Җиңү көне !

Халык бәйрәм итә.

Яз төренгән  янар  комачка.

Җир чәчәкләр тезгән күкрәгенә, 

Йөз балкытып карый кояш та.

Бүген Бөек Җиңүнең 70 еллыгына багышланган тантанада катнаштык. Тыл ветераннарын, сугыш чоры  балаларын бәйрәм белән котладык.

Зурлар төркемендә "Җиңү бәйрәме"нә карата балаларыбыз рәсем ясадылар. 

Кечкенәләр төркеменә йөрүче балаларыбыз хөрмәтле ветераннарыбызга бүләккә-открыткалар ясадылар.

Бакчабызга  чәчәкләр утырттык.

Административный регламент

Әле укый белмәсәк тә,

Туган телне җырлыйбыз.

Бу-Тукай абый бүләге

Иң матур бер җыр дибез.

    Бүген без Габдулла Тукай туган көнен билгеләп үттек. Авылыбыз китапханәчесе Драндрова Инна Виссарион кызы шагыйрьнең тормыш юлы,иҗаты белән таныштырды.Балалар ГабдуллаТукай шигырьләрен сөйләделәр,җырладылар,әкиятләрен сәхнәләштерделәр.

Балаларыбыз Тукай шигырьләренә карата бәйгеләрдә теләп катнаштылар:рәсемнәр, апликацияләр ясадылар. 

 Балаларда ветераннарыбызга карата хөрмәтләү хисе,аларның тормышы белән кызыксынучанлык тәрбияләү максатыннан төрле чаралар үткәрәбез. Авылыбызда яшәүче тыл ветераннарын туган көннәре белән даими, ә апрель аенда туган Платонова Евдокия апаны, кунакта булу сәбәпле,телефон аша котладык.  

Тынычлыкны яулап алып биргән ветераннарга безнең рәхмәтебез чиксез. Бүген без дә аларга кулдан кечкенә генә бүләкләр ясадык.

Бүген укытучы,тәрбияче апалар,башлангыч мәктәп укучылары белән бергәләп "Язгы шәфкатьлелек атналыгы"н дәвам иттек, сугышта һәлак булган авылдашларыбызны искә алдык,авылыбызда төзелә башлаган һәйкәл тирәләрен җыештырдык.