика конкурсында катнашып II дәрәҗәдәге диплом, 9 нчы сыйныф укучысы Ахметшина Алия (җитәкчесе Сабирова Г.Х.) II дәрәҗәдәге диплом, 4 нче сыйныф укучысы Сиразиева Гөлназ (җитәкчесе Вилданова Д.Р.) III дәрәҗәдәге дипломга лаек булдылар. Җиңүчеләребезне котлыйбыз! 

Укучыларның каникуллары файдалы да,  күңелле дә үтсен өчен әти-әниләр дә, укытучылар да тырыша. Бүген мәктәбебезнең 1,2, һәм 3 нче сыйныф укучылары "Салават күпере" спорт-сәламәтләндерү комплексына су коенырга бардылар. 

Бүген "Салават күпере" спорт комплексында актив укучылар өчен чыршы бәйрәме уздырылды. Чыршы бәйрәмендә балалар төрле концерт номерлары белән чыгыш ясадылар. Безнең мәктәптән 7 нче сыйныф укучысы Хикматуллина Кадрия "Яңа ел сәгатьләре" җыры белән чыгыш ясады. Бу бәйрәмдә шулай ук 8 нче сыйныфтан Гирфанова Ләйлә,Гирфанова Адилә, Сабирова Илсөя, Хәйруллина Илзирә дә катнашты. Бәйрәм бик күңелле булды. 

25 декабрьдән 9 нчы сыйныф укучылары өчен кышкы лагерь эшли башлады. Лагерьда укучылар ял итү белән берлектә имтиханнарга әзерләнү эшләрен дә алып баралар.

Бүген Казан шәһәрендә укучыларның республикакүләм Президент Чыршысы бәйрәме үтте. Әлеге күңелле чарада безнең мәктәптән 9  нчы  сыйныф укучысы Ахметшина Алия  катнашты. 

Бүген мәктәптә башлангыч сыйныфлар өчен "Яңа ел могҗизалары" бәйрәме булып үтте. Яңа ел тамашасы әкиятләштерелгән формада уздырылды. Балалар чыршы әйләнәсендә үзләренең матур шигырьләрен, җырларын башкардылар, биюләрен күрсәттеләр, төрле уеннарда катнаштылар. Тамашага укучыларның әти-әниләре дә килде.  Тамаша ахырында барлык укучылар Кыш бабай кулыннан "Яңа ел "бүләкләре алдылар.

Бүген 6-9 нчы сыйныф укучыларының "Хуш киләсең,Яңа ел"! исемле Яңа ел бәйрәме уздырылды.Бәйрәмне сыйныф җитәкчеләре белән берлектә 7 сыйныф укучылары уздырды.  Быелгы бәйрәмгә  Яңа елга багышлап бию башкару,фото төшү өчен фон ясау, плакат чыгару һ.б бәйгеләрдә катнаштылар. Бәйрәм ахырында жюри җиңүчеләрне билгеләде: I нче урында - 9 нчы сыйныф, II нче урында - 6 нчы сыйныф, III нче урында  - 8  сыйныф укучылары булды. Тамаша ахырында барлык укучыларга да Яңа ел бүләкләре таратылды.

 Мәктәбебез укучылары һәм укытучылары Яңа 2018 нче елга әзерлек эшләрен башлап җибәрде.Барчабыз да тырышып мәктәп эчен бизибез, кардан  төрле фигуралар ясыйбыз. 

Мәктәбебездә яңа елга әзерлек эшләре дәвам итә. Сыйныфларда яңа елга карата стенгазеталар чыгарыла,сыйныфлар бизәлә. 9 сыйныф укучысы Салаватуллина Айзилә ясаган рәсем аеруча да игътибар үзәгендә.