28 нче декабрьдән мәктәбебездә кышкы каникуллар башланды. Каникул вакытында мәктәптә кышкы лагерь эшләячәк.

Мәктәбебезнең барлык сыйныфларында да да Яңа ел бәйрәменә әзерлек бара.Киләсе Яңа ел барыбызга да уңышлар китерсен!

      Ел саен Казанда укуда алдынгы,төрле конкурсларда актив катнашучыларны ,олимпиадаларда урын алучыларны   котлау максатыннан  Президент ёлкасы үтә. Быел бу тантанада катнашу бәхете  мәктәбебезнең активисты Әхмәтшина Динарага  елмайды.

Бүген мәктәптә 3 сыйныфлар "Өч кыз" әкиятен  сәхнәләштерделәр. Укучылар  үзләренең рольләрен бик оста башкардылар. Аларга уңышлар  телибез.

    Кичә мәктәптә Кайбыч һәм Чувашиядән килгән татар теле һәм әдәбияты укытучыларының регионара семинары үтте. Мәктәбебезнең татар теле һәм әдәбияты укытучылары Хаматшина Гөлнур Гарәф кызы һәм Козлова Раилә Навафил кызы Сингапур  методикасын кулланып дәрес күрсәттеләр. 

    Мәктәптә семинар барышында килгән кунакларга "Милләт үсеше нигезенең рухи кыйммәте буларак татар телен саклау!" исеме астында кичә үткәрелде. Бу кичә тамашачылар  күңеленә бик хуш килде.

     Кичә барлык мәктәпләрдә дә экологияне саклау, яклау максатыннан "Чисталык дәресләре" үтте.  3, 4 нче сыйныфта үткән "Табигатьне саклыйк! " дип исемләнгән дәрестә Кайбыч таңнары журналисты Мингазиз Сөнгатуллин да катнашты.

    Бүген мәктәптә 4 нче сыйныф укучылары Ләбиб Леронның "Бүртәй белән Кикрикҗан" маҗараларын сәхнәгә куйдылар. Барлык укучылар да рольләрне  оста башкардылар. Аларга уңышлар телик.

Бүген Кайбыч районы сыйныфтан тыш эшләр үзәгендә "Туган телем - серле тел" дигән шигъри бәйге үтте. Бәйгедә Чүти урта мәктәбеннән Тараканова Марина һәм Закирова Алсу 1 нче урын, Шәрәфетдингова Эльмира 2 нче урынны алды.

      Мәктәптә театр атналыгы дәвам итә. Бүген башлангыч сыйныф укучылары чыгыш ясады. 1, 2  нче сыйныф укучылары Г.Тукайның "Кызыклы шәкерт", "Бала белән күбәләк" шигырьләрен,  3 нче сыйныф "Өч кыз" әкиятен сәхнәләштереп күрсәттеләр.

Шимбә көнне Чүти мәдәният йортында Вячеслав Митрофановның иҗат кичәсе үтте.