Бүген  илебез иң затлы һөнәр ияләре  укытучыларны һөнәри бәйрәмнәре белән котлый. Табигать тә аларга мәрхәмәтлелек күрсәтеп, җылы якты кояш нурларын җәлләмәде. Мәктәбебез “Укытучылар көне”н  һәр елны зурлап билгеләп үтә. Укучылар үзләренең  изге теләкләрен җиткерә, җырларын һәм шигырьләрен бүләк итә.  Тәнәфесләрдә укытучыларга багышланган  җырлар яңгырап тора, ягъни мәктәп гөрләп тора. Ямь өстенә ямь биреп хөрмәтле укытучыбыз Лев Николаевичның гомер бәйрәме дә бүгенге көнгә туры килгәнгә күрә, барыбыз да аны чын күңелдән котлап, изге теләкләребезне җиткердек.7 нче сыйныф укучысы Махмутов Айгиз чәчәк  бәйләме белән бергә үзе иҗат иткән шигырен бүләк итте. Иң  гүзәл  һәм ихтирамлы  һөнәр ияләренә  карата булган  җылы мөнәсәбәт  һәрчак саклансын иде.