Бүген укучылар белән иң четерекле темага әңгәмә үткәрдек. Әңгәмәдә авылыбыз фельдшеры Ландыш Әмирҗан кызы Закирова да катнашты.Ул укучыларга яшүсмер чорында кеше организмы кичергән үзгәрешләр, бүгенге замана  афәте булган йогышлы авырулар һәм алардан саклану чаралары турында сөйләде.Шулай ук укучыларны кызыксындырган сорауларга да җавап бирде. Сыйныф сәгатен методик берләшмә җитәкчесе Гөлинә Фатых кызы Насибуллина үткәрде. Әңгәмә барышында “җенси тәрбия” темасына караган презентация дә күрсәтелде.

30 нчы гыйнвар көнне мәктәптә Ватанны саклаучылар көненә багышланган Хәрби гражданлык- патриатизм айлыгы кысаларында авылыбыз герое Зариф Закир улы Алимовны искә алу кичәсе булды. Тантаналы линейкада укучылар Зариф Закир улының батырлыгы турында сөйләп үттеләр.

Тарих укытучысы Закиров Ильнур Заер улы белән берлектә әзерләнгән презентация күрсәтелде. Ә физкультура укытучысы Замалтдинов Рафагать батыр истәлегенә волейбол ярышы оештырды. Ярышта 8 нче сыйныф укучылары җиңүчеләр булды.

Батырларны онытырга безнең хакыбыз юк.

Быел илдә гриппның иң котырган чагы февраль уртасына туры килә дисәләр дә, соңгы мәгълүматларга караганда, ай башында ук  Русия Федерациясенең 40 ка якын регионында грипп эпидемик чикне узып киткән. Бу исемлеккә Татарстан да керә. Дөньяны өркеткән дуңгыз гриппыннан саклану һәм кисәтү чараларын өйрәнүне башлангыч сыйныфлар белән башлап җибәрдек. Организмның иммун системасын ныгыту өчен җиләк – җимешләр кулланырга, спорт белән шөгыльләнергә, урамда, мәктәптә борынны бәйләп махсус битлек кияргә киңәш ителә.

С целью предупреждения опасности при пожаре проводилась  эвакуация. В ходе общего построения учителем ОБЖ  Замалтдиновым  Р.А. был проведён краткий инструктаж техники безопасности при возгорании в образовательном учреждении.  

Мәктәптә яраткан язучыбыз Гомәр Бәшировның тууына 115 ел тулу уңаеннан

“Табигать җырчысы” –дип исемләнгән кичә үтте.Монда халык язучысын зурлап искә алу да, яшь буынны язучы һәм аның иҗаты белән таныштыру максаты да куелган иде.Балалар аның иҗаты белән кызыксынулары турында һәм аңа багышланган презентация хакында тасвирлап сөйләделәр.Соңыннан презентацияләрен күрсәттеләр. Укучылар Г.Бәшировның иҗатына кагылышлы викторина сорауларына җаваплар бирделәр.Кичәне мәктәп китапханәчесе Дилүзә Вилданова оештырды һәм үткәрде.

Этот год в республике объявлен годом образования и профориентации. И в связи с этим в школе под руководством Шумилова Ивана Владимировича в 5 классе был проведён классный час с показом презентации на тему «Образование и формирование жизненных планов». Ученикам были предложены ответить на некоторые интересующие их вопросы.

В четверг состоялась игровая программа для начальных классов. Они успешно приняли участие в конкурсах. Очень хорошее настроение было у всех присутствующих, даже у выступающих. Детям понравилоь.

     В третий день проводилась викторина для старших классов об Америке. Им были предложены вопросы по этой тематике. Все сражались достойно, но выиграл сильнейший.

Во второй день недели английского языка состоялась викторина в 6-м классе под названием «Знаешь ли ты Великобританию?». Ученикам было предложено 23 вопроса по изученной теме. Им очень понравилось отвечать на них. 

Яңа Кәкерле төп гомуми белем бирү мәктәбендә балаларның кышкы ялы “Хуш киләсең, Яңа ел!” дип исемләнгән зур чыршы бәйрәме белән башланып китте. Балалар бу бәйрәмгә нык әзерләнеп килделәр. Барлык укучылар да осталыкларын,талантларын күрсәтергә тырышты.Тырышлыклары бушка китмәде: мәктәп коллективына һәм авыл халкына зур бәйрәм булды.

Мәктәп администрациясе һәм укытучыларның, укучыларның тырышлыгы белән мәктәп каршында шугалак ясалды.Анда матур итеп чыршы да бизәп куелгач,беренче көнне үк яше-карты җыелды.  Каникул көннәрендә  барлык укучылар да диярлек шугалакта кышкы уеннар уйнадылар. Кардан матур итеп төрле сыннар  ясау буенча конкурс игълан ителгән иде. Ул сыннар да шугалак янына урнаштырылды.

       Планда каралган барлык чаралар да үткәрелде.Шулардан 4 нче гыйнвар көнне  5-9 нчы сыйныф укучылары арасында “Күңелле старт” уеннары оештырылды.Аларны физик тәрбия укытучысы Р.А.Замалтдинов һәм педагог- оештыручы Д.И.Вилданова оештырды. Уеннарда барлык  укучылар да бик теләп катнашты. Җиңүче итеп “Кар бабай” –командасы билгеләнде. 9 нчы гыйнвар көнне шашка –шахмат уеннары үткәрелде. Ярышны кизү торучы С.Н.Никитин ,физик тәрбия укытучысы Р.А.Замалтдинов оештырды. Балалар арасында 9нчы сыйныф укучылары  Р.Т.Хисматуллин,И.И. Ахметзянова җиңүчеләр булды. Уен күңелле һәм кызыктыргыч  үтте.

     Китапханәче Д.И.Вилданова, татар теле һәм әдәбияты укытучылары Г.К.Вилданова һәм Г.Ф.Насибуллина  бергәләп “Күңел тынычлыгын китаптан табам”дип исемләнгән чара үткәрде.Анда яңа кайткан китаплар белән танышу булды.  Мәхмүдинең “Әче балан”исемле әсәренең эчтәлеге белән танышып,фикер алышынды.

Көннәр суык һәм буранлы булу сәбәпле,өлкәннәргә һәм инвалидларга ярдәм оештырылды.Низамов Шамилга 8 нче сыныф укучылары Вилданова Дилүзә белән ике мәртәбә барып хәлен белешеп , ишек алларын кардан арчып кайттылар.

Кызганыч,суыклар булу сәбәпле, район музейларына сәяхәт итә алмадык,ләкин уку барышында без анда барырга тырышабыз.