Чүпрәле районы халкы үзенең батыр улларын беркайчан да онытмый. Алар истәлегенә төрле кичәләр, ярышлар, бәйгеләр оештыра.Яңа  Кәкерле төп мәктәбе дә бу көннәрдә  Советлар Союзы Герое Хәкимов Михаил (Исмәгыйль) Кәбир улының юбилеена багышлап үткәрелгән чаралардан гөрләп торды. “Батыр якташыбыз” (3-6 нчы сыйныфлар), “Бездә беркем дә, берни дә онытылмый!” (7 нче сыйныф), “Геройлар эзеннән” (8-9 нчы сыйныфлар) дип исемләнгән сыйныф сәгатьләрендә Герой якташыбыз турында сөйләнелде, күрсәткән батырлыклары яңадан искә төшерелде. Тарих укытучысы И.З.Закиров 9 нчы сыйныф укучылары белән “Геройлар үлмиләр!” исеме астында музейда батырлык дәресе үткәрде. Ә  И.В.Шумилов һәм Г.К.Вилдановалар исә  мәктәп яны сәламәтләндерү лагерена йөрүче укучылар белән берлектә  герой якташыбызның  тормыш һәм хезмәт юлын күрсәткән презентация әзерләделәр һәм аны укучыларга тәкъдим иттеләр. Киләчәктә дә илебезгә тыныч һәм матур көннәр бирүдә җаннарын да кызганмаган батырларны онытмабыз.