Алманың була алы,

 Кызылы һәм яшеле,

 Алмада җыелгандыр

 Витаминнарның шәбе.

     Җәйге ял вакыты булса да, бакчабызда, һәркөнне диярлек эш кайный. Бүген алмадан балаларга кайнатма ясадык, компот ясау өчен киптереп тә куйдык. 

Минем исемем – суган,

Мин Һиндстанда туган.

Мине бик тә мактыйлар,

Салатка да турыйлар,

Тураганда елыйлар.

        Бакчабызда суган  уңышы мул булды. Балаларга ел буена җитәрлек суган үстердек һәм җыеп алдык.

Җәйләргә сөенеп, кызылдан киенеп

Бакчада үсәләр чияләр.

"Безгә күз салыгыз, сокланып калыгыз, 

Иң матур чагыбыз!" – дияләр.

          Быел чия күп булды. Балалар бакчасында эшләгән, лаеклы ялга чыккан, Уткина Луиза апа һәм аның тормыш иптәше Василий абый балаларга кайнатма, компот ясарга  ике чиләк чия җыеп китерделәр. Аларга бик зур рәхмәт!

   Бүлмәләребезне матурайту,буяу эшләрендә әниләребез дә теләп ярдәм итәләр. 

 Бакчабызда буяу эшләре башланды. 

Чәчәкләребез берсе артыннан икенчесе чәчәк ата. Алар бакчабызга ямь,тирә-якка матурлык сибеп утыралар. 

Тырышлыгыбыз нәтиҗәсе -бакчабызда яшелчәләр күзгә күренеп үсәләр.

Бүген бакчабыз белән көзгә кадәр саубуллашабыз.

Җәйге ялларны күңелле һәм файдалы итеп үткәрергә,чыныгып исән-имин бакчабызга килергә язсын!

Бакчабызда редис

Үсте бигрәк тиз!

Үзебез үстергән яшелчәләрдән салатлар бигрәк тәмле!

-Яшь корбаннар сорап

Җирдә һаман-һаман

Кабыналар сугыш утлары.

Шушы сугышларда ничә еллар

Башын сала халык уллары.

   Бүген балалар белән "Хәтер көне"уңаеннан һәйкәл янына бардык,илебез иминлеге өчен  гомерләрен кызганмаган,төрле сугышларда катнашкан һәм һәлак булган,хәбәрсез югалган авылдашларыбызны искә алдык.