Работники межрайонного отдела надзорной деятельности по Буинскому и Дрожжановскому муниципальным районам УНД и ПР ГУ МЧС РФ по РТ в честь 70–летия Победы сделали  ветеранам особенный подарок. Они установили им датчики пожарной сигнализации. Такой «подарок» установил начальник отдела Марс Хамидуллин в доме ветерана  и нашего села Новые Какерли Садыкова Ахата.-  Этот прибор мне будет помощником, с ним я буду спокоен ,- сказал Ахат ага, поблагодарив за такой подарок.

Һәр елны табигать уянып,яшеллеккә төренгәндә,мәктәптә Бердәм экологик дәрес үткәрү тарадициягә әйләнде.Бүгенге дәрестә укучыларга экологик проблемаларны чагылдырган презентацияләр күрсәтелде һәм тирә –ягыбызны чорнап алган мохитнең торышы турында сыйныф җитәкчеләре чыгыш ясадылар.Укучылар бирелгән сорауларга җаваплар биреп утырдылар.

Бөек Җиңү көненә Татарстанның атказанган артисты ИлСаф үзенең   авылдашларына зур бәйрәм бүләге ясады. Гомер бәйрәменә багышланган программа буенча бик матур концерт куйды.

Районда зур парад үткәреп,бик матур чаралар оештырып, көне буена зур хезмәт куюларына карамастан, администрация башлыгы А.В.Шадриков һәм аның беренче ярдәмчесе А. Ф. Заляловларның бу бәйрәм концертына килүләре безне бик нык куандырды. Алар үзләренең чыгышларында ИлСафны хөрмәт итүләре һәм аның белән горурланулары турында сөйләделәр. Авылдашыбызга карата әйтелгән җылы сүзләрне  авыл халкы көчле  алкышлар белән кабул итте. Мәктәп коллективы, үз чиратында , ИлСафны туган көне белән котлап , Рәхмәт хаты һәм чәчәк бәйләме тапшырды.Ике сәгатьтән артык барган бәйрәм концерты авыл халкының күңелендә матур хәтирә булып озак сакланыр.

8 нче май көнне Советлар Союзы Герое Зариф Закир улының бюсты һәм  әфган сугышчыларының истәлек ташы куелган мемориал тирәсенә чыршы агачлары утыртылды . Киләчәктә “Җиңү паркы”-дип аталачак мәйданны һәр елны яңа утыртылган агачлар бизәп торачак дигән өметтә калабыз.Быелгысы исә, Бөек Җиңүнең 70 еллыгына багышлана.

Бөтендөнья күләмендә  бик зурлап үтелгән бәйрәм-Җиңү бәйрәме, мәктәбебездә шаулап-гөрләп үтеп китте.Еллар дәвамында алып барылган әзерлек эшләре,башкарылган эшләрнең йомгаклау нәтиҗәсе булган бәйрәм кичәсе, бөтен кешенең күңеленә хуш килерлек  матур булды.

Бәйрәм тантанасы озак еллардан хыялланган зур хыялыбызның тормышка ашуыннан башланды.

8 нче май көнне мәктәпкә Советлар Союзы Герое Зариф Закир улы Алимов исеме бирелү хакында язылган мәрмәр таш ачу белән башланып китте.Тантанада сугыш һәм тыл ветераннары,килгән кунаклар һәм авылдашлар катнашты.Мәктәп директоры Шамил Мөбәрәкҗан улы,Яңа Ишле авыл җирлеге башлыгы Радик Усман улы, Бөтендөнья  татар   конгрессы Башкарма комитетының Чүпрәле җирле оешмасы җитәкчесе  , авылдашыбыз Иршат Заир улының  чыгышлары беркемне дә битараф калдырмагандыр дип уйлыйбыз.Ә инде Геройның туганы 85 яшьлек Заир абыйның бу тантанага быгышлап язылган шигыре күзләргә яшь китерде.

“Үлемсез полк “маршы  һәйкәлләр яныннан узды.Һәйкәлләргә чәчәкләр куелды.Бәйрәмнең  дәвамы булып  “  Җиңү кайтавазы мәңгелек  “исеме астында театрлаштырылган тамаша күрсәтелде. Бәйрәм чәй өстәле янында тәмамланды.

 Бүген Яңа Кәкерле төп мәктәбендә Бөек Җиңү тантанасының зур репетициясе булды. Укучылар үзләренең фронтовик бабаларының фотоларын күтәреп сафта йөрделәр. Музыкаль монтаж һәм сәхнәләштерелгән күренешләрне кабатлап, бәйрәмгә әзерлекнең торышын билгеләдек.

Шулай ук мәктәп яны тәҗрибә участогында чәчү эшләре дә бара.

Игелек акциясенең сигезенче көнендә  мәктәптә “Җиңү сәгате” дип исемләнгән чара үткәрелде.Чарада укучыларга презентацияләр күрсәтелде. Тарих укытучысы балаларга күптөрле мәгълүматлар җиткерде. Шуннан соң, укучылар үткәнгә Җиңү хаты яздылар.

Игелек акциясенең җиденче көнендә  “Минем гаиләм” темасына буыннар  арасындагы бәйләнешне чагылдырган фотосурәтләр күргәзмәсе оештырылды. Күргәзмәдә уннан артык гаиләнең фотолары куелган иде. Шулай ук, өч буын арасында нык бәйләнеш булган үрнәк гаиләләрнең берсе – Закировларның фотосурәтләре дә бар иде. Бу гаилә биш бала үстереп, барысына да югары белем биреп, зур тормышка аяк бастырулары белән аерылып тора. Бүгенгесе көндә өченче буын балалары да республикабызның төрле өлкәләрендә хезмәт куя. Өстә аларның фотосурәтләре.

 Бүген “Язгы мәрхәмәтле эшләр” атналыгы кысаларында “Һәйкәлләргә юл” исеме астында акция башланып китте. Мәктәп укучылары авылдашыбыз Зариф Закир улы Алимовка куелган бюст һәм әфганчыларның истәлек ташлары тирәсенә чәчәкләр утырту урыннарын әзерләп, кабат чистарту эшләре башкардылар.

   Мәктәптә “Мәрхәмәтле ярминкә” оештырылды. Ярминкәдә укучылар һәм әти – әниләр көче белән әзерләнгән әйберләр куелган иде. Укытучылар һәм әти – әниләр  аларны бик теләп сатып алдылар. Ярдәм йөзеннән җыелган 1000  сум акча сугыш ветераннары һәм авылдашларыбыз күмелгән зират тирәсен тәртиптә тоту өчен мәчеткә тапшырылды.

Бөек Җиңүнең 70 еллыгын каршылаган көннәрдә акция кысаларында мәктәптә  шимбә өмәсе үткәрелде.  Бу өмәдә үткән ел утыртылган агачларның төпләрен йомшарту, корыган ботакларыннан арындыру эшләре башкарылды.Үткән ел утыртылган 150  төп нарат үсентесенең бары җидесе генә үсеп китә алмаган иде.Укучылар алар урынына яңаларын утырттылар.