Бүген башлангыч сыйныф укучылары музейга экскурсия ясадылар. Музей җитәкчесе Раилә Навафиловна  "Дан сиңа совет солдаты!" дигән темага укучылар алдында чыгыш ясады, музей экспонатлары белән таныштырды.

  Мәктәптә физик һәм патриотик тәрбия айлыгы дәвам итә. Шул уңайдан бүген 5-7 нче сыйныфлар арасында "Ягез әле, егетләр" бәйгесе үтте. 1 нче урынны 5 нче сыйныфлар алды.

    Хөрмәтле ир-егетләребез! Сезне чын күңелебездән Ватанны саклаучылар көне белән котлыйбыз. Сезгә һәм гаиләләрегезгә тыныч күк йөзе, ныклы сәламәтлек, бәхет, муллык, һәр эшегездә уңышлар теләп калабыз. 

Сез безнең күңелгә мәңгелек ышаныч!

Сез көчле, сез батыр, сез безнең куаныч!

Сез- алтын багана, гаиләдә сез терәк!

Тынычлык-иминлек сагында сез кирәк.

   Бүген мәктәптә 23 февраль-Ватанны саклаучылар көненә карата "Туган ил сагында" дип исемләнгән  кичә узды.Кичә җыр-бию,шигырьләр белән аралашып барды. Кичәдә катнашкан әтиләр дә, балалар да бәйрәмнән канәгать  калдылар.Дәресләрдән соң мәктәп үзидарәсе  укучылары тарафынннан әзерләнгән зур концерт булды. Кызыклы шигырьләр,викторина сораулары,матур җырлар бәйрәмне тагын да матурайтып җибәрде.

     Мәктәптә физик һәм патриотик айлыгы бара. Мәктәбебезнең барлык укучылары да бу айлыкта теләп катнашалар. Һәр көнне план буенча үтелгән мероприятиеләргә йомгак ясала. Бүген 1-4 нче сыйныфлар арасында күңелле стартлар узды.

     Мәктәбебез укучылары бүген "Туган телнең туган көнен" билгеләп үттеләр..Атна дәвамында план буенча ачык дәресләр , китаплар күргәзмәсе, әдәби- музыкаль кичәләр үткәреде.Бүген дәресләрдән соң  үткән  кичәдә  туган телгә багышланган монтаж, шигырьләр,җырлар бәйрәмне тагын да ямьләндереп җибәрде.Бу кичә тамашачылар күңеленә дә хуш килде.

             Бүген Мәлки җәмәгать  үзәгендә "Йолдызлык-2014" бәйгесенең зона туры үтте.Безнең мәктәптән Исламова  Адиля ,Тараканова Марина, Гибадеев Раиль,  Леонтьева  Дианалар район турына уздылар. Аларны бу җиңүләре белән котлыйбыз һәм уңышлар телибез!

   Бүген мәктәбебездә БДИ һәм  ДЙА га әзерлек буенча  ата-аналар җыелышы булды . Бу сынаулар бала өчен дә,ата-аналар өчен дә  зур стресс .Район мәгариф бүлегеннән килгән методистлар Русова Марина Михайловна,Зиадиева Ландыш Равилевналар ата-аналарга һәм укучыларга БДИ , ДЙА  бирүнең үзенчәлекле якларына тукталдылар,үзләренең киңәшләрен бирделәр.Ата-аналар да  үзләрен кызыксындырган сорауларга җаваплар алдылар.

      Мәктәптә оешкан "Зөбәрҗәт" төркеме "Йолдызлык-2014" бәйгесенең  зона турына әзерләнә. Биюче кызларыбыз бу бәйгегә бик тырышып әзерләнәләр,без кызларга зур уңышлар телибез.